عقلي يبي محمد.. وقلبي يبي فيصل,,

السبت يوليو 30, 2011 10:05 am

تذكير بمساهمة فاتح الموضوع :

عقلي يبي محمد.. وقلبي يبي فيصل,,

روايه رومنسيه خطيرهـ

عقلي يبي محمد وقلبي يبي فيصل رواية سعودية جريئة / كآمله

على لســآن الكآتبة .. "مـــلح الحياة" :

بدون اي مقدمات ولاحكي فاضي من هنا ولامن هنا حابة اعرض عليكم روايتي الثانية (عقلي يبي محمد وقلبي يبي فيصل) واشوف ردود افعالكم ياعسل ...

(عقلي يبي محمد وقلبي يبي فيصل) لكاتبتها ملح الحياة...

..

اهم شخصيات الرواية,,,,

العنود/بنت عمرها 22 سنة متخرجة من ثانوي وتشتغل في بنك تصيربنت عمة محمد وفيصل.فيصل/عمره 30 سنة عايش عشر سنسن في امريكا جراح قلب وسيم ومغرور حيل والكل يحسب له الف حساب اذا دخل مكان يوقفون له احتام من شخصيته وحضوره القوي..محمد/عمره 28 سنة مهندس في شركة بترول متخرج من النمسا ..وسيم الى حد ما,,في شبه بينه وبين فيصل ولد عمه بس هذا اسمراني وذاك ابيض وعلاقته بالعائلة كلهم حلوة وشخصيتها واثقة واجتماعية وله علاقة خاصة بعمته ام العنود وعيالها,,,

في بيت ال معمر..(البندري والجازي والوليد والهنوف)
العنود/جويزي مابتروحين الجامعة اليوم,,,
الجازي/لابطنش..
العنود/وليه التطنيش بالله؟
الجازي/والله البارحة مانمت زين ومالي خلق اقوم من فراشي علشان الجامعة...
العنود/المهم انا والبندري بنطلع من دواماتنا وبنروح بيت جدي على طول..
الجازي فزت من سريرها/لاحرام عليكم هذا ظلم..
العنود اخذ ت شنطتها ومشت/اقول,,وفري ظلمك في نومك...
******************************* محمد/ماصار ذا يوم الاربعاء ..نستناه يجي من اسبوع...
خالد/وليش تستناه حضرتك!!!
محمد/علشان اشوفها واكحل عيني بشوفتها..
خالد/انا لو منك اصارحها...
محمد/لا انا ابي اتاكد من شعورها اول وبعدين اقولها ,,اخاف يكون قلبها مشغول بغيري ..
خالد/انا اقول لو تكلمها عن شعورك افضل...
محمد/.......خالد/..............
محمد/.......خالد/ ....مادريت..
محمد/عن شنو؟؟
خالد/فيصل ولد عمك جاي الاسبوع الجاي..
محمد/سمعت ابوي يقول.ياه صار له عشر سنين في امريكا..
خالد/الله يوفقه.....اتوقعه تزوج امريكية,,
محمد/عمي يقول انه ماتزوج..
خالد/يمكن كلام بس !
محمد/لا..وصال تقول لما راحوا له ماكان متزوج وقال لهم ان فكرة الزواج ماهي في راسه هذا الكلام قبل سنتين طبعا (وصال اخت محمد زوجة سعود اخو فيصل)خالد/والله فيصل كل شي عنده عادي بتشوفه اذا رجع..بيقلب الدنيا..
محمد/هو من اول شايف حاله كيف بعد اللحين جراح قد الدنيا...اكيد مايشوف اللي حواليه.
.خالد/هاهاهاها اذا هو دكتور ترى حنا مو طرارين حنا بعد مهندسين قد الدنيا...
محمد/هاهاهاهاها شفيك معصب انت يااخي الدعوة سوالف...
** في بيت العامري بيت ابو فيصل (سعود ,سلطان,لطيفة,نوف,)
نوف/واخيرا اليوم الاربعاء بنروح بيت جدي كلنا...
وصال/أي وانتي الصادقة وحشوني مووت..
نوف/ياسلام انتي قبل يومين كنتي هناك كيف مداهم يوحشونك!!
وصال/انا يوم رحت ماكانوا هناك كلهم وبعدين اليوم الاربعاء غير لاتنسين ان عماتي يكونوا موجودين هم وبناتهم...
نوف/.اي بناتهم...
وصال/شفيك..
نوف/سرحت في.....العنود
وصال/العنود!!!!
نوف/احلى بنات العيلة واذا بغيتي العالم..
وصال/انتي نسيتي نفسك ولاغيرة!!
نوف/لاحرام عليك انا اغار من العنود حرام..العنود حبوبة والكل يطريها بالخير بس كنت افكر فيها..سبحان الله على جمال الكون اللي عنده بس ربك باليها بمرض وكل يوم والثاني طايحة بالمستشفى...وصال/هاذي قسمة الله ومافيها اعتراض..
نوف/..ماعلينا..كلها كم يوم وابو عبد العزيز يجي عندنا...
وصال/الله يسمع منك ويسمي عبد العزيز مو مثل اخوه فشلني مع عمي..
نوف/سعود كان راضي يسمي عبد العزيز بس فيصل دق عليه وقال سموه باسل وراي فيصل يمشي على الكل في النهاية...
وصال/انا باروح اخلص شغلي حق الليلة..
نوف/ok ,وانا اقوم اشوف اخبار المنتدى شو صار وشو ماصار..
وصال/انتي ماراح يعمي عينك غير هالمنتدى...
من كثر ماتقعدين قباله....

الليل في بيت العامري...(بيت الجد واللي ساكن فيه ابو محمد وابو خالد (عيال ابو محمد..,وصال,وضحى,مشعل)(عيال ابو خالد لؤلؤة,طلال ,روان )
محمد/عمتي شلونك...
ام الوليد/انشد عنك يمه انت شلونك مع شغلك ..
محمد/انا بخير ...والتفت الى الوليد....وانت شخبارك مع الجامعة..
الوليد/هانت ..باقي ثلاث سنين...
ام فيصل/هاهاهاها اجل ماهانت يمه ماراح منك غير سنة وحدة...
الوليد/انا اقول كذا علشان اعطي نفسي دافع...
ام خالد/خلاص الاربعاء يوصل فيصل...
ام فيصل/ان شاء الله...
ام وحيد عمتهم الثانية (هند,مرح,ليالي,وحيد )/ومتى بيجي ان شاء الله..
ام فيصل/من الصبح..يعني غذاكم وعشاكم بيكون عندنا..
ام الوليد/الله يجيبه لنا بالسلامةوالله اشتقنا له حيل ابو عبد العزيز...
ام محمد/انا لو منك ياام فيصل خلاص مااخليه يسافر احكم عليه مؤبد تعويض عن هالعشر السنين اللي راحوا....
في الحوش...
نوف/مرحوا والله انها عاجبتني يالدبة قولي عاد خذيها حلال عليك..
مرح/لو تحلمين ماعطيتك اياها....
لؤلؤة/شنو عاد؟؟؟
نوف/جزمتها ...تهبل تناسب ثوبي اللي من زار..
مرح/
no <<no>>>no
الجازي/عاد انتي ماطلبتي الا من اكرم خلق الله..
مرح/ههههههه
لؤلؤة/طيب وقت اللي بتلبسين الثوب خذيها.
نوف/لا..ابيها لي على طول...
الجازي/والله انتي بعد شغلتك شغلة..
الجازي/المهم بنات انتوا ماتلاحظون شي!!
نوف/لا..مرح/شي مثل شنو عاد؟؟
في جهة ثانية...
هند صديقة العنود من صغرهم ..تهمس للعنود/والله ولد خالك ماهو راضي يشيل عينه من عليك
العنود/لاتقعدين تهذرين مثل العجايز اصلا هو قاعد يناظر فيك..
هند/لاوالله حشى قاعد يناظر فيك انتي ..وصال/علامكم اليوم عندكم اسرار...
هند/لاماعندنا شي بس قاعدين نحش فيك..
وصال/فيني انا!!
هند/نقول مشاء الله عليها وصالوا ماكانها صارت ام ولاباين عليها...
وصال/الله ياخذك ياهندوه على هالسوالف...
لطيفة/الا تعالي بنشدك انا............................................... .................................................. ................................
العنود رفعت راسها ولقت محمد بعده واقف يناظرها قالت هذا شسالفته كل ماارفع راسي الاقيه يناظر بسوي روحي بدخل داخل واذا عنده شي بيناديني..
العنود/بدخل شوي ياجماعة..وصال/المهم لاتصيفين وشوفي باسل عند خالتي اذا هو ساكت ولايصيح...(ورجعوا يكملوا سالفتهم‘)
وقامت العنود ومشت في جهة محمد اللي كان واقف فيها ويوم مرت جنبه ناداها...
محمد/عنود...لفت لعنده العنود/انا العنود يامحمد ماني عنود...!!
محمد(وهو يتاملها)/اسف والله مو قصدي اقلل منك يابنت عمتي..
العنود بتبسامة /لاعادي امزح معك ..في شيء!!
محمد/ممكن اتكلم معك ؟
العنود/تفضل ..محمد/لا في موضوع خاص يعني مو هنا..
العنود/شنو؟؟
محمد/يعني مايصير وحنا واقفين نتكلم فيه وكل شوي واحد يقاطعنا..
العنود/بالمختصر..
محمد/فيني اكلمك على جوالك؟
العنود/.........
محمد/اذا بيضايقك خلاص..
العنود/وهالشي ضروري؟
محمد/بالنسبة لي طبعا.
العنود/طيب..دق علي الليلة بنتظرك....
ومشت عنه وهو بعده يتاملها.....
الجازي/انتوا منتوا ملاحظين ان محمد ولد خالي ماهو شايل عينه عن العنود اختي؟
والتفتوا البنات الى الجهة اللي كان محمد واقف فيها..
نوف//أي والله لايكون يحبها؟
مرح/شكله يقول أي..
الجازي/الا أي ونص...اصلا محمد رجله ماخذة على بيتنا في الفترة الاخيرة ومايجي الا اذا ضمن ان العنود تكون رادة من دوامها او في البيت ماهي طالعة ...ودايما يقول لاامي خليها تقعد في البيت مرتاحة بدل الشغل ماعندنا غير عنود وحدة مانبي نتعبها ...هذا شمعناته بالله؟؟؟؟
لؤلؤة/ماله معنى ثاني طلع محمد غرقان في العنود.
نوف/اصلا انا لو مكان العنود والله عاطيني هالجمال كله مااتزوج الا بعد قصة حب فلتة..
مرح/ياي عليك يالرومنسية ...بنشوف قصة حبك مع طلول كيف تكون..
هاهاهاهاهاهاها
نوف بعصبية/ماهو اخر عيالك تقولين عنه طلول ؟
الجازي/الا صحيح شخباره؟
لؤلؤة/الاخبار كلها عند ام النوف..
نوف/طيب..
مرح/ندري طيب يعني خلص لو بعده؟
نوف/بلى قاعد يطبق اللحين...
مرح/د. اسنان..
لؤلؤة/ولو انه مايناسبه ...
نوف/وش اللي مايناسبه يلي ماتستحين على وجهك...
الجازي/هههههه هاذي الحقيقة بعد ليش الزعل...
********************************في اخر الليل....
العنود قاعدة بغرفتها ودق عليها محمد...
العنود/الو..
محمد/هلا والله..
العنود/اهلين..
محمد/نمتي؟
العنود/لا
محمد/تنتظريني..
العنود/شنو كنت بتقول...
محمد/شخبارك..العنود/طيبة...محمد لاتلف وتدور قول شعندك؟
محمد/اه ...عنود..انتي..
قاطعته العنود/اسمي العنود...
محمد/ sory غلطة غير مقصودة.
العنود/وصاير تغلطها واجد..
محمد/........
العنود/أي كمل...
محمد/زعلتي يالعنود؟
العنود/واذا زعلت شبيصير؟
محمد/اه يالعنود بموت نفسي طبعا...
العنود/........محمد/ماسالتيني ليه؟؟؟ طيب انا بقولك .....العنود انا...انا غرقان فيك.....
(العنود مسكت شهقتها لايسمعها محمد من المفاجاْة وسوت روحها طبيعية)
محمد/ لاتسكتين ردي علي يالعنود...
العنود/........محمد/انتي في احد في بالك ...بس صاريحيني...
العنود/لا..
محمد/اه,,(بس هالمرة تنهيدة ارتياح)العنود/محمد انت فاجاتني وبصراحة مدري شقولك..
محمد/انا يالعنود احبك من زمان بس كنت خايف اصرحك وتكونين حاطة في بالك شي ثاني...
العنود/ويوم عرفت ان بالي فاضي ارتحت؟
محمد/ارتحت حيل يا....
العنود/...........
محمد/كلميني عن نفسك...
العنود/ليه انت شلي ماتعرفه بالضبط؟
محمد/اشياءك الخاصة كلها مااعرفها..
العنود/وانت تبي تنط مرة وحدة على اشياءي الخاصة..
محمد/هاهاهاها ابي اعرف العنود..
العنود/لسه بدري...
محمد/طيب فيني اقولك حبيبتي..
العنود/لا..محمد/ليه عاد حبيبتي..
العنود/محمد..محمد/ياعيون محمد انتي...
العنود/.......
محمد/شرايك تجين بكرة تتغذين عندنا في البيت..
العنود/لامااقدر..
محمد/ليش عاد؟
العنود/عندي شغل ولازم اخلصه ...محمد انا بسكر زين اني تذكرت ان عندي بكرة شغل..تصبح على خير...
محمد/ليش انا الليلة بنام علشان اصبح...حرام عليك انا بظل افكر فيك....العنود/تصبح على خير,,,,,,,,,,,وماعطته مجال يتكلم ,,,,,واخذت سماعة التلفون العادي ودقت على هند اللي تستناها تنقل لها الاخبار,,,
هند/هلا..
العنود/اهلين...هند/ها ...قولي..
العنود/سمعي.............................................. ...............................................
هند/قايلة لك انا هالنظرات ماهي طبيعية بس انتي ماصدقتيني...
العنود/............مدري...
هند/وكيف تكلمتي معه...
العنود/لا ماعطيته وجه ابدا وكنت اكلمه بجفاف كبير...هند/وقال شي..العنود/لا عادي قام يتكلم على طبيعته....

**خلوني اوصف لكم العنود وشخصيتها...العنود بنت مرة جميلة بشرتها برونزية وشعرها اشقراني مووت وعيونها رصاصية فاتحة وهذا الشي اللي يجذبك تناظر فيها من تشوفها رشيقة جدا جدا وهذا راجع لمرضها طبعا عندها تكسر بالدم وتتعب منه حيل معظم وقتها في المستشفى لانها ماتتحمل اي شي نعومة حيييل وبريئة لدرجة مو طبيعية كل الناس عندها طيبين ونيتهم صافية مادخلت الجامعة واشتغلت في بنك هي وهند بعد ماتوسط لهم خالها ابو فيصل اللي له د ور رئيسي في حياتها هي واخوانها بعد ماتوفى ابوهم لان ابو فيصل هو اللي تكفل فيهم وكان لهم ابو قبل لايكون خال وكانوا متعلقين فيه اكثر من جدهم......
************************************اليوم الثاني.....(في قسم بو خالد)
طلال/وين اختك نايمة...
روان/طبعا اليوم الخميس ماعندها جامعة..
طلال/هاذي كلاه نايمة مافرقت عندها خميس لو جمعة...
روان/انت ماعندك تطبيق اليوم؟
طلال/لا
....ويدق تلفون البيت....
طلال/الو..
نوف/.السلام عليكم..
طلال/وعليكم السلام....
نوف عرفته بس حبت تتعير/خالد شلونك...
طلال/هلا نوف....انا طلال ولامو عاجبك صوتي...
نوف/طلال sory والله مااميز بينك وبين اخوك ..
طلال/غريبة مع ان في اختلاف كبير في الاصوات....كيفك انتي..
نوف/طيبة الحمد لله..لؤلؤة قاعدة؟
طلال/لا طبعا ماهي قاعدة بس علشانك ممكن نصحيها..
نوف/لاخلاص بدق عليها في غير وقت..شكرا
طلال/داقة بس تسالين عن لؤلؤة؟
نوف/..........اي..طلال/بس!!!!
نوف/اكيد ليش انت متوقع ان في شي ثاني يعني..
طلال/.لا ..بس..
نوف/طيب باي.......
***بتكلم لكم شوي عن نوف وطلال...من الصغر والجد قايل نوف لطلال وطلال لنوف وكبروا ثنينهم على هاالشي وطلال يموت على طالايها ودايم يحاول يتقرب منها ونوف تحبه بس صديقاتها اللي يعرفون بها الشي ولا هي دايما اذا شافت طلال مايهزها رغم انها تذوب عليه بس تحب تثقل معه بزيادة وتتصدد عنه وهذا اللي مجنن طلال فيها اكثر واكثر......طلال يدرس طب اسنان وسيم بدرجة معقولة يشبه لااخوه خالد كثير مملوح وجسمه متناسق صار همه الشاغل انه يلبس ويتكشخ علشان حبيبة القلب ترضى عنه لان نوف معروفة ااْناق وحدة في العيلة كلها .....اما نوف فهي تدرس بالجامعة مع لؤلؤة ومرح ووالجازي بيضة عيونها وساع وشعرها ناعم وصابغته ثلجي وصاير يهبل فيها دلوعة ابو فيصل وبلا شك ماينرفض ليها طلب ابدا ومهما كان بس قلبها طيب....
********************************لطيفة/اقول يمه..
ام فيصل/نعم يمه..
لطيفة/وين بتسوون حفل الاستقبال حق فيصل لارجع..
ام فيصل/والله ابوك ماهو راضي يحجز شي الا اذا رجع فيصل يخاف ماتعجبه الحجوزات...
لطيفة/اه يمه..والله واحشنا فيصل..
ام فيصل/اذا واحشك مرة يالطيفة فاانا امه يظل واحشني حتى وهو جنبي شتقولين عن قلبي اللي متقطع على فراقه...
لطيفة/خلاص يمه هانت كاهو راجع لنا بالسلامة...
ام فيصل/كلها من عمري يابنيتي...
لطيفة/يمه انتي كنتي تروحين له دايما في الاجازات...
ام فيصل/سنة اروح وسنتين مااروح واذا رحنا قعدنا اسبوعين لو ثلاثة في بالك يالطيفة هذا يطفي شوق الام ولا يكفيها انا اظل افكر فيه كل ليلة يمه..
لطيفة/يمه فيصل ماهو صغير علشان تقعدين تحاتينه اللي كبره اللحين عندهم عيال...وانتي للحين تقعدين تحاتين,,,
ام فيصل/لاتلوميني يمه هذا ولدي وبكري وابي اتطمن عليه انا حتى اذا رجع وزوجته وجاب عيال بظل احاتيه...

يتبــــع

في بيت ال معمر...
ام الوليد/هلا والله بمحمد شلونك يمه؟
محمد/هلا عمتي وشلونك؟
ام الوليد/انا بخير انت شلونك..
محمد/والله ياعمتي من كثر ماانتي واحشتني جيت اتغذى معك اذا بعدك ماتغذيتي؟
ام الوليد/لاوالله يمه انتظر العنود قالت بتصلي وبتنزل تتغذى معي جيت بوقتك حياك يمه...
محمد في باله(هذا من حظي يوم بقعد مع العنود على سفرة وحدة!!!)
ام الوليد/محمد شفيك انا اكلمك وانت عينك على الباب؟
محمد/لا بس....
ام الوليد/علمني وش فيك انت هاالفترة منت طبيعي فيك شيمو على بعضك اصلا!!!
محمد/عمتي اذا خطبت العنود شبتقولين.....
ام الوليد/العنود؟؟!!
محمد/اي العنود ليه فيني شي غلط علشان تستغربين؟
ام الوليد/لا يمه مو انت بس انت عارف وضعها الصحي يمه وانها تحتاج تبديل دم كل فترة والثانيةو...
محمد/ماهو شي جديد ياعمتي انا عارف وراضي بها الشي بعد..
ام الوليد/بس يامحمد...
محمد/عمتي خليني اكون صريح معك انا احس بانجذاب ناحيتها واحس الدنيا تكون غير وهي موجودة واوعدك اني احطها في عيوني..
ام الوليد/يامحمد اذا علي انا ماراح الاقي مثلك ابدا ياولدي بس..
محمد/بس شنو ياعمتي؟
ام الوليد/اهلك يمه لازم تشاورهم في ها الموضوع..
محمد/وهلي وين بيلقون احسن من العنود ياعمتي..
ام الوليد/ولو يمه هذا زواج مو لعبة ...
العنود من ورى الباب/يمه من قاعدة تكلمين؟
ام العنود/لبسي عبايتك يمه وتعالي..
محمد متضايق حيل(اوووف كان شفتها اللحين بدون عباية)
وبعد دقايق دخلت العنود/السلام عليكم...ورفعت راسها ولقت محمد في وجها
العنود/محمد!!!
محمد/هلا وغلا فيك..
العنود/اهلين..
ام الوليد/ها يمه احط لك الغذىترانا ننتظرك..
العنود/قعدي انتي ارتاحي وانا بجهزه واناديك..
وراحت المطبخ وهي تفكر بمحمد صار له فترة يتردد على بيتهم ويتغذى ويتعشى معهم واحيانا يوصلهم مشاويرهم وين ماكانت بس ليش اليوم صايرة مشاعرها متغيرة ناحيته من بعد مكالمة البارحة!!!
محمد/جاية تجهزين الاكل لو تسرحين!!!
العنود انتبهت على صوت محمد/ها...
محمد/اموت واعرف في شنو كنتي سرحانة؟؟؟
العنود/ولاشي..
محمد بتشكيك/متاْكدة!!
العنود/محمد انت لازم تسوي الشي اللي تبيه!!
محمد/مافهمت عليك؟
العنود/كنت تبيني اجي عندكم ويوم قلت لك لا انت جيت
محمد/انا اسف ماكان قصدي اضايقك؟
العنود/لا عادي ماعندي اي مشكلة..
محمدتقرب منها ومسك الصحن اللي في يدها وهمس لها/انتي ارتاحي وانا بجهز لك كل شي ياقلبي..
العنود ابتعدت عنه/محمد لو سمحت امي في الصالة وخليني اجهز الاكل..
محمد/وانا شطالب غير اني اريحك!!
العنود/شكرا...

في بيت العامري بعد صلاة العشاء..
الجد/انت منت خالي يامحمد عندك شي....
محمد/............................
(خلوني اتكلم شوي عن شخصية محمد...محمد اسمراني مملوح وسيم ومثل ماذكرت قبل انه بينه وبين فيصل شبه كبير بس محمد اسمراني وفيصل اشقراني ابيض..المهم ماعلينا جسمه حلو وعيونه بنية وشعره ناعم وشخصيته مرحة بدرجة كبيرة والكل يحبه واللي مايعرفونه عنه انه رومنسي مووت مو طبيعي الكبير والصغير يعتمد عليه والجد يوده بشكل خاص وعلاقته حلوة فيه لانه حنون مع الكل)
ام محمد/محمد شفيك
محمد/ابي اتزوج...
ابو محمد/هاذي الساعة المباركة ياولدي واللي يبي يتزوج كذا مو عارف يقول كلمتين على بعض..
الجدة/من بكرة انا بطلع معاهم ادور لك احلى عروس..هذا محمد وليدي حبيبي..
الجد/محمد حاف قولي المهندس محمد وحطوا في بالكم لازم تختارون له زينة البنات..
محمد/.......العنود...ابي العنود بنت عمتي....
الجد/.........
/الجدة/....
ابو محمد وام محمد/....................
ابو محمد/والنعم فيها بنت اختي بس يامحمد انت عارف ضروفها الصحية وشقد العنود تعبانة في حياتها..
محمد/عارف...
الجد/واحتمال ماتقدر تعطيك عيال..
محمد/راضي...
ام محمد/فكر عدل يمه هذا زواج مو لعبة استقرار ومسؤلية..
محمد/انا غير العنود ماراح اتزوج؟؟؟؟
.................................................. .................................................. .................
.................................................. .................................

الجد مسك سماعة التلفونودق على عياله يجون بكرة البيت ضروري...
محمد/شنو يعني ياجدي؟
الجد/يعني بكرة الله بيقدم اللي فيه الخير...
.................................................. .................
محمد طلع مع خالد.....(خالد ولد عمهم وصديق محمد من الصغر وطدرسوا هندسة مع بعض واشتغلوا في نفس الشركة وبعدهم اعز صديقين..خالد وسيم بس فيه شوية غرور مو مثل محمد مرح مع الكل بس قلبه طيب وفيه جدية اكثر من محمد مملوح مثل محمد ويمكن في حلاوة احلى من محمد علشان عيونه افتح منه)
خالد/بها السرعة؟؟؟؟؟؟
محمد/لاهي صغيرة انطرها تكبرولاتوني متخرج واستنى الوظيفة
خالد/ماقلنا شي بس كاْنك استعجلت
محمد/ولااستعجلت ولاشي..
خالد/خلاص اجل نملك اثنينا في ليلة وحدة انت تاخذ عنود وانا اخذ هند..
محمد/اسمها العنود ياخالد العنود..
خالد/هههههههههه الله عليكم من اللحين مانرضى على بعض..
محمد/لاتنسى انها حرمنا المصون....
خالد/لا مانسيت انت قلت لها انك خطبتها من جدي؟
محمد/لا ماقلت..
خالد/المفروض تعطيها خبر علشان لو وصلها كلام من هنا ولامن هنا ماتتفاجاْ؟.
محمد ماصدق على الله مسك جواله ودق على العنود.....
العنود/الوو..
محمد/هلا..
العنود/اهلين محمد..
محمد/عفوا اذا ازعجتك؟
العنود/لا عادي لسه مانمت...
محمد/ابي اقولك شي...
العنود/شنو...
محمد/اذا قلت لك ان الليلة في واحد خطبك من جدي شبتقولين؟

العنود/خطبني انا!!!!!
محمد/اي انتي ليش مستغربة..
العنود/مو مستغربة بس..
محمد/بس شنو..
العنود/مدري.
محمد/جدي كلم عمتي وقال لها بكرة تجي البيت..
العنود/اي صح كلمها وانا كنت جنبها...علشان كذا يبيها؟
محمد/اي علشان كذا...انتي شنو رايك؟
العنود...
محمد/العنود شنو رايك؟
العنود/لا بقول لا؟؟؟
محمد وتنهيدة ارتياح سبقت كلامه/ليه؟
العنود استحت من لهجة محمدوحست انه يبي يجرها بالكلام/بس...
محمد/بس انتي ماتعرفينه؟
العنود/ماهي فارقة عندي..
محمد/واذا كنت انا..
العنود/انت ؟!!!!!!!!!!!!!!!!!!
محمد/اي انا...
العنود/انت تتكلم من جدك؟
محمد/طبعا من جدي ليش يمزحون في هاالسوالف.....
العنود/طيب ليش.....
محمد/علشان نكون جنب بعض علطول...
العنود/بس ما مدانا عرفنا بعض يامحمد..
محمد/فترة الخطوبة بتعرفنا في بعض وتقربنا من بعض..
العنود/انت دايم كذا مستعجل..
محمد/خايف تطيرين مني..
العنود/ليش عصفور انا علشان اطير..
محمد/انتي احلى من كل العصافير اللي بالعالم..
العنودج/..........................
محمد/الله على الخجلانين اموووت انا فيهم,,
العنود/محمد انت مو طبيعي ابدا كلمتني البارح وقلت لي احبك والليلة تخطبني جد انك مو معقول!!!
محمد/ليلتين من صارحتك بحبي بس حسبي عمري الللي راح قبل لااصارحك بتلاقينه ماينعد يالعنود..
العنود/وليه ماصارحتني من قبل,,
محمد/كنت خايف..
العنود/وشلي خلاك تصارحني مرة وحدة مدامك خايف؟
محمد/خفت تروحين مني يالعنود..وماقدرت اتحمل اكثر.....
وفي ها اللحظة دخلت البندري غرفة العنود وقعدت جنبها على الفراش وهي ماسكة مجلات في يدها..
العنود/محمد فيني اقولك تصبح على خير..
محمد/بس قبل ودي اقولك شي..
العنود/شنو؟
محمد/احبك...
العنود انقلب وجها/تصبح على خير...وسكرت السماعة وهي حاسة ان عيونها بتطلع من الكلمة اللي قالها..
البندري/عنود مو كاْنه في تلاطف بينك وبين محمد ولد خالي..
العنود/بندورة...محمد..
البندري/شفيه؟
العنود/خطبني من جدي الليلة’..
البندري/جد..احلفي..قولي والله...مو مصدقة عنودوا..ياي..الف الف مبروك وقانمت حضنتها...مبروك ياست العرايس...
العنود/انتي شفيك مابعد صار شي..
البندري/بيصير ياقلبي بيصير اصلا امي مستحيل ترفض محمد لانها لو تلف العالم مابتلاقيه ربعه...
وبعدين بيني وبينك كل البنات ليلة الخميس يعلقون على نظرات محمد لك...
العنود........
البندري/انتي شرايك فيه؟
العنود/انا؟؟
البندري/اي شرايك في محمد؟
العنود/يعني..
البندري/يعني شنو؟
العنود/يعني..
البندري/عنود ووجع اخذ الكلام منك بالقطارة...تكلمي بسرعة..
العنود/محمد انسان اجتماعي وحبوب ومهندس شاطر قدر يثبت نفسه بسرعة وطيوب...
البندري بنفاذ صبر/يعني...
العنود/انا ارتاح له وانبسط لمى يكون جنبي احس اني اميرة..
البندري/عيني على الحركات .......

يتبع ..

لؤلؤة ونوف على التلفون...
نوف/دقيت لك امس رد علي اخوك قال لي نايمة
لؤلؤة/اي واحد فيهم هم اثنينهم ماقالوا لي..
نوف/...طلال..
لؤلؤة/اوه ه ه ه طلول وشقلتوا لبعض ؟وكيف لعبتي باعصاب اخوي هالمرة ؟وكلمك عادي لو قام يصارخ اعرفه شراني بس ساعات يصير طيب...الو نوفوا بعدك معي على الخط؟
نوف/ممكن تعيدي كلامك بسرعة لو سمحتي؟
لؤلؤة/اعيد كلامي...!! وانفجرت من الضحك بعد ماسكتت شوي لانها ماكانت فاهمة..
لؤلؤة/هههههه ياقلبي والله مو قادرة ههههههه
نوف/ياتعيدين كلامك ياقسم بالله راح اسكر!
لؤلؤة/ههههه قلت طلول وقلت بعد شراني هذولي هجاء اما الباقي وربي مدح مافيهم شي..
نوف/لاوالله وتعيدينهم بعد !!اقول لؤلؤة ماودك اروح اقول لااخوي سلطان انك تحبينه!!!!ل
ؤلؤة بعصبية/نوف خلاص عاد انا ماقلت لك شي؟
نوف/اعتذري اول؟؟
لؤلؤة/ماني معتذرة اخوي وبكيفي يالله باي.....وسكرت الخط بوجه نوف اللي استغربت من ردة فعل لؤلؤة
نوف/هاذي شفيها قلبت مرة وحدة؟؟؟وقامت تكلم نفسها...(لؤلؤة صار لها زمان تلاحق سلطان بعيونها وهو لاهي في نانسي بنت خالتي لايكون بس عرفت انه يحب نانسي؟؟وحضرتي جيت وقلبت مزاجها !!!)
اما لؤلؤة من جا طاري سلطان رمت نفسها على فراشها وقامت تبكي بدموع وبدون صوت كانت تحبه مووت بس هو مايعبرها اصلا!!! كانت تتمنى تصرح له بحبها ويوم نوت لقته مايل ناحية نانسي بنت خالته وقررت الانسحاب وانها تدفنه بقلبها ..الوحيدة نوف اللي كانت تعرف بحبها لسلطان وماعرفت الا بالغلط......اه ياسلطان..اه ياولد عمي ليش احبك وانت ماتدري عني...ليش اذوب في كل لحظة بحبك وانت مو قادر تحس فيني...حرام عليك والله ...ليش مو قادر تحس بالقلب اللي يفداك؟؟حبيبي انا كلي فداء موطىْ رجلك يابعد طوايفي...شبيصير لو مرة بالغلط قلتيلي شلونك يابنت عمي؟؟؟شبيصير يعني لو ابتسمت في وجهي مرة وحدة بس مو اكثر!!!!
وقطع عليها جوالها يدق كانت نوف المتصلة عطتها بزي ورجعت كملت بكيها.....
(لؤلؤة ...البنت الوحيدة لاابو خالد..اخت طلال وخالد...مكملة لشلة بنات الجامعة نوف ومرح والجازي...رشيقة الى حد ما...سمراوية..وشعرها ناعم...وفيها براْة عجيبة...تموت على ها السلطان اللي مو عارف لها درب من الاساس!!!)

***
يوم ثاني في البنك......
هند/ياسلام طلع مافيه صبر ابدا!!!
العنود/شفيك عليه واحد ماعنده خرابيط اصلا قال ادخل من الباب احسن (ياعيني على الترقيعة ههه)
هند/والله وتدافعين عنه بعد؟؟
العنود/طبعا مو ولد خالي وبيصير خطيبي...
هند/وبعد...
العنود بضحكة/وحبيبي....
هند/ههههههههه
العنود/تصدقين شوي واطير من الفرح...
هند/لاتطيرين بعدين تثبتين له صدق انك عصفور...
العنود/ههههه هذا جوالي يدق..هاذي ماما...الو...اهلين ماما..كيفك ..ليش...طيب انتي هناك...طيب باي...

هند/شفيها؟
العنود/تقول لاتروحين البيت تعالي بيت جدك يبيك..
هند/عنودوا السالفة شكلها جد وبيحكمون عليك مؤبد وبيدخلونك القفص الذهبي وجدي مثل ماانتي عارفة مافي شي اسمه فترة خطوبة بين الاهل مثل ماصار مع وصال..
العنود/هههه والله ماشكلنا بنحتاج فترة خطوبة اصلا....
(هند.....بنت عمتهم ام وحيد وتصير بنت خالة العنود...وهي اعز صديقة لها من الصغر..بنت فاهمة وشخصية ورزة وثقل...فيها شوية غرور اكثر من العنود لان العنود بطبيعتها طيوبة مع الكل...بس داخلها طيب سمرة ونعومة وهي البنت الكبيرة في بيتهم علشان كذا يعتمدون عليها في امور كثيرة...وصداقتها مع العنود معروفة عند العائلة كلها يدرون ان هند ماتعيش بدون العنود ولا العنود تعيش بدون هند ودايم مع بعضهم البعض في كل المواقف الزينة والشينة)

***
في بيت العامري....
الجد/انا جامعكم علشان اقولكم اليوم ان محمد خطب العنود..
ام وحيد/هاذي الساعة المباركة والله..
ابو فيصل/لا خوش خبر بس ليش اختي ام الوليد ساكتة ماعندها تعليق عسى ماشر؟
ام الوليد/ماشر ياخوي بس الشور لاابوي ولكم..
ابو خالد/واحنا نقول بنتنا لولدنا ولو نلف العالم كله ماراح نلقى مثل محمد..
ابو محمد/علامك يام الوليد كاْن ولدي مو عاجبك؟
ام الوليد/حشى ولدك من العيب ياخوي؟
الجدة/علامك يابنيتي ليه متضايقة..
ام الوليد/العنود..
الجد/ليش العنود عندها خبر عن الموضوع قبلنا !!!
ام الوليد/ماعندها خبر يبى (اي هذا وجهي ههه) بس انا اتكلم عن وضعها الصحي..
ابو فيصل/افا عليك بس يااختي محمد بيحطها في عيونه لاتحاتين..
ام الوليد/اي بس حالتها مو مستقرة وانتوا ادرى بمرضها وحتى اذا الله عطاها عيال ماراح يكونون بخير,,,
ابو محمد/بيني وبينك يااختي ولاتزعلين مني...انا كلمت محمد عن الموضوع هذا بالذات وقال انه عارف وراضي ولا مصر عليها مايبي غيرها...
ام الوليد/..................
ابو فيصل/خلاص عاد يام الوليد لاتحاتين قلنا لك محمد بيحطها في عيونه وبعدين اذا محمد ماحطها في عيونه تبين الغريب ياخذها وتتمرمر معه؟؟مو معقولة يااختي هالكلام....
ابو خالد/لاخلاص اختي ماعندها مانع..انتوا بس متى راح تقولون للعنود؟
الجد/امها كلمتها وهي جاية في الطريق هني...
ابو فيصل/كلموا محمد يجي بعد علشان نتفاهم على كل شي..
الجد/ما ناخذ شور العروس اول؟
ابو فيصل/يبى عنود وين بتلاقي احسن من محمدنا ...ابو محمد كلم ولدك خله يجي على ماتوصل العنود ويكون عندها خبر بالموضوع..
الجد/خلاص اذا انت تشوف كذا يابو فيصل دق على ولدك يابو محمد ..(ابو فيصل الكبير وكلمته دايما هي اللي تمشي لانه شخصيته قوية وهو اللي تكفل بااخته ام الوليد بعد ماتوفى زوجها)
وبعد دقايق دخلت العنود المجلس..
العنود/السلام عليكم
الجد/وعليكم السلام والرحمة تعالي ياعروستنا قعدي..
العنود بضحكة/وصرت عروس بعد ياجدي
ابو فيصل/من زمان وانتي عروس تعالي بس تعالي......

***
ليالي/احلفي؟؟؟
البندري/اقولك البارح كلمها وانا معها ومن شوي امي كلمتها وقالت لها تروح بيت جدي..
ليالي/ياي وناسة بكلم وضحوا اخر المستجدات تبلغنا اياها فورا..(حلوة فورا عجبتني)
البندري/قولي لها الخايبة المفروض نسمع الخبر منها مو مو نايمة في العسل ماتدري عن شي...
ليالي/هاهاها طيب بقول لها يالله باي...

***
العنود نزلت راسها بالارض/.......................محمد
الجد/اي محمد زينة شبابنا وش تبين بعد!!
العنود/...............
ابو فيصل/عاد يالعنود محمد شاريك بكنوز الدنيا..
ام وحيد/ها شرايك يابنيتي؟
ابو فيصل/شرايها بعد هي وين بتلقى مثل محمد؟
الجدة/ماقلتي شي يالعنود؟
العنود/.....................اللي انتوا تشوفونه..
ابو فيصل/اللي احنا نشوفه الف مبروك (كانه ابو فيصل مو عاطيها مجال تتلكم ولاحتى تفكر؟)
ام وحيد/كللللللللللللويش...بالمبارك يبنيتي بالمبارك...
ابو محمد/بالمبارك يااملنا..
ابو خالد/ان شاء الله منه المال ومنك العيال يابنيتي...
محمد اللي توه داخل/مال وعيال شالسالفة عسى ماشر؟
ابو فيصل/ههههه عسى ماشر يعني ماتدري عن السالفة كلش..
محمد/كيف بدري وانا توني جاي؟
ابو خالد/خطبنا لعنودنا وزواجناها..
محمد يكلم العنود/وافقتي!!
ابو فيصل/ها محمد على اساس انك ماتعرف شي....
وقاموا الجماعة يضحكون على محمد اللي بعده واقف مكانه وعيونه على العنود..
الجدة/يالله عاد مو كلكم على وليدي محمد..
الجد/تعال يبى محمد اقعد خلنا نتفاهم,,
محمد دخل وقعد جنب العنود اللي نزلت راسها يوم ان جدها وخواله ضحكوا من حركة محمد..
الجد/احنا قلنا وافقت بس ماقلنا ارمي الحبل واقعد جنبها!!
محمد/مو لاني عارف ياجدي قوانينك من هاالناحية نملك اللحين ولااشوفها وعندنا اربعة خمسة شهور حق التاْثيث وحجوزات العرس ولااطلع معها ولااشوفها وعندك ليلة الخميس تشوفها هنا مع شعب الله المختار كله!!!
/
الجد/مشاء الله حافظ درسك زين..
محمد/مو هذا الصدق!!
ابو خالد/ماعلينا متى تبون الملكة؟
محمد/الاسبوع الجاي نقرر..
الجد/وليه الاسبوع الجاي نقرر واحنا مجتمعين اللحين؟؟
محمد/بيكون فيصل رجع ياجدي ويفرح معنا والله اني مو ناوي املك الا وفيصل بينا..
ابو فيصل/بارك الله فيك يامحمد والله اني موعارف شقولك..
محمد/لاتقول شي ياعمي فيصل قبل لايكون ولد عمي هذا اخوي الكبير والفرحة ماتتم الابوجوده في وسطنا..
ابو فيصل/تسلم يامحمد تسلم..
ابو محمد/لاياخوي محمد وفيصل اخوان ولو محمد ماقالها انا كنت بقولها شدعوة هذا فيصل ولدي الغالي..
الجدة/اللي يرده لنا بالسلامة ان شاءالله ونفرح فيه هو بعد...
العنود كبر محمد في عيونها اكثر واكثر من هاالموقف وحست انه فعلا رجال بحق وحقيق ويعتمد عليه...
ام وحيد/اقول يالمعرس ليش ماتقوم توصلني البيت؟
الجدة/قعدي تغذي هنا ياام وحيد..
ام وحيد/لايمه العيال رجعوا من جامعاتهم وهند اكيد وصلت من دوامها اللحين..
الجد/كلميها يجون هنا..
ام وحيد/ونومة الظهر اللي مايستغنون عنها...الليل ان شاء الله بمركم...
ام الوليد/اجل خذوني في طريقكم..
ابو فيصل/وانتي ليش بعد بتروحين؟
ام الوليد/انا اللي عندي لو مااحط الاكل بعيونهم مايتحركون...
ابو محمد/يالله العروس بكبرها عندنا تتغذى معنا..
محمد/لا عروستي بتتغذى معي ....مابعد ملكنا ياجدي علشان تمنعني من شوفتها..انا واحد عازم بنت عمتي على الغذى وين المشكلة؟
الجد رفع اكتافه بمعنى انت ماخليت لي مجال اتكلم وابو فيصل وابو خالد وابو محمد ضحكوا عليه,,
...............................................
وصلوا ام وحيد وبعدين ام الوليد...
ام الوليد/عاد لاتصيفون..
محمد/عمتي عاد محنا صغار....اللي كبرنا عندهم عيال..
ام الوليد/وانت حضرتك ليش ماتزوجت وجبت عيال مثل اللي كبرك توك تشوف بنتي لو توك تشوفها...
محمد/ههههه لافي هاذي معك حق ياعمتي...
ونزلت ام الوليد...وركبت العنود جنب محمد اللي كان يتاْملها..
محمد/ماسمعت صوتك اليوم؟
العنود عيونها في الارض/يالله امشي تراني بموت من الجوع..
محمد/ههههه ان شاء الله عمتي انتي تاْمرين امر...

في بيت ام وحيد..
مرح/صدق ماحد عطاني خبر ولااحد علمني...
ليتالي/اي بس من الصبح عندي خبر..
ام وحيد/اكيد وضحى قايلة لك؟
ليالي/ها وضحى اي وضحى..
هند/والله ماشكلها وضحى ..ههه
مرح/عهههههههههههههههههه
ام وحيد/الا العنود مادقت عليك ياهند وقالت لك اللحين شي؟
هند/بلى يمه قالت لي من البارحة
ام وحيد/اليارحة!!!
هند/يمه هو كلمها البارحة وقال لها انه يبيها على سنة الله ورسوله وبس علشان لاتتفاْجا,,,
مرح/كلمها بس علشان يعطيها خبر لو في شي ثاني؟؟
ام وحيد/انتي منو لقفك بالكلام ها..سكتي ولاكلمة..
مرح/زين عاد بيت مافيه الا الزف والصراخ!!!

في مطعم الغابة اللبناني....
كانت العنود تتاْمل في السقف اللي من سعف والطاولات الخشبية اللي كاْنها قديمة والنوافير اللي مالية المكان وصوت العصافير اللي عاطي المكان خصوصية وشاعرية..
العنود/دايم تجي هنا؟؟
محمد/ليش ماعجبك اكلهم؟
العنود/تركيزي كله صاير على المكان مو على الاكل بصراحة باهرني المكان انا امووت على الاماكن اللي كذا كاْنه غابة ولا مغارة ولا شي من ها القبيل..
محمد/وانا احبك انت..
العنود صارت تطالع بصحنها ....
محمد/ياي ياخجول بتذوبني انت كذا...
العنود/.................
محمد/اوعدك اخلي الايام اللي جاية بينا كلها حلاوة وقشطة مثلك بالضبط..
العنود/.......................
محمد/انتي نور عيوني ودنيتي ومافيني اصبر بدونك صدقيني!!
العنود/خلاص محمد مشينا ترانا تاْخرنا..
محمد/اي بس ماحلينا ياعمري؟؟؟
العنود/لا خلاص انا اكثر من كذا مافيني بعدين امووت يامحمد(هي كانت تقصد كلامه وغزله فيها طول الوقت وهو فهمها انها شبعت من الاكل)
محمد/لا مايصير كذا انتي مااكلتي شي انتي حتى باسل ولد وصال اكله اكثر منك؟؟؟
العنود/بنقوم نمشي لو لا؟؟
محمد/والحلى؟؟؟
العنود/اقولك مااقدر كله بيوم واحد يامحمد شوي شوي علي...
محمد/كله بيوم واحد مافهمت؟؟؟؟وطالع بالعنود اللي نزلت راسها بالارض بعدين ابتسم لمى فهم هي شتقصد...
محمد/ماشي نقوم اللحين بس ضروري نحلي الليلة ياعسل..

***

في بيت ابو فيصل...
ابو فيصل/سعود انت ماكلمت اخوك تنسق معه الرحلة؟
سعود/كل ماادق له خارج التغطية..
ابو فيصل/يمكن في مكان مافيه شبكة ارجع دق عليه مرة ثانية لانه ماْكد علي انك تتصل فيه ضروري؟
سعود/برجع اكلمه مرة ثانية ومسك جواله ودق عليه....
باسل راح عند جده يلعبه,,
ابو فيصل/شفت وم صرت تحبي تاخذ الشي اللي تبيه...يحليلك ياباسل..سعود كم صار عمره اللحين؟
سعود/تسعة شهور
ابو فيصل/العمر كله ان شاء الله.....الله ياباسل لو يجي عمك فيصل ونزوجه ويجيب بنت نزوجك اياها..
باسل/داد..
ابو فيصل/خلاص وافقت ههه
سعود وقف بيركب شقته ومد يده لولده بس باسل تعلق في جده يبيه يلعبه وقام يبوسه يتحيل عليه..
باسل/ابى..بابا...
سعود/هو بابا وانالا..انا بعد باب...قوم فوق خلنا نريح شوي..
ابو فيصل/روح انت ريح وخله يلعب معي........
(سعود الولد الثاني بعد فيصل وبعده لطيفة اللي تزوجت وعندها بنت وبعده سلطان..سعود غير عن اخوانه سلطان وفيصل...يمكن انه مادرس مثلهم وكمل جامعة واشتغل من بدري مع ابوه في الشركة بس كان كل البيت متعلق في سعود اللي كان خادم الجميع بعيونه وبالذات ابو فيصل اللي يعتمد عليه في كل شي يخص البيت والشركة وهو بطبعه هادى ومايحب المشاكل متزوج من وصال بنت عمه اخت محمد ومستقر في حياته)

يتبع..

في ا لليل في بيت ال معمر...
ام الوليد/ليش ماجبتي امك وخواتك معك ياهند..
هند/امي راحت بيت عمتي وليالي مرتها وحدة من بنات الجامعة ومرح من العصر نايمة للحين ماقعدت..
الجازي/شنو ها الكتلو جات اللي في يدك اشوف..
هند/هذولا اغراض عرايس للعروس..
العنود/جبتيهم..
هند/انتي شتشوفين..
ام الوليد/شنو..
العنود/شي فساتين..شي دبل..هيك يعني ماما..
ام الوليد قعدت تتفرج معاهم على الكتلوجات..
البندري/ياسلام ولاكاني موجودة في البيت ماحد يعزمني ويقول لي تعالي...
هند/اهلين والله تعالي تونا بادين ماراح عليك وااجد..
في بيت ابو فيصل..
ابو فيصل/محمد ولد عمكم خطب العنود بنت عمتكم..
نوف/قديمة من الصبح ندري عنها انت من وين تجيب اخبارك كلها مو فريش يابابي..
سعود/بعد..
نوف/هذا الحق اللحين هو من الصبح معاهم واتفقوا وخططوا على كل شي توه جاي يقول لنا الفضائيات ماقصرت ..
سلطان/لسانك طولان شوي يانف نف ويبيله قص..
نوف عصبت مرة وحدة على سلطان لان علاقتهم متباعدة شوي مو مثل سعود اللي كان يموت عليها ..
نوف/نعم والله يتراوللي عندي ابو يقرر اذا كان لساني طولا ن ولا لا وبعدين انا كنت اكلم البابا..
سلطان/تعالي اضربيني ياماما ليش واقفة مكانك..!!
سعود/بس انت وياها بتتخانقون مثل العيال ..
سلطان/ماتشوف اختك شلون تكلمني..
ابو فيصل/يعني ماني موجود بينكم..
نوف سكتت لانها متطمنة ان النتيجة بتجي لصالحها لان ابوها يحبها من عياله هي وفيصل وخصوصا بعد ماتزوجت لطيفة صارت الاميرة في البيت الناهية الامرة..
سلطان/ماتشوفها يبى شلون تتكلم...
ابو فيصل/لعن بو دارك ماعندك غير هالاخت في البيت حطها في عيونك وغمض عليها اشتري رضاها وودها لاتزعلها على شي مايسوى,,,,
سعود/اقول يبى لو رجع فيصل بعد ثلاثة ايام متى تتوقع يملكون محمد والعنود؟
ابو فيصل/والله ياسعود مدري بس مرتك شتقول..
سعود/وصال تقول ان محمد مستعجل حيل يبي يملك
سلطان/ليش بتطير العنود ماالكل اللحين عارف انه لها وانها له ليش العجلة بالله..
نوف/حقه ماخذ العنود زينة البنات كلهم..
ابو فيصل/في هاذي معك حق العنود زينة البنات والله..
سعود/احم احم وام باسل بعد ماهي قليلة..
ابو فيصل /سلطان/نوف/ههههههههههههه
ابو فيصل/لاوالله ا م باسل ترفع الراس وماحد يقول عليها كلمة وانا موجود عساكم تكونون لبعض العمر كله يبى...
سعود/الله يسلمك يبى...
نوف/حركات حركات والله,,,
سعود/ههه انتي ماتجوزين من سوالفك ابدا...
سلطان/بس الليلة سوالفها على خفيف كل ليلة اثقل ياسعود من كذا..
نوف/لاني زعلانة..قالتها وهي تناظر بسلطان..
سلطان/وعسى ماشر شلي مزعلك بالله..
نوف/لؤلؤة زعلانة مني وماهي راضية ترد علي..
سلطان/.........
نوف/اقولك زعلانة مااشوفك سالت ولاقلت ليش زعلانة منك (وفي بالها تقول اه ياقساوة قلبك ياخوي اطري اسمها قدامك وماياثر فيك ابدا)
سلطان/وليش بالله تبيني اسال علشان تقولين لي عن اللقافة سوالف بنات ومالك شغل...
نوف/أي زين انك فاهمني عدل...

***
ام الوليد/هند ليش ماجبتي امك وخواتك معك ..
هند/امي راحت بيت عمتي وليالي مرتها وحدة من صاحباتها وماعرفت تجي معي اما مرح من العصر وهي نايمة,,,
الجازي/المهم شنو هالكتلوجات اللي في يدك وريني اشوف...
هند/هذولا اغراض عرايس للعروس...
العنود/جبتيهم..
هند/انتي شتشوفين...
ام الوليد/شنو ..
العنود/شي فسا تين ..شي دبل ..هيك يعني ماما..
ام الوليد قعدت معهم تتفرج على الكتلوجات...
البندري/ياسلام ولااحد يناديني ماكاني عضو في البيت..
هند/اهلين والله..تعالي تونا بادين ماراح عليك واااجد..
ام الوليد/شوفي هالدبلة يالعنود بتطلع عليك تجنن..
العنود/وريني اشوف.....
الجازي/ماهي حلوة..
ام الوليد/وصفقة ان شاء الله من طلب رايك...
العنود/انا ابي دبلة الماس....تكون ناعمة حيل...ماابيها ملايانة كرستال...
البندري/يقولون مجوهرات الحرمين منزل شبكات روعة يجننون...
العنود/انا الشبكة ابيها خفيفة مرة وناعمة ماابي فيها أي تكليف..
ام الوليد/قعدي على ناعم وناعم وماراح نطول لاايد ولاسماء..ياماما اخذي لك شبكة ثقيلة عليها القيمة وتملي العين مو تقولين لي ابي خفيفة...
العنود/أي بس يمه انا احب الاشياء الناعمة..
هند/ولو انا مع خالتي الشبكة اخذيها ثقيلة...
البندري/أي بس عنود نعومة وحلوة عليها الاشياء البسيطة جدا..
العنود/شفتي اختي شهدت معي...

***
يوم ثاني....
خالد/باقي يومين على جية فيصل...
محمد/...........
خالد/انا اكلمك وانت سرحان حضرتك...
محمد/..................
خالد/اذا مالي لزمة بقوم,,
محمد/...........(ولاهو في الدنيا)
خالد بصوت عالي/محمد
محمد انتبه له/نعم!!
خالد/لاوالله زين...
محمد/شفيك تصارخ؟
خالد/ولا شي ياعمري بس لقيتك سرحان..
محمد/لا..اي...
خالد/لابالله انك انهبلت...
محمد/اكلمها اللحين لو بعدين؟
خالد/محمد ..انت ملاحظ ان ماعندك غير موضوع العنود!!
محمد/خالد الله يوفقك انت جرب تحب من قلبك وبتحس فيني..
خالد/الله لايبليني اذا بحب وبقعد مو داري عن دنيتي فماابي هاالحب..
محمد/حرام عليك الحب احلى شي بالدنيا..اه بس لو شفتها اليوم شلون تتكلم واقسمك برب الكون اني ماسمعت من كلامها ولاكلمة...
خالد بتعجب/وشلون تقولي لو شفتها وهي تتكلم؟؟
محمد/اقصد اني ظليت سرحان في جمالها..وماانتبهت هي وش كانت تقول...
خالد/جمال الوجه يروح يمحمد اهم شي اللي داخل لانه ذاك بس اللي بيظل.....
محمد/بتجيها هند اليوم...
خالد/من زمان ماشفتها؟
محمد/خلاص ولايهمك اضبطك ...
خالد/وش تضبطني انت بعد!! انا قايل لك انا بروح لها الدوام وبتعرف عليها واذا عرفنا بعض وارتحنا لبعض بيصير نصيب لو ماانسجمنا كلا في حاله ...
محمد/مو قادر اقاوم مااسمع صوتها...
خالد/انت ماراح تفكني الا اذا دزيت لها مسج...دز يبى وخلينا نتكلم مثل العالم والناس....

***
في بيت ابو فيصل...
نوف/يبى ودي اسالك سؤال؟
ابو فيصل/اسالي..
نوف/ليش احنا ماظلينا في بيت جدي مثل عمامي وطلعنا في بيت بروحنا (تبي تشوف طلال افندي على راحتها الحلوة هههه)
ابو فيصل/اخوك فيصل ماكان يبي يقعد هناك يبي بيت بروحنا...
نوف/أي بس يبى احنا من زمان هني يعني فيصل اكيد كان صغير يوم قال هالشي..
ابو فيصل/والصغير مايكبر ولاماياخذون برايه؟
نوف/بقى سؤال اخير ياوالدي العزيز...
ابو فيصل/ساْلي ياعيون ابوك انتي...
نوف/اذا رجع فيصل وتزوج واستقر بيسكن معنا في نفس البيت يبى لو بيطلع ؟؟؟
ابو فيصل ظل ساكت...
نوف/يبى..
ابو فيصل/اذا قرر انه يقعد فانا راح اكون مرتاح انه عيالي حوالي وعيالهم يربون في حضني واذا حس انه يبي يقعد بروحه في بيت ثاني فا انا يانوف يابنيتي بتضايق حيل بس ما بقدر اقوله يقعد اجباري.....

***
الجازي/انا ميتة جوع واكيد ام الوليد حضرتها وكعادتها دائما ماسوت عشى؟
ام الوليد/طبعا ماسويت لاني كل يوم باقي الاكل حق الغذاء ارميه لان حضرتك ماتقعدين لي الا المغرب وماتبين تاكلينه؟فليش اتعب حالي معك واسوي عشى ؟
الجازي/شاطرة..
البندري/شرايكم نطلب لنا عشى..
العنود/طلبي من kfcابي مطافي../
هند/لامانبي كنتاكي نبي شي ثاني..
الجازي/ام الوليد هي اللي تقرر؟
ام الوليد/غريبة والله ماهي عادة لك يعني...
الجازي/مو يالغالية انتي اللي بتدفعين...
هند/العنود/البندري*/هههههههه
هند/يعني للمصالح بس...
ام الوليد/اذا انا اللي بدفع طلبوا لنا صحنين مقبلات وفلافل وصحن مشاوي...
الجازي/ليش لا من عيوني يماما...نوسوا نوسوا ماما انتي يااحلى ماما....وديني المرجيحة ولاالسينما ياماما.........
وقامت تتصل على المطعم الا جوال العنود يدق بنغمة وصول مسج...
الجازي متعمدة/اقول اختي صار جوالك يتكلم ويجيب رسايل وانا كنت احسبه اطرش....
البندري/ههههه تعرف جويزي تتصيد في الماء العكر....
مسكت العنود جوالها وفتحت المسج وقلب وجهها بكل الالوان كان المسج من محمد(مايكفيني احبك,,,او تبادلني المحبة,,,ابي حضنك ابي قربك,,ابي وحدي اعيش بقلبك,,ابي اشيل عنك همك ابي احضنك واظمك ..ابي ابوسك على خدك وانسى العالم بصدرك)
الجازي/اقول اختي منو اللي راسلك؟
العنود/ها ..لا غلطانين بالرقم..
الجازي/مبين انهم غلطانين لانك قاعدة تقرين حرف حرف يمكن تعرفين هم يقصدون منو؟
العنود/قلبي وجهك احسن
الجازي/ الا بعرف وبتشوفين..
العنود/اتحداك...
الجازي/يمه شنو هذا اللي فوقك عنودوا ..وقامت بسرعة من مكانها على اساس انها خايفة ...والعنود فزت من مكانها تشوف والجازي ركيض على الجوال اخذتها وانطلقت باقصى سرعة لديها..العنود انتبهت لها
العنود /جويزي يادبة يللي ماتستحين على وجهك لو تشوفينا اذبحك والله اذبحك وصارت تركض وراها تبي تلحقها...
ام الوليد/أي زواج أي عيال..هاذي حق زواج هاذي ..والله انها بعدها صغير ة..
هند/لاتخافين خالتي محمد يكبرها....

***
في المطبخ/العنود/جيبي جوالي احسن لك...
الجازي وهي تطالع بالمسج/اه..ياللمصيبة..يالل العار...
العنود اسحبت جوالها بالقوة من جويزي..
الجازي/مايفيدك قريته كله..
العنود/لانك ملقوفة ؟
الجازي/مشكلتكم للحين مو عارفين ان الاهانات ماتاثر فيني ابدا ههههههههه بس تدرين قوية كبداية الا اذا كان يسبقها سوابق والله اعلم !!!
العنود/جويزي قلبي وجهك والله العظيم اول مرة يرسل لي...
الجازي/امممم طيب شسويتوا في المطعم..؟
العنود/نمنا؟؟يعني شبنكون سوينا تغذينا ورجعنا..
الجازي/متاكدة مافي من هنا ولامن هنا أي شي.. ؟؟
العنود وعيونها مفتوحة على الاخر/جويزي كنك صايرة ماتستحين ابدا انا اختك الكبيرة ياعمري وعيب تقولين لي هاالكلام,,
الجازي/انا بس ابي اعرف وش اللي صاير وليش داز هالمسج دون غيره....
العنود اسكتت وهي تقول في بالها (الله ياخذك يامحمد انت بعد ليش راسل لي هالحزة ماكنت تستنى ينامون بعدين ترسل زين اللحين بتظل جويزي ماسكته علي )
الجازي/على العموم لو بغيتي ترسلين له شي من هنا ولامن هنا ترى حاضرين في خدمة الشعب السعودي ماعندنا أي مانع....

***
يوم ثاني في بيت العامري ...
ابو خالد/اليوم بدت الاجازة والعيال كلهم بيتجمعون هيبون يخططون وش بيسوون في الاجازة..
الجدة/انا اقول خلونا نروح الشرقية يومين ويومين المدينة ويومين مكة ويومين ابها وعسير...
الجد/انتي شقاعدة تهذرين مافي تخطيط للاجازة غير لمى يجي فيصل...
ابو خالد/وانت الصادق يبى اذا شفنا فيصل وتطمنا عليه يصير خير بعدين الاجازة ماهي طايرة...
لؤلؤة/السلام عليكم..
الجد/وعليكم السلام والرحمة اشرقت الانوار

السبت يوليو 30, 2011 10:11 am

في بيت العامري...
محمد/اقول جدي...
الجد/نعم يامحمد..
محمد/متى بنملك انا والعنود؟
ابو محمد/............
الجد/وانت ليش مستعجل اصبر الصبر زين...
محمد/أي يعني لمتى اصبر؟
الجد/اللحين عمك وعياله في قطر خلهم يردون ويرتاحون لهم كم يوم وبعدين نشوف...
محمد/أي بس ياجدي لمتى انا بقعد انتظر واجل بعد هذا فيصل ورجع شننتظر بعد اكثر؟؟
ابو محمد/شفيك انت ماعندك صبر قلنا لك..انتظر شفيها يعني لو انتظرت كم يوم بعد,,
محمد/جدي عفية كم يوم بس مو كم اسبوع!!!
الجد/قلنا لك العنود لك وهي موافقة بعد شعليه هالحوسة يامحمد؟!!!
محمد/ولاشي..
الجد/اكيد....
محمد/جدي انت بتشكك في اخلاقي ولااخلاقها!!!قلت لك مافي شي بس ابي اعرف متى وليش هاالتاْجيل كله وبس..
الجد/يردون من قطر ويصير خير ان شاءالله...
محمد/خير....يالله تصبحون على خير....
طلال دق على نوف جوالها
نوف/هلا....
طلال/ممكن تجين تستلمين عشاك...
نوف/ليش مو مثل الباقي...
طلال/لا انتي خاص...
نوف/طيب وينك انت..
طلال/بتلاقيني بعد سيارة سعود..
نوف/يالله...
مرح/شيبي؟
نوف/جايب لي عشى..
نانسي/انتوا شعندكم تتهامسون؟
مرح/سلامة عمرك والله بس شي صغير وخاص...
نوف قامت/وركزي على كلمة خاص....
ومشت عنها,,,
امل/وين تركي ماشفته من وصلنا؟
لطيفة/مع فيصل دقينا عليهم قالوا قريبين من هنا يعني دقايق وبيوصلون...
نوف راحت عند سيارة سعود ولقت طلال ينتظرها وهو حامل لها اكياس العشى..
نوف وهي تناظر بالاكياس/مين قال لك اني فجعانة اكل وباكل هذا كله!!
طلال/هههه لابس عارف ان الاستخبارات اللي معك ماراح تخليك بروحك ...
نوف/ههههه أي اذا كذا زين سويت....
ومدت يدها تاخذهم ورجعت نفس حركة الضهر...ومسكوا يادي بعض واشتعلت النار فيهم ثنينهم...(نوف...ياربي عليك احبك والله..بس مو تاخذها حلاوة وكل شوي تسويها فيني ترى مااقدر)
(طلال ...متى بيجي اليوم اللي بتكونين فيه من نصيبي..يااحلى وارق شي في هالدنيا) وهم منشغلين بترجمة احاسيسهم ماانتبهو ان هناك عيون تناظرهم,,,,
نوف سحبت يدها من طلال
نوف/شكرا..طلال...
طلال/عادي......ومشى عنها........
ووقفت تتامل في مكانه ثواني....وماحست الا بيد قوية من وراها لافتها.....
نوف بخوف/سلطان!!!!!
سلطان بعصبية/ليش خربت عليك جوك؟
نوف بثقة/أي جو واي خرابيط...
سلطان/وين نقابك ليش ماانتي مغطية وجهك عن ولد عمك...
نوف/اذا غطت و...
سلطان دزها بقوة وطاحت اكياس العشى على الارض.....
سلطان/أي قولي كذا من البداية تبين يخلا لك الجو معه وتعيشين معه حب وغراميات بدون ماحد يشوفكم لاوساكنة مع بيت عمتي يعني لاحسيب ولارقيب!!!!
نوف/انت انجنيت؟؟؟كيف تتكلم عني بهاالطريقة!!!انا اشرف منك ومن الكلبة اللي انت طايح لي في حبها على بالك انها شريفة وانك الوحيد اللي في بالها لايابابا اصحى هي ماتبي غير فلاوسك وفلوس ابوك...وماكملت كلامها لان سلطان عطاها ذاك الكف اللي سكتها مرة وحدة....
نوفحطت يدها على خدها تتحسس مكان الكف/حقير ..سافل..منحط..نذل....ومشت عنه بسرعة....
نانسي رجعت مكانها وهي متطمنة انها خلفت وراها بركان هايج...(احسن انا مدري شفيه رافعة خشمها علي..خل ياْدبها سلطان..مسوية انها فوق وهي رايحة تخاوي ولد عمها..الله ياخذهم اثنينهم في يوم واحد)
ليالي تهمس لمرح/شوفي نظرات نانسي تحسيها ماتطمن من قامت ورجعت وانا احسها غريبة..تتوقعين وين راحت؟
مرح/مدري والله علمي علمك بس انا اتوقعها خبيثة لانو نوف ماتره احد بدون اسباب...(ماحد يدري عن حب لؤلؤة لسلطان وحب سلطان لنانسي غير نوف ولؤلؤة وبس)

سلطان ظل مكانه يتاْمل يدها ..كيف قدر يرفعها على اخته..وحبيبة ابوه,,وعلشان شنو..ناظر بالاكياس اللي فيها العشى واللي كانت طايحة على الارض...طلال جايب العشى للبنات...وطبيعي بيدق على نوف او مرح لان خواته مو هني....بس انا....انا شنو.....علشان نانسي رفعت يدي عليها...وابو ي اذا درى شبيسوي فيني؟؟؟؟)
نوف اول ماامشت عن سلطان كانت تمشي وضربت في واحد وهي ماتدري..ومشت بدون ماترفع راسها
قالت من بين دموعها/اسفة والله مااقصد...
ومشت ..بس الشخص اللي صدمته لفها عليه بقوة..
فيصل/نوف؟؟؟شفيك تبكين؟
نوف شافت فيصل وحست انه الامان رمت نفسها عليه وقامت تبكي بصوت عالي بدل ماكانت حابسة صوتها وتبكي بدموع بس...
فيصل بخوف/نوف احد مضايقك ولامسوي لك شي؟
نوف/ابي ارجع الرياض يافيصل ماابي اضل مع هاالحقير في مكان وااحد؟؟
فيصل/طلال ضايقك بشي؟؟
نوف رفعت راسها لفيصل/لا ..سلطان...,حطت يدها مكان الكف/سلطان ضربني يافيصل...
***

يتبع

فيصل/طلال ضايقك بشي؟؟
نوف رفعت راسها لفيصل/لا ..سلطان...,حطت يدها مكان الكف/سلطان ضربني يافيصل...
فيصل/ضربك!!!!!وليش بالله؟؟
نوف/لانه مريض ومتخلف ومفكر كل الناس عندهم تفكيره البايخ....
فيصل/نوف هدي شوي وقولي لي شصار بالضبط؟
نوف مسكت فيصل من يده ومشت للمكان اللي اللي كانت واقفة فيه هي وطلال وكانوا الاكياس بعدهم مرميين على الارض بس سلطان مشى....
ووقفت واشرت على الاكياس وتكلمت بثبات...
نوف/طلال دق علي علشان اخذ العشى وجيت اخذته من هنا ومشى طلال ويوم جيت بمشي جاني سلطان وقام يقول كلام سخيف مثل وجه..
فيصل وهو يناظر بالاكل المرمي على الارض/شقال يعني؟
نوف/قال اشياء يصورها له عقله....
فيصل/ماتبي تقولين؟
نوف/لا عادي مو كذا...قال ان انا جاية هنا علشان اخذ راحتي مع طلال واعيش معه حب وغراميات....واني ساكنة مع بيت عمتي علشان يفضى لنا الجو بروحنا بدون حسيب ولارقيب!!!!
فيصل ماتكلم بس قام يناظرها.....هو عارف ان نوف ثقيلة وقوية وماتهاب من شي ابدا بدليل انها ماكذبت عليه وقالت له الصراحة.....بس ليش سلطان قال لها كذا معقولة في شي صار وماقالته!!!!
نوف/فيصل ...انا ابي ارد البرياض بكرامتي....
فيصل سند جسمه على سيارة سعود اللي جنبهم.../انتي سويتي شي غلط علشان تخافين وتهرببين؟
نوف/لا...بس ضيق خلقي الله يضيق خلقه...
فيصل/معناته بتظلين هنا....
نوف/لا ماابي اظل ..لان حضرة اخوك المحترم اللحين بيروح ينقل الخبر لو كالة رايتر علشان تتشمت فيني...
فيصل باستغراب/منو وكالة رايتير بعد!!
نوف بلا مبالاة/وحدة طالعة من زبالة لاتشيل همها...
فيصل/منو؟
نوف/نانسي بنت خالتي...
فيصل/اخت تركي؟
نوف/والله حرام انها تكون اخت تركي القمر ولابنت خالتي بس القدر ياخوي القدر..
فيصل/نوف شسالفة انا مو فاهم شي....
نوف/تعال اقولك.....
مرح/نوف....
لفوا نوف وفيصل لمرح..
مرح/وينك صار لك ساعة بتجيبن العشى وماجبتي شي؟؟؟ لايكون قاعدة تاكلينه بروحك!!!!
نوف/لامو كذا..
مرح/بساْلك...نانسي شتبي منك؟
نوف بدهشة/نانسي!!!
مرح/أي انتي يوم قمتي هي قامت وراك تقول بينك وبينها سالفة..وبعدين رجعت متغيرة....
نوف بعصبية/كيف يعني متغيرة!!!
مر بخوف/شفيك...
نوف/كيف يعني متغيرة’؟؟؟
مرح/مدري بس رجعت تضحك وتسولف ..ومبسوطة...يعني ماكانت مثل مقعدنا اول....
نوف لفت بعصبية على فيصل/طلعت السالفة من تخطيطها لكن انا لها وين بتروح مني وانا بنت ابو فيصل..
فيصل/انا لسه مو فاهم شي....
نوف/بعدين بقولك عن كل شي بيني وبينها اللحين مو وقته..اللحين انا ابي مساعدتك,,,
فيصل/انا!!!
نوف/أي انت ولا ماتبي تساعدني حضرتك؟؟
فيصل/بس لايكون شي تافه وسخيف!!!
نوف/اسمعوا اثنينكم........

في سيارة وليد...
الجازي/عفية اخوي خلينا ننزل على الكورنيش شوي.....
الوليد/أي بس الساعة عشر ونص وامي متصلة تقول ارجعوا......
البندري/ميخالف شوي ماراح تضر والشاليه قريب من هنا..
الوليد/عنود شتبين؟
العنود/نمشي شوي لامشكلة..
سارة/عاشت عنود ....
ونزلوا من السيارة وقاموا يمشون وكان الكورنيش شبه مليان شباب وعوايل ..
طبعا البنات كانوا قاطين الشيلة على كتوفهم ولاهامهم احد...بس العنود كانت لابستها ومبينة شوي من شعرها.....
ومشوا البندري والعنود جنب بعض وسارة والجازي بعيد عنهم اما الوليد فقعد في السيارة ينتظرهم......
واحد من الشباب/لا بالله هذا حلم ماهو علم!!!!
خويه/وانا اشهد معك...الا الحلوين من وين اول مرة نشوفكم!!!
البندري والعنود حاقرين/الله على الثقيلين..
البندري/اقول اسكت انت مع وجهك:...
الشاب/مابغينا نسمع صوتكم..انتوا من هنا؟
البندري/مالك شغل..
خويه/طيب ليش خويتك ماتتكلم..
البندري/لان مو شغلك...
الشاب/انتي على شنو مصدقة حالك..انا ابي ها القمر هو اللي يتكلم ويطربني....
البندري/لاوالله..مصدق حالك حضرتك,,,اقول ضف وجهك لااقلب عليك الدنيا....
الشاب/ماني ساكت ووريني وش بتسوين يالله,,,
العنود مسكت يد البندر ي علشان يرجعون لسيارة وليد لاتصير لهم سالفة...
البندري/ليش ان شاء الله خايفة منه لو خايفة منه الكورنيش للكل ماهو حقه واذا في احد بيقلب وجه فهو مو انا..
العنود/خلاص بندورة يالله مشينا..
الشاب/عسل عسل مو صوت ياعالم...
الجازي وسارة تقربوا منهم ..
الجازي/فيكم شي..
العنود/لا بس ملينا بنرد السيارة...
سارة/ونرجع الشاليه لاخلونا شوي بعد..
العنود بعصبية لان الشباب يناظروهم ويبتسمون/يالله مشينا انا تعبت....
ومشوا البنات ومشوا وراهم الشباب والعنود يدها على قلبها....من الخوف وماصدقت غير يوم ركبوا سيارة الوليد ومشوا بس تفاجاْت ان سيارة الشباب لاحقتهم,,,,,
اليوم الثاني بعد الساعة وحدة الضهر محمد فتح جواله لانه كان واصله مسج من العنود,,
محمد/يويل حالي انا شفيها؟
خالد/منو؟
محمد/العنود تقولي اذا ممكن تجيني الشرقية بس لاتقول لااحد..
خالد/غريبة لا يكون فيهم شي...
محمد دق على العنود..وبالموت شالته...
العنود بصوت طبيعي.../هلا محمد..
محمدتطمن يوم سمع صوتها لانه ماكان فيه شي بس قال يمكن مخبية علي,,,,/شفيك؟؟؟
العنود/بتقدر لولا؟
محمد/اول قوليلي شفيك ترى على اعصابي قاعد!!
العنود بهدوء/ساْلتك اذا بتقدر تجي لو لا...
محمد/اكيد اللحين بمسك خط الشرقية وبجي....بس انتوا شفيكم يالعنود؟
العنود/لاتشغل بالك يامحمد مافينا شي بس انا بغيتك بسالفة اذا ممكن يعني؟
محمد/متاْكدة بس سالفة مافيكم شي ولامتضايقين من شي؟
العنود/خلاص قلت لك لاتشغل بالك...اذا وصلت الدمام عطني خبر....يالله باي..
خالد/ها شتقول؟
محمد/والله مدري تقول مافيهم شي وصوتها طبيعي بس تبيني في سالفة...
خالد/يمكن مافي شي لاتشغل بالك...
محمد/أي بس....مدري...المهم انا بقوم استاْذن وبمسك خط الشرقية ..
خالد/كلمني طمني عليهم..
محمد/اكيد...يالله دعواتك...
خالد/موفقين ان شاءالله...
/////////////////////////////////////////
مرح/ وين بنتغذى؟
وحيد/شفت لكم مطعم زوين بتاكلون اصابعكم وراه..
ابو فيصل/يعني نعتمد ياوحيد....
وحيد/افا عليك ياخالي حركوا وراي وماراح تندمون....
سعود/الله يستر منك....
ومشوا السيارات كلهم وراء سيارة وحيد...
ليالي بخوف/وحيدوا متاْكد من المطعم لاتفشلنا مع خالي...
وحيد/اقولك يسوي كبسات تاكلي اصابعك وراها...
هند/شسمه؟
وحيد/اسمه المجلس العربي.....
مرح/لا اسمه مو حلو..يعني اكيد اكله مو حلو..يالله تجهز بتاْخذ لك تهزيئة محترمة من ابو فيصل واحتمال بعد من فيصل..
هند من انطرى فيصل قدامها ولعت/والله اللي يبي ياكل ياكل واللي مايبي بكيفه ماحد مجبور!!!
وحيد/أي والله على قولة اختي بعدين كان دوروا لهم مطعم اذا مابيعجبهم اختيارنا..
ليالي/هيه انتوا شفيكم ماحد قال شي...قومتوا الحرب علينا....
هند/لا بس نتجهز لااي هجوم علينا..
وحيد/ههههههههههه
مرح/ضحكت من سرك بلا...
وحيد/ووجع اللي يوجعك ان شاءالله..
مرح/يوجعك انت بعد ليش يوجعني..
وحيد/اقول اذا ماسكتي لاوالله انزلك اللحين من سيارتي..
مرح/من زينها عاد من سيارة قرمبعة ...
وحيد/انا سيارتي قرمبعة ياالدبة..
مرح/ليش ان شاء الله كنت مفكرها سيارة الوليد بن طلال...
وحيد/سيارتي احلى من سيارتي اصلا مافي مقارنة بينهم!!!
مرح/ههههههههههههه ضحكتني مووت ..هاذي ها الكامري الخايسة تتقارن بسيارة الوليد صدق انك مفهي..وحيد وقف السيارة/مابمشي...
هند/يالله قايلة لاامي اذا عدى يوم حلو بينهم مايعدي الثاني بس ماصدقتني....
ليالي/تكفى اخوي امشي واسفها ماعليك منها....
قربت سيارة تركي منهم ودق لهم ياشر ليش واقفين..
هند/وحيد بلا فشايل تهاوش معها في الفندق على راحتكم بس هنا لا شوف انت اول واحد وكلهم بيوقفون يسالونك ليش واقف ياخوي؟؟؟
مشى وحيد واشر لتركي ان ما فيه شي..
وحيد/بتشوفين حسابك بعد الغذى علطول يالدبة....
ووقفوا كلهم عند المطعم ونزلوا ...
نوف علطول لفت على البنات..
نوف/شفتوا اللي شفته...
ليالي/لا كانت عندنا حرب في السيارة فما انتبهنا...شنو شفتي..
وصال/شافت مجمع قريب من هنا ومخططة تخلص غذاها وتروح له علطول...
نوف اللي كانت لابسة نظارة شمسية بيضة ماركة ديور رفعتها وغمزت لوصال بمعنى ماحد فاهمني غيرك... وباسل من شاف عمته فز من حضن ابوه يبيها وراحت اخذته من عند سعود ودخلوا كلهم المطعم....
اللبناني/اهلا وسهلا فيكن شرفتونا والله..
ابو فيصل/كان يناظر بالمكان....اقول نبي مكان للعوايل ساتر..
اللبناني/بتشرفوا على الدور التاني مافي حدا هونيك...
وركبوا الدور الثاني اللي كانت نص القعدة فيه شعبية يعني مساند وقعدة على الارض وفاونيس...وفي الجهة الثانية كانت كراسي وطاولات خيزران....ويطل على الشارع..والمكان فاضي فوق مافي غيرهم...
لطيفة/ياسلام شكله المكان حلو ياوحيد وبنجي كل يوم...
فيصل/اول شوفي اكله بعدين احكمي لاتغرك المظاهر....
كان ترتيبهم في القعدة كاالتالي...
غرفة من الغرف فيها ام فيصل وام خالد وام تركي...
الغرفة الثانية فيها ابو فيصل ووحيد ومشعل وطلال وغازي زوج لطيفة..
البنات نوف وليالي ومرح وروان في طاولة..
وصال ولطيفة وهند في طاولة...
سعود وفيصل وتركي في طاولة...
وبنات ام تركي في طاولة..
وسلطان وقف متحير في النص كان يبي نانسي تدخل معه في غرفة بس شكله مافي مجال...
فيصل بقسوة/شفيك متحير مثل الحريم ياتقعد هنا ياتدخل معهم !!
نوف/لاتلومونه مو متعود على الاماكن المختلطة شوي رجعي في افكاره لسه مااخذ على الجو...هههههه
مرح وليالي/ههه
امل وريهام/هههه
وحده بس سلطان كان عارف ان ثمن الكف بيطلع له في الايام الجاية..
سلطان مارد عليها...ودخل عند ابوه ..ونانسي كانت مقهورة من نوف اللي كانت تخزها بنص عين.....
نور بنت لطيفة/خالتي نوف ابي اقعد معكم ..
نوف/تعالي حبيبتي...
باسل رفع يده لنوف /دادا..
نوف/لا سوري انت بالذات مااقدر اخذك وقت الاكل...
وصال/بتشوفين لكن ناس دون ناس!!
نوف/هي قاعدة ومو ضارتني بتاكل بروحها بس هو بيعفسني وبيقوم...
ليالي اخذت عندها/تعال فيصل صغير عندي...ودق جوال ليالي في ها اللحظة ونغمتها كانت شاطر شاطر وكلهم لفوا عليها..
ليالي بفرح/اه هاذي بندورة..اهلين هلا ..شلونك شخبار الشرقية....
فيصل من جابوا طاري الشرقية قلبه فز من مكانه ...كان وده ياخذ جوال ليالي ويتنفس بهوا الشرقية يمكن يوصل له نفسها وترد روحها...اي أي معك...والله قولي والله....نوف تاشر لها انها تحط سبيكر علشان يسمعون صوت البندري وحطته وكلهم سكتوا حتى باسل ولد وصال سكتوه(هههههه) البندر تتكلم وماتدري ان كلهم يسمعون صوتها/راحت عليك علوم صارت للعنود البارحة ...فلم اكشن ماتلاقينه فاي سينما...
ليالي/قولي قولي شصار.....
البندري/مااقدر اللحين عندي ناس مغثة جنبي...وماسمعوا الاصراخ الجازي على انها مو مغثة....
نوف/بندورة وحشتينا مووت,,,
البندري/نوفوا يامغبرة شلونك شرايتيلي؟
نوف/انتي شااخذتيلي اول.
البندري/احنا اللحين في مجمع الظهران....يجنن يعجبك يانوفوا....وعنودوا شافت ثوب عند احمد البدوي الا تشتريه لملكتها....
فيصل الله رحم بحاله لانه سمع بس ان العنود عاجبها ثوب وتبي تشتريه من احمد البدوي بس ماسمع اخر كلمة وحط في باله اليوم يروح الشرقية وياخذ كل ثياب احمد البدوي..علشان عين تكرم مدينة!!!!
مرح/قولي شصار للعنودوا خلينا نتشمتت..
البندري/سمعوا الليلة اول ماترجعون الفندق دقوا علي واعطيكم التفاصيل.....
ليالي/صار ...ولايهمك..
البندري/الا صحيح نوفوا يقولون قاعدة عند بيت خالتي وبيخلونك تدفعين الفندق....
ههههههههههههههههههههههههه
كل الطاولات ضحكت على نوف...
نوف/وشفيها مساكين اخذ فيهم ثواب....
لبندري/الا صحيح شخبار القراوة اللي عندكم؟اكيد طايحين في السوق الشعبية
نوف/ههههههههههههههههههههههههههه
مرح/اقول بندورة هاذي صدقتي فيها...
ليالي/خلاص الليلة بدق عليك باي....
وسكرت من البندري ورفعت راسها وجات عيونها بعيون تركي بس لفت عنها....
نوف/ياي وحشوني بنات عمتي وبنات عمي...
مرح/كلمت لؤلؤة من شوي تقول بتطلع المملكة تتغذى اليوم..لانها زهقت من وضيحي ومن نومها...
لطيفة/الا صحيح ليش مانروح القرية الشعبية..
نوف/عاد لطيفة اختاري لنا اماكن حلوة مثل العالم والناس مو القرية الشعبية..
هند/ومن قال لك ان احنا بنشتري شي بس بنتمشى يقولون فيها مطعم مغربي ومصري وصيني وليناني وفيها كافيهات ومتاحف وتغير جو..بدل هاالمجمعات....
مرح/أي بس احنا نبي نروخ سيتي سنتر...
نوف/يس...
وصال/مو مشكلة نروح اللحين السوق الشعبية ومبعدين نروح سيتي سنتر وبعدين لاتحلمين سيتي سنتر تخلصينه اليوم يبيلك يومين يابابا..
سعود يكلم تركي وفيصل/بكيفهم يقررون ويشاورن وانت عليك التنفيذ...
تركي/وماجربت تحقر مرة تخطيطاتهم!
سعود/لاوالله مااقدر...
فيصل/هذا اليلاء ان حرمة تمشيني على كيفها..
سعود/أي بس هاذي زوجتي واختي وبنات عمتي ماهم غريبين عني....
على الساعة سبع ونص المغرب محمد دق على العنود...
العنود/الو..
محمد/هلا حبيبي..
العنود/هلا..
محمد/انا اللحين في الخبر..
العنود/حلو خليك هناك ..انا جايتك في الطريق..
محمد/انتي وين وانا اجيك...
العنود/لالا خليك انا قريبة من هنا...يالله ..اقول محمد خليك قريب من الكورنيش....باي....
محمد سكر من عندها وهو حاس ان في شي مو معقولة العنود اليوم فيها شي انا متاكد ان فيها شي.....
وبعد ربع ساعة دقت عليه العنود..
محمد/هلا..
العنود/وينك انت..
محمد/في الكورنيش...
العنود/حلو...في مطعم اسمه السنبوك تعال انا هناك...
محمد/يالله جاي....وراح لها المطعم لاقها تستناه على طاولة قريبة من الباب واول ماشافته اشرت له...ووقفت وجا لعندها علطول...ماتكلمت بس نادت على الجرسون اللي وداهم مكان بعيد عن الباب وحجز بينهم ببرفان...
محمد قبل لايقعد سالها/عنود شفيك خوفتيني عليك..
العنود قعدت على الكرسي وهي تضحك/اقعد انت بالاول..وبعدين انا قلت لك لاتخاف علي بيني وبينك سالفة ..شفيك محمد باكلك انا..
محمد/لامو كذا بس خفت ان فيك شي...
قعد قبالها..وهو يتاملها....
العنود/شفيك...
محمد/قولي شصاير...
العنود/مافي شي بس الحقيقة اني اشتقت لك...
محمد ابتسم لها/متاْكدة؟
العنود بخبث مايناسبها/متاكدة من شنو بالضبط؟
محمد/من ان مافيك شي...وانك اشتقتيلي ...
العنود/انتظر شوي وبتعرف اذا كنت اشتقت لك ولا لا...
وظل محمد يتاملها وقطع عليها صوت الجرسون ...
كان المطعم فخم لدرجة كبيرة ومن احلى مطاعم الخبر واضاءته خفيفة مووت ومعظم اللي فيه اجانب..وعلى الطاولة حوض سمك صغير ....
والجرسون يتكلم خفت الاضاءة بشكل اكبر عندهم ودخل الجرسون كيكة عليها شموع ومسجلة صغيرة فيها موسيقى رومنسية....وطلع من عندهم بعد ماحطها على الطاولة....
محمد صار يناظر في الكيكة وفي العنود اللي رفعت له كيس وعطته اياه....
العنود/كل عام وانت بخير..
محمد/........
العنود/شفيك؟
محمد/كيف تذكرتي عيد ميلادي....
العنود/وليش مستغرب اني اتذكره يعني؟؟
محمد مسك يدها/عنود انا امووت فيك..واقسم بربي اني احبك...وصار يبوس في يدها....
وهي عادي الجو عندها صحيح كانت خايفة من ان احد يشوفهم مع بعض او يصير لها أي موقف بس يوم شافت محمد راح خوفها وحست بالامان..هذا هو فعلا الشي اللي تحتاجه علشان تحس بروحها ترفرف في الدنيا بفرح.....
محمد/حبيبي...
العنود/نعم,,,
محمد/احبك...
العنود/وانا بعد احبك...
محمد/مو كثري يالعنود...
العنود/محمد انت ملكت احساسي...وصرت مااقدر اعيش بدونك..محمد لاتتركني مهما يصير...
محمد/امس كلمت جدي وقال لي اول مايرجعون بيت عمي بيحدد الملكة..
العنود ماتكلمت بس ابتسمت له....
محمد/فديت هاالبسمة انا..ياعساها دووم ياربي....
العنود/الله يسلمك لي يابعد طوايفي انت ياحمودي..
محمد/احلى حمودي سمعتها في حياتي....الا وين اخوانك؟
العنود/طالعين مجمع الضهران من الضهر مابيرجعون الا اخر الليل..
محمد/أي...وبعد..
العنود/كنا مخططين نروح الراشد اليوم بس ماصار نصيب...
محمد/ليش؟
العنود/بكرة بنمشي..بنرد الرياض....
محمد/احسن...
العنود /ليش حرام عليك...
محمد/اولا الرياض ظلمة بدونك يانور عيوني...ثانيا بلا راشد بلا خرابيط...حق المغازل ...
العنود/انا اغازل!!!!
محمد/لا مو انتي تغازلين هم يغازلونك,,,ولا انتي نسيت اني اغار عليك....
العنود/وليش تغار علي وانا بصير لك...
محمد/حتى اذا صرتي عندي ويجمعنا بيت واحد وغرفة وحدة بظل اغار عليك ياقلبي...
العنود/طيب ليش...
محمد/لاني احبك وبظل احبك وبموت في حبك..وش تبين بعد...
العنود/ابيك تفتح هديتك وتقولي رايك فيها..وللعلم الشديد انا اول مرة اشتري هدية رجالية ..يعني يبيلك صبر علي في هاالسالفة....
////////////////////////////////////////////////////
نرجع نشوف اهل قطر وش مسويين في ها الليل..طبعا سعود ووصال وغازي ولطيفة وام خالد وهند ومشعل وطلال راحوا القرية الشعبية...
ابو فيصل وام فيصل وام تركي ظلوا في مجمع لاند مارك اللي كان قريب من المطعم اللي تغذوا فيه...
ليالي ومرح ونوف ووحيد راحوا الستي سنتر وطبعا تركي اخذ خواته وراح هناك وفيصل وسلطان معهم.....
***في القرية الشعبية...
كان سعود راكب على جمل ومركب معه باسل اللي كان مبسوط حييل(مايهاب من شي مثل عمته هههه) ووصال دق تصوير فيهم والجو روعة...
غازي ولطيفة ومعهم نور بنتهم قاعدين يقلبون في اللبس الشعبي حق الصغار لبنتهم نورواختاروا لها لبس مصري لونه تركوازي....
ام خالد وهند كانوا يتمشون على اقل من هونهم ويعلقون على هذا وهذا وطلال ومشعل وراهم وهو شوي وينفجرون بس ماباليد حيلة....!!!
اما في مجمع الستي سنتر ...اول شي سوه البنات انهم ركبوا فوق للسينما حجزوا على اخر فيلم ينعرض علشان يضمنون انهم ياخذون راحتهم في السوق وتستناهم سينما(ماينشره عليهم سعوديين يدورون السينما وين ماكانت هههه)
وصاروا يدورون في المجمع يتسوقون ونانسي وخواته استلموا سلطان علشان يتشرا لهم اللي عاجبهم...
بس تركي ماعجبه الوضع فقال لسلطان يجي يقعد معهم فوق عند المطاعم والبنات اذا احتاجوا شي يجوهم....
مرح/بنات شرايكم نروح نتزلج,,,
نوف/والله فكرة خطيرة ليش لا؟
ليالي/مايقولون شي...
مرح/منو؟
ليالي/فيصل وسلطان...
مرح/وش علينا منهم احنا عاد...
نوف/انا علي منهم....
مرح/أي بس انا ماعلي منهم وبروح..
نوف/بكلم فيصل اذا رضى كان بها مارضى بفجر في المجمع كله واللي بيصير يصير!!!!
وراحوا البنات فوق وصادفوا ريهام وامل....
ريهام/مرحبا...
ليالي/اهلا...خلصتوا تسوق..
ريهام/لا ..يعني عادي..وانتوا..
مرح/لاوالله ماخلصنا وخاطرنا نتزلج...انتوا تبون تتزلجون؟
امل (في ثانوي)/أي والله انا ابي اتزلج...بس تركي عسر اكيد ماراح يرضى..
نوف/وين اختكم؟
ريهام/كاهي قاعدة معهم تقول تعبت....
نوف في نفسها (تعبت ولا تبي تقعد قبال المعرس زين لكن)
ومشوا للطاولة اللي فيها فيصل وتركي وسلطان ونانسي...
نوف/اقول فيصل...وقامت تناظر بنانسي علشان تلفت الانتباه لها...
اول مرة ادري ان احنا مو بنات تاركتنا نتمشى كلنا وقاعدة مع اخواني (لا ولغت وجود تركي بعد!!)
لف تركي على البنات لاقهم كلهم واقفين حتى خواته امل وريهام الا نانسي كيف بعد تقول انها مضيعة خواتها....حسابك عسير يانانسي...
فيصل /الا انتي صدق ليش قاعدة هنا وتقولين مضيعة خواتك وكلهم يمشون مع بعض..
نانسي ارتبكت/لا هما كانوا....
نوف/المهم المهم هي طول عمرها كذا لاتشيلون هم...اقول فيصل نبي نتزلج..
سلطان كان وده يذبحها على حركتها وكلمتها السخيفة لان نانسي صارت تناظر بالارض من الفشلة......هذا وانا اقول ليش مديت يدي عليها لكن طلعت تستاهل والله الذبح فيها مو حرام!!!!
فيصل/نعم!!ماسمعت بالله؟
نوف/هم بيتزلجون اخوهم رضى انا ليش ماترضى..
امل/تكفى تركي الله يخليك...وبعدين انت انزل تحت معنا وشوفنا ...
تركي/خلهم يتزلجون شبيسوون هم..شوي والا كلهم طايحين متكسرين...
مرح/حريمتك نتكسر شنو شايفنا بالله عميانا لو عوبانا!!!
تركي قام وهو ياْشر لها بااصبعه/الا ثنين...
نوف/الاثنين الاثنين اهم شي نتزلج.....
ليالي تهمس لمرح ونوف وهم يمشون/الا الصدق اخونا اللي وافق وينه ماشفته؟؟؟
مرح حطت يدها علىقلبها/اه لايكون اختطفوا جماعة ارهابية..
نوف كملت على السالفة/لو مجموعة بويات بيعتدون عليه؟؟؟سترك يارب....
ليالي مامسكت نفسها ظلت تضحك وتضحك وتضحك وكلهم لفوا عليها وفيصل وده يذبحها بس هي ابدا مو معاهم وصاروا نوف ومرح وامل وريهام يضحكون على ضحكها.......
فيصل/لاوالله كملت بعد!!!
مرح/وانت ليش كله ضايق خلقك ماتعرف تضحك ابدا؟؟؟
فيصل كان بيرد عليها بس سمع اسمع العنود ولف على اللي نطقت اسم العنود,,
ليالي/لا انا مااقدر هاذي لازم اقولها للعنود مايصير نفوتها عليها.....
وقعدت على الكرسي.../خلاص انتوا اسبوقني ....
فيصل تجيه راحة غريبة بس يسمع اسم العنود كان احد يصيحه من نومته ويصب عليه ماء بارد تتغير حالته مية وثمانين درجة....
فيصل بهدوء عن العصبية اللي راحت/لا قعدي كلمي العنود وبنظل ننتظرك...
مرح/بسم الله احسك متلبس...مدري كيف وضعك ساعة تصارخ وساعة هادي...
فيصل مارد عليها لانه مشغول باللي انطرت قدامه
تركي الوحيد اللي كان عارف بفيصل وحاس بحالته/اقول حطيه سبيكر بنشوف العنود كيف تضحك مثلكم لو اللعن منكم !!!(حجة علشان فيصل يسمع صوتها ويروق )
فيصل ناظره بامتنان لانه قال اللي ماقدر فيصل ينطقه .....

ليالي دقت على العنود وهي بعدها في الحالة اللي هي فيها...
العنود بكل نعومة وخصوصا انها قاعدة قبال محمد/الو..
فيصل فز قلبه من مكانه (ياربي على ها النعومة...من وين جاية بس..هاذي مو بشر..هاذي اكيد ملاك... ياربي لطفك علي انا مااقدر اتحمل اكثر ..الليلة طالع لها الشرقية..لازم اقولها..لالالالا ماراح اقولها بخطبها علطول..اي نرجع من قطر واخطبها....)
ليالي/اقول بلا نعومة زايدة ترى ماقاعدة تغازلين؟؟؟
العنود بدلع قدام محمد وهو ميت فيها/انا طول عمر يدلوعة وناعمة واللي عنده غير كذا فهو غيران مني وبس!!!
فيصل(أي والله طول عمرك ناعمة وعسل وتنحطين على الجرح يطيب وكل البنات يغارون منك ياشيختهم)
نوف/لاوالله هاذي نغمة جديدة عنودوا!!
العنود/اسمي العنود واللي عنده غير كذا لايحاكيني؟؟؟
مرح/اقول انتي رايحة الشرقية لو فرنسا!!!مسوية روحك شوي وتذوبين علينا!!!
العنود/اه على الشرقية وعلى هوى الشرقية فديته ياعالم يجنن.....
ليالي/منو هذا؟؟؟
العنود/هههه هوى الشرقية...المهم هند معكم؟
نوف/لا..
العنود/صار لي يومين ادق عليها وماهي معبرتني مفكرتني انا اللي مااقنعت امي ترضى اجي معكم على بالها ان امي تسمع كلامي ياخلاف...
ليالي/المهم اسمعي.....ورجعت الوضع طبيعي وشالت السبيكر وقالت لها عن سالفة وحيد والعنود ماتت ضحك اكثر من ليالي......
نوف رجعت التلفون سبيكر علشان كلهم يسمعون صوت العنود وهي تضحك وفيصل اول ماسمع صوتها تضحك تبسم من قلبه على ضحكتها البريئة اللي طالعة من قلبها (حرام حتى ليالي كانت ضحكتها بريئة شقصدك يعني يافيصل؟؟)
العنود/وي ياقلبي مو قادرة الله ياخذك يانوفوا على تفكيرك الوصخ.....حرام عليكم كلموه شوفوه وينه فيه..
ليالي/خلاص انتهى لاتحاولين قضوا عليه ههههههه
نوف/ههههه انا مالي دخل ها...صدقوني انا حاسة كذا ههههههه
العنود/شوفوا انا بطول وانا اضحك بعدين ادق عليكم باي ههههههههه

وسكرت العنود وقاموا ينزلون تحت يتزلجون بعد مااخذ فيصل جرعة طاقة من صوت العنود....
///////////////////////////////////////////////////

في الرياض....
لؤلؤة/وضحوا..شوفي هذا قاعد يقز!!
وضحى/ياقلبي رحنا فيها والله..قايلة لك مانبي نجي الفيصلية بس انتي ماتسمعين الكلام...
لؤلؤة/في امه خير يتقرب...احنا بنشرب قهوتنا وبنمشي..
وضحى/الله على الشجاعة مسوية روحك بطلة وانتي لو يفتحون لثامك يلاقونك ترجفين من الخوف..
مر الشاب جنبهم.../اه ياقلبي انا..
وضحى بصوت واطي/فديت قلبك انا..
لؤلؤة/قلبي وجهك احسن لك وش فيه عاد من زين!!!
وضحى/وانتي شعليك خليني اناظر بكيفي!!!
الشاب/اسمي محمد...ممكن نتعرف؟
لؤلؤة/....
وضحى/.........ودها تتكلم بس خايفة من لؤلؤة..
.محمد/ليش ها الثقل عاد؟ عطونا وجه...
وضحى ولؤلؤة/.......
محمد/باينكنم اصحاب نفس طويل وهذا مطلوبي....
لؤلؤة رفعت جوالها وسوت روحها تدق فيه وهي اصلا حاطتها على الصامت....
لؤلؤة/هلا محمد...وينك فيه...احنا بالفيصلية تقدر تجي اللحين...لا س محتاجتك جنبي شوي يالغالي... يالله لاتطول باي....
محمد/ه حلوة...خليه يجي ونتعرف على بعض انا محمد وهو محمد كملنا..واحد لك وواحد للحلوة اللي جنبك..ها شرايك؟
وضحى/اصلا انت واحد سخيف وماتستحي على وجهك.....
محمد/وبعد...
وضحى/انت ماعندك خوات؟
محمد/عندي بس مو حلوين..
لؤلؤة/روح جيبهم خلنا نشوفهم ونتاْكد انهم مو حلوين؟
محمد/ههههههه تعجبوني والله....
////////////////////////////////////////////////

في الشرقية...
العنود في سيارة محمد.....
كانوا ماسكين ايادي بعض ومطفين السيارة وهم قبال الكورنيش.......
محمد رفع يد العنود وصار يبوسها وهو وده ياكلها..
محمد/احبك...
العنود/..........اه...
محمد/اموت فيك...
العنود/حبيبي انت....
محمد/هاذي احلى ليلة من عمري ياقمر....
العنود/بتحلم فيني الليلة؟
محمد/وليش انا بقدر انام الليلة...
العنود/يعني بظل في بالك طول الليل..
محمد/أي..
العنود/مو ترد الرياض في ها الليل..خاوينا بكرة على الطريق...
محمد قرب راسه منها وهمس لها/تنامي معي الليلة؟
العنود قلب وجها وجت بتسحب يدها منه بس هو مسكها بقوة....
محمد/قولي تبين تنامي معي الليلة؟
العنود/محمد خلاص لاتخربها..
محمد بهمس اكثر/ودي اكلك والله..
العنود/حبيبي خلاص ردني الشاليه....
محمد/واذا مارديتك شبتسوين؟
العنود/برمي روحي في ها البحر اللي قدامك..
محمد/قومي ارمي روحك بشوف...
العنود/..
محمد/هههه والله ماتسوينها يالجبانة....
وتسند على كرسيه وغمض عيونه..
العنود قامت تتاملها ...محمد وسيم بدرجة كبيرة وهي صارت تتعلق فيه حييل ووتحبه اصلا ماحد يعرف محمد ومايحبه..
العنود بهمس/حبيبي شفيك...
محمد فتح عيونه وصار يناظرها/عنودي ابي اسوي شي وانا عارف انه غلط....
العنود/وليش تبي تسويه يوم انه غلط؟
محمد/لا ني مو قادر امسك نفسي اكثر...
العنود/وشنو هو؟
محمد مارد عليها بس حرك السيارة لين اوصلوا للشاليه...
واول ماوصلوا قريب البوابة طفى السيارة ولف عليها..
العنود/شفيك؟
محمد/ابي اسوي الشي اللي قلت لك عنه..
العنود حست بخوف من نظرات محمد بس كانت تبي ها الشي وماهما اللي بيصير بعدها..
تقرب منها محمد وهي صوت قلبها يدق بسرعة....وغمضت عيونها وهي حاسة باللي بيسويه محمد...........(ماابي اشفر ها المرة كيفي!!!)
تقرب منها وباسها بوسة وحست ان انفاسها بتطلع منها ..وماعرفت شتسوي..لانه تقرب منها اكثر وحضنها بقوة...وهو بعده يبوسها...
ماتدري أي قوة جاتها وخلتها تبعد عن محمد وتاخذ شنطتها وتنزل بدون حتى ماتقول له تصبح على خير.........
///////////////////////////

يتبع

السبت يوليو 30, 2011 10:12 am

في قطر ..وفي صالة التزلج اللي في الطابق الارضي تحديدا......
كانوا البنات فالينها فل وشوي ويشيلون العبي من عليهم..وتركي وفيصل وسلطان يناظرونهم...ونانسي قاعدة بعيد عنهم لان تركي عطاها نظرة تهديد اذا قربت بتلاقي الويل معناتها...
كان تركي يمشي قريب من الساحة حقت التزلج وهو يناظر في الموجودين..وفجاْة قربت منه وحدة بعبايتها ولوت رجلها وتعرقلت وكانت بتطيح لو ماانه مسكها من بره الساحة....
ليالي رفعت راسها من الفشيلة/اسفة..انا اسفة..
تركي/انتبهي مرة ثانية..واذا انتي مو قدها طلعي منها!!!!
وتركها ومشى لفيصل وهي ماتت من الفشيلة واخذت بعضها وطلعت...
طلال دق على سلطان...
سلطان/نعم..
طلال/هلا فيك..
سلطان بدون نفس/هلا..
طلال/وينكم انتوا..
سلطان/في جهنم ..في المجمع..
طلال/أي عارف بالمجمع بس وين يعني...
سلطان/ياذي النشبة ليش تساْل..
طلال سكت ومارد عليه لان حس ان سلطان مو طايقه..
سلطان/الو..الو..انت معي...وسكرها في وجه طلال..
فيصل من وراه...
فيصل/منو؟
سلطان/هذا ولد عمك طلال...
فيصل/شيبي؟
سلطان/نشبة يساْل وينكم فيه؟
فيصل/وانت شقلت له..
سلطان/مارديت عليه..
فيصل/ليش..بينكم شي؟
سلطان/لا..بس امااطيقه...
فيصل/شمسوي ؟
سلطان/اذا قعدت معه بتحسه ماينطاق ابدا...
فيصل/..................
سلطان/.................
نوف/هاااي...
لفوا عليها..
نوف/جوعانة...
فيصل/أي..ويعني...
نوف/ابي عشى...
سلطان/المطاعم فوق...
نوف/انت ماحد كلمك ولاتحط لسانك في لساني لو تكرمت.....
سلطان/انتي شعليه...
فيصل/خير شفيكم بالله؟
نوف/اساْل اخوك المريض...
سلطان/مريض في عينك..كاهو توه من ساع متصل الظاهر اليوم ماعطيتيه البرنامج حقك ووين بتكونين؟
نوف بعصبية/انت احترم حالك احسن لك....
فيصل/واللي واقف قدامكم ماله احترامه!!!!
نوف وسلطان اسكتوا من نبرة فيصل العالية....
فيصل/انتوا ماتقولوا لي ليش تتعاملون مع بعض كذا!!!!
نوف/...........
سلطان/...............
نانسي جت مع ريهام وامل....
نانسي/اقول نوف شرايك نركب نتعشى..(عيني على البراْة)
نوف بقمة الاحتقار/لاانا بيمرني ابوي بيعشيني...
ريهام/وبنات عمتك بيروحون معك لو بيظلون هنا؟
نوف/مدري عن احد,,,,,ومشت عنهم وطلعت من صالة التزلج بكبرها وفيصل للحين مستغرب من علاقة نوف بسلطان!!!!
نانسي ناظرت بسلطان/وين تركي؟
فيصل/شوي وبيرجع...
نانسي/ياه خسارة...
سلطان/شبغيتي منه..
نانسي/كنت شايفة طقم وعجبني مووت بس فلوسي ماكفت وحجزته علشان اخذ من عند تركي واروح اخذه ....
سلطان/يالله امشي روحي اخذيه لايبيعونه..
نانسي/أي بس تركي مو هنا وانا ماعندي...
سلطان بصيغة امر/امشي يالله....
كانها قبلت بالامر الواقع ومشت وراه هي مع خواتها..وفيصل مستغرب صار لها فوق االساعتين معهم قاعدة وتوها اللحين تتذكر انها حاجزة طقم تبي تشتريه!!!!يوم انها ماشافت اخوها!!والله انك غشيم ومسبه ياسليطين ولها حق نوفوا اذا انقهرت من تصرفاتك الغبية!!!!
***في اخر الليل دق جوال هند مسج وفتحته كان من العنود0هند ردي علي الله يخليك انا تعبانة ومحتاجة تسمعيني)
هند اول ماشافت المسج نست زعلها من العنود ونست الدنيا كلها لانها عارفة ان العنود اكيد متضايقة من شي واذا تضايقت ماتشكيها الا هي..بسرعة بسرعة دقت على العنود...
هند بفزع/الو...
العنود بصوت ضعيف ومبين عليه انه كان يبكي/هندوا انا تعبت والله تعبت....
هند/شفيك؟؟؟شصاير قوليلي شصاير؟
العنود/.............
هند/عنود تكلمي لاتوقفيني على شعر راسي...
العنود/تذكرين عيد ميلاد محمد..
هند/أي اذكره اليوم يصادف......(هند طبعا عندها خبر لانهم كانوا مخططينه في الرياض مسبقا بس علشان ان العنود راحت الشرقية ماتدري كيف بتسويه العنود ولانهم صاروا مايكلمون بعض ها اليومين)
العنود/انا دقيت على محمد يجيني في الشرقية ...
هند/وبعدين؟
العنود/ومسك خط الشرقية وجاني.......
هند/وبعدين....
العنود/واحتفلنا مع بعض وعشت معه لحظات سعيدة رغم خوفي........
هند/طيب وين المشكلة؟
العنود/المشكلة اني قبل لاانزل من السيارة......
هند/شنو صار؟
العنود/انا ماابيك تقولين اني .....
هند/عنود لاتلفين وتدورين شبقول يعني وانا اعرفك اكثر من نفسي....
العنود/تمادينا مع بعض شوي وسمحت له يبوسني ويحضني بدون مااعترض.....
هند/؟؟؟؟؟؟؟؟؟؟؟؟؟
العنود/انا احس نفسي ارتجف ومو قادرة انام؟
هند/وهو ماكلمك ولاحاول يعتذر منك..
العنود/مدري انا قفلت الجوال وتوني فاتحته علشان اكلمك بس ....هند انا احبه...انا تعلقت في محمد..وهو قال لي في المطعم انه كلم جدي وقال اول مايرد خالي فيصل من قطر بيحددون الملكة..
هند/بس هذا مايعني انه يتمادى لهدرجة؟
العنود/عارفة بس هو مالاقى مني أي صد بالعكس كنت مستسلمة ويمكن هاالشي هو اللي دفعه...
هند/لاتدافعين عنه....
العنود/انا ماادافع عنه بس.....
هند/عنودوا الصدق الصدق شنو شعورك؟
العنود/..................................
////////////////////////////////////////////////////////
وفي جهة مقابلة من قطر كان العاشق المتيم سرحان فيها وجنبه تركي...
فيصل/بكرة لازم انزل الشرقية
تركي/لاتعليق....
فيصل/تقول عاجبها ثوب عند احمد البدوي لازم اروح اشتري لها (هو مايدري منهو احمد البدوي ههههه)
تركي/فيصل انت مو ملاحظ ان تفكيرك صاير كله في العنود!!!!
فيصل/مو بيدي ياتركي هي تدخل قلبي وفكري بدون ماتستاْذن...
تركي/فيصل طول عمرك لك كلمتك وثقلك ورزتك لاتخلي بزر مثل العنود تضعفك كذا!!!!
فيصل/...............................
تركي/.................................
ورجع الصمت بينهم من جديد ورجع فيصل لتفكيره في العنود وتركي رجع يفكر في نفس البنت اللي اليوم شدت انتباهه!!!!!
//////////////////////////////////////////////////////
اما على طريق الرياض/الشرقية...
كان واحد يسوق بسرعة كبيرة وقلبه يدق بسرعة من اللي صار...
هو يحبها ويموت فيها ومايقدر يمسك نفسه اذا كانت قريبة منه ....
بس ليش تجراْ وباسها..اللحين اكيد بتفكر انه انسان ....كيف بتفكر فيه اللحين....ليش سويت كذا يامحمد ليش!!!! المشكلة مو قادر يبعدها عن تفكيره وريحة عطرها مالية السيارة كلها والاهم انها مالية ثيابه هو يوم انه ضمها.....والله ماابي شي غير اني اتنفس حبك يالعنود صدقيني......
وصار يمسك جواله ويرده يمسكه ويرده..خايف..متردد...صعب تشرح وجهة نظرك....صعب تعتذر عن اللي سويته...شفيك يامحمد لازم تواجها من اللحين مو اذا بردت السالفة علشان تحسبك مو مهتم,,,,,
وتشجع اخيرا ومسك جواله.....ودق رقمها وحمد ربه اننها ماعطته مشغول ولاقفلته......
وجا صوتها على جرحه علشان يثيره مرة ثانية..
العنود وبكل نعومة الدنيا/هلا...
محمد بصوت خايف ومرتجف/عنودي....
العنود/.........
محمد/انا اسف والله ماقدرت امسك نفسي.....
العنود اول ماسمعت صوت محمد يتاْسف حست نفسها بترجع تبكي من جديد وعيونها ملت دموع هي ماتبيه يتاْسف لانها تحبه وحاسة ان الشي اللي صار عادي...بالعكس يوم سمعت صوت محمد تمنت انها قربه اللحين وترمي نفسها عليه وماتقوم من حضنه..
العنود بصوت ضعيف/لا تعتذر يامحمد انا عارفة انك ماتقصد...
محمد/يعني ماانتي شايلة علي ولازعلانة مني....
العنود/انا مااقدر ازعل منك.....
محمد/احبك والله احبك وها الشي بيجنني...
العنود/بس مو معناتها انك تعيدها مرة ثانية يامحمد....
محمد/بعيدها مرة ومرتين وثلاث وعشر...
العنود/محمد!!!
محمد/ههههه انت مو بتصير لي..خلاص يعني حلالي اسوي فيك اللي ابي ماتقدر تمنعني....اه ياالعنود والله وقدرتي علي وجبتي راسي للقاعزماتخيلتك كذا ابدا..تعرفين انك مثيرة...مغرية...
العنود حست باانفاسها تتقطع من كلام محمد اللي متقدر توصل له ففضلت الانسحاب من لعبته بكل هدوء..
العنود/محمد انت وينك فيه؟
محمد/سلامتك راد الرياض...
العنود بخوف/راد الرياض في ها الليل!!!! انا مو قايلة لك لاترد الا بكرة الصبح ولاماتسمع كلامي؟؟؟
محمد/حبيبي انا بعد اللي صار حسيت اني متضايق من نفسي وحسيت اني المفروض ارد والواقع يقول اني المفروض ارد تصوري يشوفني بكرة الوليد على نفس الخط عمتي شبتقول عني وعنك؟؟؟
العنود/طيب بس سوق على مهلك وبشويش واول ماتوصل الرياض دق لي..
محمد/ليش عاد توها السهرة بااولها خلك معي على الخط...
العنود/لا حبيبي مايصير تكلم وانت تسوق ماتركز بعدين يالله باي...
وسكرت بدون ماتعطيه أي مجال للاعتراض.....
محمد سكر منها وهو مبتسم هاذي جوهرته الغالية..هاذي حبه الوحيد...هاذي اغلى هدية عنده في الدنيا....هاذي اللي نذر ايامه لها علشان يسعدها باقي حياتها وان شاء الله الله يقدره على سعادتها.....

اما العنود سكرت منه وتنهدت تنهيدة طويلة...كل يوم يجي يعلقها محمد فيه اكثر واكثر..كل يوم يمر تحس انه الامان والحنان بالنسبة لها....ماانتبهت الا ووحدة طالعة من الباب وجت اقعدت جنبها...
سارة/عنود شفيك؟
لفت العنود على سارة بنت عمها/مافيني شي بس ماجاني نوم وطلعت هنا...
سارة/بكرة بنرد خسارة تمنيت نقعد اكثر بس ابوي مايقدر علشان مديره ماعطاه اجازة غير يومين...
العنود/عوضيها مرة ثانية مو مشكلة ..
سارة/انتي تحبين؟
العنود/ش ها الكلام البايخ!!!!
سارة/عادي بنات واجد عندنا بالصف يحبون ويعشقون..
العنود/عيب ها الكلام....
سارة/انتي بتتزوجين محمد ولد خالك صح..
العنود/منو قال لك؟
سارة/انتي نسيتي ان امك قالت لاابوي عن ها الموضوع....
العنود/..........
سارة/تحبيه؟
العنود/اكيد احبه هذا ولد خالي ورابي معي من الصغر....
سارة/لالالالا انا اقصد تحبينه حب حب؟؟؟
العنود/كيف يعني حب حب..!!!
العنود/يعني تتولعين لمى تسمعين صوته...تشتاقين له ...
العنود/اقول سارة ورى ماتقلبين وجهك وتنامين احسن لك لاني عطيتك وجه اليوم بزيادة!!
سارة/انتوا ليش ماتحبون احد يعرف سوالفكم!!!! انا اذا حبيت ماراح اعلم احد مثلكم!!!
وقامت وهي تتحلطم والعنود تفكر في كلامها...(تتولعين لمى تسمعين صوته,,,تشتاقين له..) هذا الاحساس اللي تحسه ناحية محمد...يعني هي تحبه مو واهمة...!!!!
///////////////////////////////////////////////
في اليوم الثاني....
كانوا قاعدين في قبال البحر....
ابو فيصل/عسى بس شفت لنا مطعم زوين ياوحيد مثل الامسي؟
وحيد/ها...والله ماشفت..
ام خالد/افا عاد ليش بس امس كان خوش مطعم...
ليالي/دبروا حالكم بدون اخوي...
نوف/اووف انا ابي افهم رازينا من صبح الله على ها البحر وشنسوي بالله؟
ام تركي./ماشبعتوا سوق في ها اليومين؟
نوف/لاوالله ياخالتي ماشبعنا..تدرين احنا مانشتري أي شي مثل غيرنا يعني ذوقنا صعب بالمرة!!!
نانسي فهمت انها المقصودة بس ماحبت تتكلم..
مرح/اقول خالتي..كيف مجمع لاند مارك حلوظ
ام فيصل/زوين..بس مابيعجبكم انتوا..
نوف/زين قلتي لنا علشان مانتعب حالنا ونروحه خلونا نستغل الوقت...
فيصل وتركي/صباح الخير..
ليالي ونوف طالعوا بساعاتهم..
ليالي تهمس لنوف/من صدقهم الساعة اللحين بتدخل على الوحدة وهم توهم صباح خير!!!
وحيد دق جواله..../هلا فيك....اي ..اي ..خذ يسار..وقام بعيد عنهم يكلم..
مرح/هذا شسالفته من امس وهو معفوس فوق تحت..
هند/انتي لاتحطين دوبك ودوبه الله يخليك!
مرح/ول ماترضون عليه..
ام خالد/مرح شفيك على اخوك هذا جزاته مسكين جايبك يمشيك ويبسطكم,,
مرح/انتوا بتقلبون علي...!!!
ام فيصل/لا مابنقلب عليك بس خفي عليه شوي....
فيصل يكلم تركي/ها نمشي اللحين؟
تركي/اول بقول لاامي انت عارف انها جت معي...
فيصل /طيب قوم كلمها اللحين...
توه تركي بيقوم الا سمعوا صوت نوف ...
نوف/هيه انتي شتبين في ابوي؟؟
كانت البنت اللي مغطية عيون ابو فيصل تضحك لهم وهم بعد ابتسموا يوم شافوها الا واحد ظل مكانه مصدوم وابو فيصل نفسه اللي ماكان عارف من هاذي!!!
البنت قعدت جنب ابو تركي وقالت باللبناني/وانتي شو دخلك يا..لك هيدا حبيبي وعمري..
ابو فيصل ابتسم يوم سمع صوتها...
ابو فيصل/هلا والله وسهلا بعنود...نورت والله شللي جابك عندنا..
العنود تبوس خالها/شسوي بعد يوم ان عندي اخو حبيب مارضى نرد الرياض وقال تعالوا بوديكم قطر تبسطون وتغيرون جو....
ام خالد/أي والله زين سوى يوم جابك عندنا..
ام فيصل/امكم معكم يالعنود؟
ام الوليد كانت توها واصلة/والله اني تكسرت هي مشوار الشرقية واللحين مشوار قطر انتوا ماتتعبون؟
ام فيصل/حيا الله ام الوليد..
ابو فيصل/هلا والله بااختي..الا انتي عجزتي خلاص بسرعة تتعبين!!!اول شوفي عيال العنود بعدين عجزي....
ام الوليد/ههههه الله يسمع منك.....
ووصلوا البندري والجازي مع الوليد ووحيد..وقامت الوناسة......
نوف/أي اللحين بتطلع الوناسة..اه بس لو كانت لؤلؤة ووضحى هنا كان كملت بجد...
ريهام/شلونك يالعنود..
العنود/هلا فيك انا بخير الحمد لله...
ريهام/مشاء الله كل مرة اشوفك تحلوين اكثر واكثر.....
العنود/تسلمين والله هذا من ذوقك...
نانسي كانت تشوف الموت ولا تشوف العنود تكرها اكثر من كرها لنوف او بمعنى اصح تغار منها حيل
العنود/نانسي شلونك..
نانسي/.................
العنود لفت على نوفوقاموا يتهامسون...
العنود/مصدقة حالها هاذي بنت خالتك..
نوف/طنشي طنشي طرارة ومطلعينها نمشيها على حسابنا شافت نفسها علينا....
الجازي/نوفوا منوا هذا الحلو اللي مع فيصل ولد خالتك؟
نوف/أي هذا تركي...اخو الزبالة...حرام يصير اخوها...
الجازي/ماعنده اخو ثاني علشان احبه ويحبني..؟
العنود/لا تكفين عاد جويزي مااصدقك انا حبيه وفكي عمرك!!!
الجازي/والله ودي بس الظروف ضدي!!!!ومشت عنهم وهم يضحكون عليها.....
البندري/اقول خالي وين الاحتفالية بشوفتنا اشوف مافي اكل ولااشم ريحة اكل بنوب بنوب...
ام فيصل/يالله شباب قوموا الله يعطيكم العافية ودونا للمطعم الامسي...
نوف/لانبي نغير....
ام تركي/لاوالله خوش مطعم خلنا نروحه....
وقاموا كلهم بيروحون المطعم ونوف على حلطمتها شافت اخوها فيصل واقف مكانه ماتحرك وكان سرحان بعيد عنهم...حتى تركي مشى ....
نوف/اقول عنودوا تعالي بس تعالي نهرب من مطعمهم الشعبي..
العنود/لو تعطيني مليون ريال ماجيت معك بموت من الجوع....
نوف/بوديك اللي هو احلى منه...وسحبتها من يدا ووقفوا قبال فيصل اللي ماحس اصلا لوجودهم....
العنود/لا شكله منتهي ولله الحمد!!!
نوف/هههه لايسمعك بس....فيصل..فيصل....
الظاهر مايمشي بالاسلوب هذا.......ورفعت صوتها فصيل....
انتبه لها فيصل..
فيصل/خير شفيك تصارخين بالله؟
العنود/شلونك فيصل.....
فيصل لف عليها يتاْكد هذا صوتها لو هو من كثر التفكير قام يتخيل.....
فيصل/انتي شلونك..
العنود/بخير...
نوف/اقول فيصل العنود جوعانة وتقول لو ماعليك كلافة تعزمنا في مكان راقي يناسب ذوقنا انا وانت وهي وبس!!!
العنود لفت عليها بفزع/اه يالكذابة انا متى قلت؟؟
فيصل يجاري اخته لان هاذي فرصة ماتعوض بثمن/وليش لا..بدل مطعمهم البايخ..يالله تفضلوا..
نوف/أي والله عاش اخوي القمر اللي يفهمني...
ومسكت يد العنود ومشوا ورى فيصل وهو حاط في باله يصارحها خلاص ماعاد فيه صبر وجت الفرصة لعنده......
/////////////////////////////////

في الرياض/خالد/والله وطلعت جريئة ماتخيلتها ابدا عندها هاالحركات وتدق واعياد ميلاد واحتفالات..
محمد/اصبر اذا ماخليتها تمشي على مزاجي وعلى سيمفونة حبي....
خالد/لالالا خلاص عارف بتجيب راسها بتجيبه....الا ماسمعت شي عن هند!
محمد/انت ليش مادقيت عليها..
خالد/مدري...بس كذا..
محمد/اللي فهمته من العنود انها زعلانة ليش انها ماراحت معها لقطر وماصارت ترد على تلفوناتها ومسجاتها....
خالد سرح بعيد لهند ماكلمها غير مرتين وماقعد معها الا مرة وحدة ومو قادر يحدد احساسه اذا كان بيميل لها او انه مايبيها!!!!!
////////////////////////////////////
**في قطر... وتحديدا في مطعم نيون....
كان المطعم غربي في الاكل وحتى في الجلسة وشبه فاضي.....
نوف هاذي الاماكن اللي تعجبها تحب الاشياء الغربية اكثر من الشرقية بعكس العنود تماما اللي ماعجبها لا الديكور ولا حتى الاكل.....
فيصل/...............
العنود/...............
نوف/............. أي هاذي الاماكن الحلوة مو طايحين لي في المجلس العربي..
العنود/لو انه سيْء ماكانو راحوا مرة ثانية على قولتك!
نوف/تعرفين انا ذوقي احب ها الاشياء ...
العنود/(تاكل بشويش علشان لايخلص الاكل لانها تحس نفسها ماشبعت شها البخل اللي فيهم اسعارهم نار واكلهم قليل ولاهو ذاك الزود بعد..اووف الله ياخذك يانوفوا)
فيصل/اكل عصافير...
لعنود/ها...
فيصل/تاكلين اكل عصافير!!
العنود/لا عادي..
فيصل/ماعجبك!!!
العنود/بصراحة كنت مشتهية بوفيه مفتوح.....
فيصل/خلاص نقوم نروح بوفيه مفتوح...
العنود/لا خلاص شبعت..
فيصل/من جدك !!والله نقوم عادي...
نوف/معليش اخوي عندك الليل اعزمنا على بوفيه مفتوح....
ورجع السكوت مرة ثانية....
فيصل/اشتريتي الثوب اللي من احمد البدوي؟
العنود/ههههههههههههه
نوف/ههههههههههههههه
العنود/انت من قا ل لك عنه؟؟؟
نوف/امس بندورة قالت لنا وكنا حاطينا سبيكر واللي في سيتي سنتر كلهم اسمعوا..
العنود/هههههههه الله ياخذكم..
نوف/الله ياخذ اختك هي اللي قالت...
فيصل/شريتيه ولالا؟
العنود/.....
نوف/يابن الحلال بكرة اللي في البال يشتريه لها لاتخاف عليها.....انا تسمحولي شوي وقامت من الطاولة بتروح تغسل...
فيصل (معقولة نوف عرفت عن حبي للعنود !!!اكيد عرفت ولا ليش عزمتها اليوم على الغذاء وليش قامت اللحين وليش قالت ان اللي في البال بيشتريه!!!!اه يانوف سهلتي علي الموضوع حييل يوم انك عرفتي)
فيصل/عنود....
العنود/اسمي العنود يافيصل ومااحب احد يقول لي عنود!
فيصل ابتسم لها ولااول مرة في حياتها تلاقيه يبتسم حست بقلبها يدق من الفرح...الفرح!!هي ليش فرحانة على بسمة فيصل...يمكن لانها اول مرة تشوفه يبتسم,,,,يمكن)
وقطع عليهم الجو صوت جوال العنود وتضايق فيصل.....
العنود/هلا حياتي.....لاوالله....مو كذا ..بس انتي شفتي نوفوا احرجتني وماقدرت اقولها غير ,,,,,,,طيب انتوا شلون برنامجكم....
وفي هااللحظات رجعت نوف...
نوف/من تكلم؟
فيصل كان عارف انها هند بس حب يتاكد/حياتها؟؟
نوف/اه معناته هند....
العنود/..اي ..طالعين انتوا اللحين...خلاص بشوف فيصل اذا قدر يجيبني...مدري بسالها...نوفوا وين بتروحين؟
نوف/مدري فيصل وين تقترح اماكن جميلة؟
فيصل سكت ومارد عليهم..
العنود/نروح سيتي سنتر؟
نوف/لامشكلة,,
العنود/..اي ..هلا خلاص روحوا انتوا واللحين اذا خلصنا بنجيكم....بيصير بينا الو اول مانوصل,,باي حياتي باي....
فيصل/يالله مشينا...
وقام يدفع الحساب....
العنود/شفيه اخوك قلب فجاءة توه يضحك شحليله؟
نوف/عادي عادي لاتشيلين هم كل عيال عبد العزيز عندهم هاالحالة...
العنود مشت معها وهي مستغربة من تقلب مزاج فيصل السريع بس مشت في بالها ان عيال خالها كلهم كذا مزاجيين!!!!!
طلعوا البنات كلهم وراحو الستي سنتر وتفرقوا فيه كل مجموعة بحالها...
ريهام والبندري وليالي مع بعض هند والعنود مع بعض نوف والجازي ومرح مع بعض...
نانسي وسلطان وامل كانوا مع بعض...
ووصال ولطيفة كل وحدة مع زوجها..والامهات مع بعض وابو فيصل مسك وحيد والوليد ومشى معهم مع نور وباسل وروان,,,,,
طلال ومشعل كانوا مع بعض....
وتركي وفيصل كانوا مع بعض....

تركي/شفيك ؟
فيصل/........
تركي/مو كنت تبي تشوفها هذا انت شفتها ليش بعد متضايق؟
فيصل/لاني احسها بعيدة عني..
تركي/فيصل انت ماصار لك غير اسبوع من رديت كيف تبيها تكون قريبة منك بالله!!!
فيصل/مدري..بس احس انها ماراح تتقرب مني اصلا...
تركي/انت تقول كذا لانك خايف تصارحها بحبك او خايف من المواجهة بس ترى السالفة ابسط مماتتخيل...
فيصل/يمكن بس مدري ليش ...تركي/حاس ان فرق العمر بينكم ماراح يقربكم من بعض؟
فيصل/................مايهمني اني اكون اكبر منها بثلاثة عشر سنة..ان شاءالله اكبر منها بمليون سنة انا ماابي غيرها؟
تركي/خايف انها ماتتقبلك؟
فيصل/غصبا عنها مو بكيفها...
تركي/مشكلتك تتعامل معها على اساس انها المفروض تنصاع لااوامرك واللي تبيه وناسي ان الحب اختياري مو اجباري يافيصل؟
فيصل/اذاما حبتني برضاها مالها الاتحبني غصبا عنها؟
تركي/وبتكون مبسوط اذا كنت تدري انها تحبك غصبا عنها بس علشان حضرتك ترضى؟؟
فيصل سكت ومارد لانه نفسه مو عارف اجابة ها السؤال الا اذا عاش الجو.....

يتبع

السبت يوليو 30, 2011 10:13 am

في جهة ثانية كانوا طلال ومشعل واقفين عند محل اكسسوارات ويقلبون فيها(موشغلهم بس حاشرين نفسهم غصب)
طلال رفع اسوار في يده كان عبارة مجموعة اساور مع بعضها البعض على شكل قلوب في درجات الوردي والاحمر......
واخذ اسوار ثاني بس كان انعم من اللي قبله واخف بكثير كان على شكل نجوم فضية....
وحاسب عليهم ولف لقى نانسي مع سلطان واختها امل...ونانسي كانت تناظر بالاساور اللي مع طلال..
مشعل/خلصت ؟
طلال/أي خلنا نمشي؟
مشعل/في رايك انا بعد لازم اخذ لااختي؟
طلال وهو يناظر بسلطان اللي مو معبره ابدا/بكيفك انا ماعندي غير ها الاخت ولازم احطها في عيوني....
سلطان في نفسه(من زينك لو من زين اختك عاد)
وطلعوا من المحل....
وركبوا فوق عند البنات اللي كانوا يشترون لهم ايسكريم من باسكن....
وقعدوا على الطاولة اللي تقابلهم علطول...
طلال شال واحد من الاساور وحطه بجيبه والثاني خلاه في الكيس..
البنات لفوا بيقعدون لقوا مشعل وطلال وتقربوا منهم..
مرح/هاااااي شباب...
مشعل/اهلين والله...
الجازي/وين اخوي؟
مشعل/ماسكته الحكومة...
نوف/حكومة في عينك هذا البابا الغالي وانا مارضى عليه!!!!
طلال/قعدوا ليش واقفين..
الجازي قعدت ومرح جت بتقعد جنبها/
نوف/تبون ايسكريم؟
مشعل/والله الخبر عند ك
نوف عطت ايسكريمها لمشعل/رغم اني تعبانة عليه وانا اختاره هو باللي فوقه بس حلال عليك...
طلال/وانا؟؟
نوف ناظرته/تبي مثله؟
طلال/بيكفني ذوقك فيه..
راحت لعند باسكن مرة ثانية ومشعل صار يسولف مع مرح والجازي وطلال اخذها فرصة وقام ورى نوف ..مرح والجازي ماغا ب عنهم قومة طلال ورى نوف بس مشوها له وسووا الوضع طبيعي كاانهم ماشافوه بعدين ياخذون العلوم منها...
كانت واقفة تختار له طبقات الايسكريم وفي ثلاثة اجانب بعيدين عنها بنتين وشاب..طلال صار واقف وراها علطول وقدرت تشم عطره...كان عطر جيزير..ريحته رهيبة وقوية......
طلال حط يده في جيبه وطلع الاسوارة وفتحها(القلوب )ومسك يد نوف من وراها وهمس/لاتخافين مني يانوف بس بعطيك ذكرى ولبسها الاسوارة وهو يده ترتجف وابتعد عنها شوي...كان دمها ثاير من حركته اللي مااتوقعتها ابدا...بس سوت روحها طبيعي ..حسابك بعدين ياطلول ..
اخذت الايسكريمين ومارضى طلال انها تدفع دفع هو..ومشى جنبها
طلال/ممكن اطلب منك خدمة؟
نوف بعصبية/لا..
طلال/بليز نوف لاتزعلين مني...انا كنت ابيك تختارين لي شي اشتريه للؤلؤة ؟
نوف/عندك البنات خلي أي وحدة منهم تختار لك؟
طلال/أي بس مو كل البنات عندهم ذوقك انتي ذوقك يجنن..
نوف واحد مادحها وقايل لها ذوقك يجنن خلاص بعد..
نوف/.........
طلال/انتي اختاري لها ودقي علي اجي للمحل وعطيني القطعة اللي اخترتيها وبس..
نوف/يصير خير..
وراحت قعدت مع البنات في نفس الطاولة وطلال اول ماشاف سلطان جاي اخذ مشعل من يده وقاموا ونزلوا من الدرج الثاني ومشعل مو فاهم ليش ولا البنات لين شافوا سلطان والبنات معه...
مرح/ليش طلال درى عن سلطان وتفكيره؟
نوف بااستغراب/ماادري!!!!!
امل شافتهم وجت ركض عندهم..
امل/هاي صبايا..
مرح/هااي..
امل/ماودكم نتزلج مثل امس...
نوف/ليش لا..وبعدين جويزي امس ماتزلجت...
مرح بخبث/حتى نانسي امس ماتزلجت؟
امل لفت على نانسي وسلطان اللي كانوا واقفين عند باسكن..
امل/أي سلطان مارضى...
نوف بصوت عالي علشان يسمعوها سلطان ونانسي/عشتوا!!!من صدقه يغار عليها وهي الحبيبة اللي تسمع الكلام!!!حشى فلم هندي....
لفوا سلطان ونانسي عليها
نانسي بقهر/كل ايسكريمك بروحك انا انسدت نفسي..
سلطان/وانتي شعليك منها..
نانسي/انا مدري ليش اختك تكرهني لهدرجة....
سلطان/ماعليك منها..
نانسي/أي طبعا لانك مو قادر عليها ومو قادر تحببها فيني!!
سلطان/حبيبي خلينا نعيش جونا بكرة نرد الرياض ومانشوف بعض الا بالموت !!!
الجازي/قعدي امل ليش واقفة بناكل وببنزل..
امل/اذا كذا بروح اعطي اغراضي امي وبرجع لكم..
مرح/لا اسبقينا على صالة التزلج لانا احنا ببنزل اللحين..
امل/صار....
ونزلت امل ونوف بلعانة منها اخذت التلفون ودقت على ابوها..
نوف/هاااي داد......ابي فلوس...انا فوق....عند المطاعم....
وبعد شوي ركب ابو فيصل مع باسل ونور وروان بس..واشرت نوف له وجاها يركض(حشى مسحور هههه)
نوف/هاااي داد..
ابو فيصل/كم تبين...
نوف/تصدق عاد حتى الايسكريم هم عازميني عليه مايصير بعد انا بنت ابو فيصل وهم يتشرون لي!!!
الجازي/قلنا لها الحلال واحد ماصدقتنا شنسوي لها بعد...
مرح كملت التمثيلية/نوفوا هذا مو سلطان اخوك...
لف ابو فيصل ونوف على سلطان ونانسي اللي ماشافوهم...
نوف بتمثيل مفتعل/من زمان ياحظت عيني طلعوا من السينما وشروا الايسكريم وانا استنى وحدة منكم تجي علشان تشتري لي الايسكريم..
ابو فيصل بعصبية وهو يناظر بسلطان/وليش مادقيتي عليه ان شاء الله!!
نوف/ليش هو واعي لنفسه يبى...من جينا وهو مخاويها يشتري ويتشرى على شنو ياحسرة لاجمال لادلال صدق بنت خالتي بس الاصول اصول..وانا سمعت يعني ..سمعت ..ان في شخص يقول سلطان مو عاجبينه الرجاجيل كل مطيح عند هالبنية!!(من وين سمعتي !!!)
ابو فيصل مد لها بالفين ريال واخذتهم هي ماكانت بحاجتهم بس تبي توقف سلطان عند حده وترد له ثمن الكف.....
نوف/يبى الله يخليك لاتتهور اذا رحت الفندق تفاهم معه هني مانبي فضايح..
ابو فيصل/بس يانوف..
نوف/ولا بس ولاشي..بتسلم عليه اللحين عادي وبتخليه يحس من نظراتك انه غلطان أي نعم لكن انك تكلمه وتهاوشه هنا انا مو معك يالغالي...
ابو فيصل/طيب شورك وهداية الله...فيصل وينه؟
نوف/يحليله اليوم عزمني انا والعنود على الغذى وقال الليل بيعزمنا على بوفيه مفتوح في الفندق اللي يعجبنا..
ابو فيصل/متاْكدة هو اللي عازمكم؟
نوف/افا عليك بس هذا طالع كريم على ابوه واخوه سعود الله يحفظهم لي ويخليهم ذخر ان شاءالله..
ابو فيصل/هههههه ان شاءالله...
مرح والجازي قاموا/يالله خالي احنا نستاذن
ابو فيصل مسك محفظته وعطى كل وحدة المقسوم..
مرح/شكر ا خالي مانحتاج...
ابو فيصل/خذي قالت ماتحتاج يعني مااعرف سوالفكم يالبنات.....
الجازي/هههه عندك نويف بكبرها وين ماتعرف لسوالفنا...
ابو فيصل/المهم الليل ودنا نشوي على البحر طيب..
نوف/نفكر في الموضوع...
ابو فيصل/فكري فيه زين علشان اذا وافقتي امدد لك القعدة..
الجازي/لا هذا موضوع ثاني بصراحة!!!
نوف/خلاص خلاص وافقت...نفلها على البحر شفيها..احنا نكتشف الوناسة لنفسنا مو لازم نركض وراها...
مرح/يالله زين لاتثقلون حكي نسيتوا ان ورانا تزلج..
نوف/يالله سي يو...داد..
ونزلوا ثلاثهم وبقى ابو فيصل بروحه يناظر بنانسي وسلطان (تف عليك وعلى اللي سواك رجال اذا هاذي مرجلتك مقابل لي حرمة وتارك اخته تنتظر من يشتري لها اسكريم!!!!)
نور/جدي ابي سناك....
باسل/دادا بابا..
ابو فيصل/حتى انت بعد..
ابو فيصل/اقول روان يابنيتي...
روان/نعم عمي...
ابو فيصل/خذي هاالفلوس وقومي اشتري لهم انا مدري شيبون اخذي نور معك وهذا خليه انا بقعد هنا انتظرك..واشتريلك انتي بعد.....
روان/طيب عمي تعالي نور..
ابو فيصل/مري من هنا عند الطاولة اللي فيها سلطان ولدي قاعد..
روان/أي بس عمي بيطول الطريق علي!!
ابو فيصل/ماعليه يابنيتي انا ابي انتبه عليك وانتي تمشين هناك زحمة هني المكان اخف زحمة..
روان/طيب عمي.....ومشت مثل ماقال لها عند طاولة سلطان...وسلطان ونانسي اصلا ماانتبهوا لها غير لمى نور اشرت عليه وقالت بصوت عالي خالي سلطان انا هنا ماشفتني!!!
سلطان رفع راسه ولقى نور مع روان يمشون للمطاعم...(هذولا مع منو راكبين معقولة بروحهم!!لالالالا مستحيل لطيفة ماتاْْمن مع بنتها كذا ولف راسه يدور بالطاولات وطاحت عينه بعين ابوه اللي كان ينتظره يلف يشوفه ولقى ابوه يناظره وهو ماسك باسل ...ياذي الورطة اللي انت فيها ياسليطين اللحين شيطلعك منها حتى ماي زمزم مايطهرك عند ابو فيصل)
نانسي/سلطان حبيبي شفيك؟
سلطان بارتباك/لاولاشي بس الوالد هنا..
نانسي بخوف لانها عارفة ابو فيصل زين اذا رضى عن الواحد عطاه واذا قلب عليه ماله الا الجرح/ياويلي!!!!
سلطان/شفيك خايفة؟
نانسي/اللحين شبيقول ليش قاعدة معك بروحنا؟؟
سلطان/انا ولد خالتك ماني غريب !!!
نانسي/انا عارفة بس ابوك هذا منو يفهمه بالله!!!!
سلطان/....................
نانسي/هاذي اكيد بزر السوء اختك نوفوا مسلطته علينا!!!
سلطان/نوف!!!اي بس نوف موهنا...نزلت..
نانسي/اكيد دقت عليه وقالت له اركب شوف ولدك قاعد مع بنت خالته ولاانت ناسي انها تكرهني..
سلطان/لا نوف مو تابع هاالحركات..
نانسي بزعل/يعني انا اتبلى عليها!!!!
سلطان/لاحبيبي انا ماقلت كذا بس...شوفي خلينا نقوم نروح عنده
نانسي/بس..
سلطان/بس شنو هو شافنا وخلص قومي قبل لايقول ان احنا حاقرينا...
وقاموا نانسي وسلطان ومشوا لعند طاولة ابو فيصل اللي من تاكد ان سلطان شافه لف يلعب باسل وكانه مو مهتم فيهم..
سلطان/قوة يبى...
ابو فيصل رفع راسه..
نانسي/عمي شلونك؟
ابو فيصل/بخير....
نانسي/الا وين جماعتك تركوك بروحك...
ابو فيصل/ماتكلم بس ناظر بسلطان بنظرات تهزيئية ونانسي عجبتها الشماتة في سلطان حبت تزيد عليه....
نانسي/منو اللي مل من الثاني انت مليت منهم لو هم ملوا منك؟
سلطان ناظرها بمعنى هذا وقته انتي الثانية..
لف لها ابو فيصل/والله قلت اركب اغير جو اشوف الدنيا كيف تمشي بدون القعدة مع الرجاجيل!!! (وشدد على الرجاجيل)
نانسي/وكيف شفتها ان شاء الله عجبتك؟
ابو فيصل/والله اسالي سلطان هو جربها قبلي واكيد عارفها.......
مرت لحظات صمت ثقيلة على سلطان وحارقة دم ابو فيصل ومبسوطة عليها نانسي.......
نانسي/الا ماقلت لي عمي شنو برنامجكم؟
ابو فيصل بحدة وهو يتذكر ان نوف ماعمرها ذكرت نانسي بخير/بنقعد على البحر من بعد صلاة العشاء...
سلطان/ليش عاد؟
ابو فيصل يكام نانسي/والله هذا طلب نوافتي تقول تبي نشوي على البحر قلنا خلاص مدام نوف طلبت مالنا الا التنفيذ..
نانسي اسكتت وماعجبها ان ابو فيصل يسمع كلام نوف ........

***

وفي صالة التزلج....
نوف ومرح والجازي وامل كانوا يتزلجون وطلال ومشعل ووحيد والوليد يشاهدون في جهة اما الجهة الثانية فيها ليالي وهند والبندري والعنود ....ومن بعيد كان فيصل وتركي,,,,,,
الجازي/تعالوا وناسة والله....
هند/بايعين اعمارنا بالله...
ليالي/انا من بعد طيحة الامس لو يعطوني مليون ماقمت....
البندري/انا مااحب اصلا..
العنود/انا امووت من الخوف......قالتها وماشافت الا يد ساحبتها وملبستها الجزمة الخاصة بالتزلج وسط اعتراضها الشديد..
العنو بشبه صراخ خلت فيصل يلف يشوفها وهو مرعوب/لالالالالا ماابي حرام انا اخاف....
الوليد ماسمع كلامها ومسكها من يدها ودخلها وسط صراخها
العنو بصراخ/لالالالالالالا الله يخليك لا..بموت ياربي هندوا وين شهامتك ساعديني..
البنات فطسوا عليها من الضحك والبندري طلعت جوالها تصورها وفيصل وصلت عنده مليون من حركة الوليد وكملت عليها الثانية وهي مطلعة موبايلها تصور!!!!
الوليد مسكها من اياديها الثنتين وصار يدورها وهي مغمضة عيونها وشوي وتبكي ونوف ومرح والجازي يصافرون لها....
وشوي الا تنفك شيلتها وتطيح على الارض
فيصل جمد مكانه هاذي اول مرة بحياته يشوفها بدون شيلة صحيح هي بالعباية بس اول مرة يشوف شعرها مشاء الله تبارك الرحمان ويني انا عنها من زمان مااذكر الا ذيك الجدايل الثنتين وبس!!!
الله يحفظه لي من العين هذا مو شعر هاذي خيمة عربان!!!!من متى العنود شعرها بني فاتح كذا !!!ولا خيوط الحرير اللي صارت تنزل على وجها مو معقولة ياربي انا في حلم ولا في علم!!!
تركي/فيصل شفيك؟
فيصل لف عليه/ليش شفيني بالله؟
تركي/ليش معصب؟
فيصل يحاول يكون هادي وهو عينه على العنود/ومن قال لك اني معصب!!!!
تركي/شوف كيف ماسك الحاجز كانك بتكسره بعدين قول ليش معصب!!!
فيصل انتبه على نفسه وحس انه مزودها حاول يكون هاذي وبعدين لف بغضب على تركي/انت قاعد تناظرها!!!!
تركي رحمه هالمرة لانه حاس ان فيصل قرب يجن بسبايب العنود/وليش اناظرها بالله؟
فيصل/بدخل اذبح اخوها داخل...
تركي/مايحتاج كاهم اطلعوا...
لف فيصل يناظرها من جديد لقاها طلعت ووجها احمر من كثر الصراخ وتمشي عند الحاجز بشويش على اقل من هونها وشيلتها بيدها مابعد البستها...يوم قربت من جهته وكانت جهة البنات ابعد شوي عن جهة فيصل....
جت عيونها بعيون فيصل لقت فيها نيران شاعلة وخافت منه حيييلل وتذكرت فيصل الشراني ..هذا هو بشحمه ولحمه ووقفت تناظره
فيصل بكل غضب الدنيا وهو يحاول انه مايرفع صوته/ومستانسة بحالك يعني وانتي بدون شيلة؟
العنود انصدمت منه بس اسكتت..
فيصل/لبسيها اللحين لااذبحك.....
العنود مسكت شيلتها وتجمعت دموعها في عينها وفيصل حس انها بتنفجر وتبكي في وجها مشى عنها وماكان تكلم ولاقال شي!!!!!
ظلت مكانها فترة وهي مستغربة من تقلبات فيصل المزاجية هذا مو معقول انه بشر!!!!!ساعة راضي وساعة زعلان...الله يعين اللي بتبتلي فيه والله غربية لو شرقية دعواتي لها بالجنة ...اذا قدرت تصبر على ها الانسان!!!!!ومادرت انها هي المقصودة بها الدعوة!!!!!!!!!!!!!!!!!!!!!!!
هند/عنودوا شفيك للحين راسك يدور!!!
العنود لفت لها بسرعة/لا ...
هند/شفيك؟
العنود بصوت شبه باكي/هذا ولد خالك فيصلوا ثقيل الدم......
هند/فيصل وينه؟؟
العنود/كان هنا..وسمعني كلام مثل وجها..
هند/شقال لك؟
العنود/مفكرني فرحانة لان شيلتي طاحت وقال لي اذا مالبستيها بذبحك..
هند/خله يولي زين انتي ناسية ان نوفوا تقول انه جاي من كازاخستان مو من امريكا!!لاتشيلين همه هذا طول عمره كذا وبيظل كذا ماراح يتغير امشي بس يقولون خالي يبينا نطلع بيودينا البحر بيعشينا مشاوي على كيف كيفك...
العنود/أي بس ولده سد نفسي الله يسد نفسه...
هند/ماعليه حبيبتي تعالي نشرب لنا شي يرد لك نفسيتك...
العنود/لا ماابي اشرب يمكن الايسكريم يرد نفسيتي والله اعلم....
هند/هههههه يالله امشي ايسكريك ايسكريم والله ان نفسيتك تتشرط بعد....
ومشوا وهم يضحكون ونست العنود فيصل وصراخ فيصل عليها..والله ان قلبها ابيض من الحليب بس ماحد عارف لها قيمة بس لمتى يالعنود على هاالطيبة تراها بتضيعك في حياتك!!!!!!!!!!!!!!!

بعد ساعة من طلعتهم من المجمع راحوا لعند البحر وتجمعوا كلهم هناك......
ام الوليد/والله مافي ازين من ها القعدات بلا مجمعات بلا اسواق بلا تكسيرة رجايل...
طلال/عمتي ماتبي الا تقعد ماتحب تتمشى وتشوف الدنيا..
ام خالد/ان شاء الله في مجمعات اللحين الواحد يشوف الدنيا اللهم ياكافي..
طلال/انتوا شنو يرضيكم بالله لا عاجبتكم الاسواق ولا المجمعات ولاشي..
ام فيصل/الصراحة مافي غير عوار الرجايل ياولدي والمشكلة على هذا كله مايعجبهم العجب بناتنا يبون كل يوم بها السوق ...
طلال/بالعكس رياضة انك تتمشين في الاسواق والمجمعات..
ام الوليد/علينا ياطلول علينا.....وفي هاللحظة مرت نوف ووقفت يوم سمعت باقي كلام عمتها......قول انك تعود رجايلك من اللحين على دوارة نوفوا في الاسواق علشان لاتتعب بكرة تاخذ كورسات يعني لها..
طلال/ههههه...
ام الوليد/يالله اعترف؟
طلال/والله الواحد محسود حتى عللا زوجته علشان عندها ذوق وتحب تتابع الموضة...
نوف وقف الدم مكانها وهي تتذكر عيونهم يوم جت في بعض هني قبل يومين واليوم يوم لبسها الاسوار في المجمع وكلامه اللحين!!!!ياربي ماابي اخف خليك ثقيلة يانوف لاتضعفين له وانتي بنت ابوك...رجعت من مكان ماجت بدون مايحس فيها احد......
هند/اقول بنات..
البندري/قولي عمتي؟
هند/ليش مانركب في لنجة وناخذ فرة في هاالبحر على هاالليل..
نوف فزت من مكانها/الله خوش فكرة ياهندوا تعجبيني...
الجاز ي وقفت /انت نفر خطير مرة مخ مال انته واجد شغال!!
العنود/صلي على النبي ياام عيون حارة
الجازي/وشقايلة انا عاد يبى اجاملها ليس الا...المهم ام النوف روحي للوالد الغالي وطلبي منه السماح...
نوف/افا عليك اعتبري موافق من هاللحظة..
هند/زين قومي يالله قبل لايفز لنا واحد من هالشباب ويخلينا نقعد مكانه...
مرح/يعني ماتبون شباب معكم؟
العنود/بلى انا ابي اخوي!!
هند/ياسلام انا بعد ابي اخوي!!!
نوف/اذا السالفة كذا تشجيع اخوان انا بعد ابي اخوي...
ليالي/اسكتي الله يرحم والديك من زين اخوانك عاد!!!
نوف/اه نعم نعم نعم!!!!عيدي شقلتي؟؟
ليالي/وانا الصادقة ازين واحد فيهم سعود بس حرام قاعد مع مرته مانبي نثيقل بدمنا عليه وااجد اما فصيل وسليطين حدث ولاحرج في اخلاقهم مانبي نذم في احد!!!
نوف/مافي روحة ..مدام تكلمتي على اخواني مافي روحة..
هند/قومي قالت مافي روحة...
نوف/أي بس تكلمت على اخواني...
العنود/وهي الصادقة في كلامها فيصل ماتلاقينه غير معصب وماتدرين ليش!!!وسلطان مايعطي احد وجه بالمرة ومقابل لي عين السيح بنت خالته ..نوفوا شكله يبيها!!!
نوف/اوووف ياقلبي هاذي وحدة ماتستحي ورامية روحها عليه بالغصب وهو مايقدر غير يجاريها علشان خالتي وتركي...واذا على فيصل ترى هو كذا انا اسميه البركان الخامد الهايج...
البندري/مالت على ذي تسمية!!!!
نوف/شسوي فيه هو طبعه كذا ساعة رايق وعشرين ساعة ثاير!!!!
هند/المهم يوم انك عارفة اخوانك وطبايعهم قومي بسرعة قولي لخالي....
نوف/سم طال عمرك......
وقامت تمشي ومعها البودي جارد مرح والجازي علشان يسهلون عملية الاقناع على قولتهم......
وجت الموافقة سريعة من ابو فيصل طبعا مدام ان نوف هي اللي في الموضوع....
والشباب اعترضوا على الموضوع وقالوا يبون يركبون معهم علشان يديرون بالهم عليهم....
وحيد/مايصير انا واحد خواتي في ذمتي اذا مارجعت فيهم ام وحيد وابو وحيد مايبوني...
الوليد/انا العكس تماما مااقدر اعيش بعدهم لو صار فيهم شي....
مشعل/مايصير يعني مايصير....
هند/أي بس احنا نبي ناخذ راحتنا مايصير تكونون معنا في كل شي...
العنود/شوفوا انتوا خذوا واحد واحنا واحد وكذا تنحل الاشكالية...
طلال/خلاص شور العنود وهداية الله....
يالله بقوم اشوف لكم واحد..وقام طلال ومعه الشباب علشان ياخذون واحد لهم وواحد للبنات....
مرح/بس بس...بنات خالتك بيجون...
نوف/يمكن اقول لااملوا تجي بس!!!
البندري/لالالا خلي ريهام بعد مايصير طول الوقت معنا واللحين مانقول لها فشلة..
الجازي/هيه يعني بتبقى نانسيوا بس اللي ماحد عزمها ونتطمش فيها بعدين..
نوف/أي والله وجبتيها ياجويزي خوش فكرة يالله باروح اقول لهم قدام امهم علشان تقول مهتمة فيهم طالما ان الانسة قاعدة تكلم في جوالها بعيد...
مرح/يالله بسرعة اغتنمي الفرصة!!!
فيصل شاف الشباب عند الهندي ويتفاهمون معه راح لهم هو مع تركي..
تركي/شفيكم؟
مشعل/سلامتك بس البنات يبون يدخلون البحر وجايين نشوف لهم لنجة يركبونها..
فيصل/بروحهم!!!!
طلال/أي علشان ياخذون راحتهم مايصير نكون معهم مي حلوة بنحرجهم ونحرج نفسنا ....احنا بناخذ لنا واحد ثاني...
وحيد/تعالوا ركبوا معنا...
تركي/يالله فيصل..
فيصل/كل البنات بيجون؟
الوليد/اكيد هذولا يموتون في الوناسة ان شاء الله لو بس يفتحون باب السيارة ويرجعون يسكرونه....
هند/خالي قوم معنا...
ابو فيصل/لايابنيتي انا بظل هنا...
العنود/قوم غير جو...
ابو فيصل/اذا انا قمت من بيقوم في عشاكم..
نوف/لالاخلك اْجل ترانا جواعة ...
مرح/هههه الله ياخذك ماتفكرين غير في نفسك وبس!!!
نوف/يعني انا ابي افهم منو الابو ومنو البنت !!!الابو هو اللي لازم يفكر في عياله مو العكس....
الوليد/يالله امشوا....بسرعة لاتعطلونه...
ليالي/اسمع بعد على هالنفخة...
ومشوا البنات الى سفينتهم والشباب لسفينتهم..
وحيد يكلم الهندي/هذا خلي سوا سوا قريب من هذا نفر...
الهندي/ليش انته في يحب واحد من هناك سفينة!!
وضحكوا عليه الشباب حتى فيصل وتركي...
وحيد عصب/لعن بو دارك خواتي ذولا..
الهندي باستغراب/هذا كلو نفر اخو انت نفر!!!!!واجد انت اخو مشاء الله....
مشعل/ههههه الظاهر هذا مو فاكك...
سلطان الوحيد اللي كان ساكت ومايكلم احد لانه اصلا جا معهم علشان لايتصادم مع ابوه ومي حلوة كلهم يجون حتى فيصل وتركي وهو قاعد مع الحريم...
غازي لطيفة وبنتهم وسعود ووصال وباسل اخذوا لهم ووراحوا لجهة ثانية بعيدة عنهم اما الامهات كلهم قعدوا يساعدون في تجهيز العشى والسلطة....
وبعد ماابتعد ت السفينة شوي عن مكانهم قاموا البنات بالفل....
نوف/هي انت صديق مافي عندك اغاني؟
الهندي/موجود في مصري يبغى مصري؟
الجازي/مصري هذا حق بنت خالتي يالله قومي هزي لنا شوي..
ليالي/لا لاانا مااقوم كذا لازم تشجيع وجو يونس..
مرح/اتحداكم اللحين اذا شغله ماتقوم تهز بدون وعي...
وفعلا شغل لهم اغنية الواد قلبه بيوجعه..حقت بهاء سلطان وكلهم قاموا وشالوا الشيلات وفتحوا العبي وقام الطرب عندهم...
وحيد/اما صحيح مايستحون على وجوهم رقص ووناسة!!!
مشعل اللي عيونه كانت على البنات بس مو ميزهم عدل لان الوقت ليل وا لاضاءة في السفينة كانت خفيفة مو ثقيلة وهم شوي بعيدين يعني مو لاصقين فيهم كلش..../قايل لهم بركب معكم مارضوا اتاريهم يبون يرقصون....
فيصل عيونه قامت تدور على الشعر البني اللي شافه اليوم بس مافي غير اجسام تنهز وظلمة بينهم ماقدر يميز بس حط في باله يسنعها علشان ماترقص لااحد غيره..
طلال..اه من طلال ومن شعور طلال في ذيك اللحظة لانه من ركبوا البنات حط عيونه على نوف وماشالها وحتى بعد ماابتعدوا عن بعض ظل مركز عليها صحيح هو مايشوفها بشكل واضح بس يكفي انها شايلة شيلتها وهاذي اول مرة يشوفها بدون شيلة وترقص بعد!!!ياترى وشو بتشوف من نوف في الايام الجاية ياطلال!!!!!!
مرح/تتوقعون بعدين الشباب يذبحونها لان احنا رقصنا!!!
هند/ماحد لنا عنده شي مو بكيفهم هي!!!!
العنود تذكرت شكل فيصل وهو معصب عليها يوم تطيح شيلتها كيف اللحين وهي ترقص بيذبحها لامجال لانها لمحته موجودبينهم..ورجعت علطول لمكانها..
امل وريهام ومرح والجازي وليالي والبندري/هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههه
هند/شفيكم؟؟؟
نوف/عنودوا من صدقك صدقتني انهم بيذبحونا خفتي ورجعتي؟؟
العنود تفشلت لانها الوحيدة اللي رجعت مكانها/لا طبعا بس تعبت اخاف اللحين اطيح عليكم بوسط البحر..
البندري/لاتدارين فشلتك واجد يالعنود ترى مو لايق عليك....
ريهام/شكلك بسرعة تصدقين؟
العنود/لامو كذا بس انا جد مااقدر على البحر واليوم وليدوا ومقلب التزلج للحين راسي يدور منه!!!
ليالي/لا اذا كذا عاذرينك ياالحلوة...
هند/اقول يالحبيب خلاص طفي ها لاغاني نبي نروق ونتاْمل البحر بهدوء...
نوف/ناس شاعرين بقوة..
مرح اسحبتها من يدها/أي والله...نوف/وين بتوديني؟
مرح ونوف والجازي قعدوا بعيد عن البنات وعاطينهم ضهورهم وهاذي حركتهم اذا عندهم اسرار بيقولوها..
نوف/خير؟
الجازي/لاتفكرين ان احنا ساكتين معناته ماندري ان اليوم كلمك اعترفي وقولي شقال؟؟؟
نوف تسوي روحها مو فاهمة/منو؟
مرح/عريس المستقبل!!!
نوف تذكرت الاسوار وطلعته من تحت عبايتها(يعني رفعت الكم علشان يبين)..........عطاني هالاسوار لذكرى...
مرح/عشتوا وشنو بعدغير الذكرى؟
نوف/ولاشي قال انه يبي يشتري للؤلؤة هدية ويبيني اختار له وبس..
الجازي/نوفوا ماتحسين انك ثقيلة على طلال!!!!
نوف تبي تقول موصحيح انتوا ماشفتوه وش سوى اليوم بس اسكتت....
نوف/علشان لايفكرني رخيصة ورامية حالي.....
مرح/أي بس طلول مو من ها النوع اللي يفكر وهاالخرابيط طلال امنية حياته انك تضحكين في وجه...
نوف/ماعلينا خلونا نرجع عندهم فشلة والله.....هي كانت تبي تغير الموضوع بسرعة علشان لاتتهور وتتكلم لانها عارفة مرح فضيحة رب العالمين!!!!
بعدها رجعوا البنات والشباب وماحد منهم تكلم ولاقال شي وكل واحد قعد في حاله واللي راح يساعد في الشوي...
امل/نانسي ليش ماجيتي معنا؟
ام الوليد توها منتبهة لقعدة نانسي وانها ماكانت ضمن البنات/انتي صدق ليش مارحتي؟
نانسي/ماحد قال لي تعالي!!!
ام تركي/كيف ماحد قال لك يابنت !!ونوف يوم تجي تناديكم!!
امل/أي نوف جت نادتنا بس انتي ليش ماجيتي؟
نانسي/انا ماسمعتها ويمكن انها نادتكم ومانادتني؟
نوف بدلع/خالتي انا اللحين ناديتهم وحقرتها ماناديتها؟؟؟؟؟
ام تركي/وليش بالله بتخليك من دونهم كاهي نادت على الكل وانا سمعتها بس انتي مدري كيف اعوذ بالله منك..
نانسي بعصبية/اقولك مانادتني!!!
ام تركي/انتي بتكذبيني يابنت!!!!قومي انقلعي ولاتراويني خلقتك..قومي عن وجهي يالله....
نوف في نفسها(احسن تستاهلين واللي بيجيك بعد اكثر يانانسي)
في الرياض...
الجدة/الا وين محمد انا ماشفته اليوم؟
ابو محمد/مدري عنه يقول عنده شغل بيجيه انتداب على جدة وراح يخلص اوراقه...
الجد/لامحمد بيروح جدة!!خسارة انا مااتخيل البيت من دونه يوم واحد..
الجدة/الله يحفظه لشبابه ويهنيه يارب..
الجد/الله يسمع منك ان شاء الله..صدق من قال مااعز من الولد الا ولد الولد....انا ماعندي اعز من عيالي الاها المحمد ...
ابو محمد/الله يسلمك يبه ويخليك لنا ذخر ان شاءالله..
الجد/الصدق الصدق ماحد جاب مثل محمد ياولدي ولاراح يجي اللي يشابه حتى عياله...ولدك ينحط على الجرح يبرى.....
الجدة/الله يبلغنا فيه معرس ان شاءالله ونرقص له ونفرح معه...
ابو محمد/الله يخليك يالغالية....
الجد/المهم دق عليه مو يروح جدة بدون مانشوفه خلنا نشوفه اول....
ابو محمد/لامو رايح غير بكرة الضهر بتشوفه وبتشبع منه لاتخاف.....
يوم ثاني في قطر.....
فيصل دق على جوال نوف ..
طبعا نوف قاعدة عند بنات عمتها هند وخواتها ويوم جت ام الوليد قعدت معهم هي وبناتها....
نوف/هلا والله بالغالي..
فيصل/اقول نوف انا عازمك انتي والبنات اللي معك..
نوف/على شنو؟
فيصل/على غذاء يعني على شنو بيكون في هاالضهر...
نوف/وين؟؟
فيصل/وين يعني في فندق..
نوف/ماهو اسم الفندق....
فيصل/..................انتي شفيك تخبلتي؟؟؟
نوف/لا بس لازم اعرف كل شي مو معقولة اقول لهم انتوا معزومين ولااقول لهم وين؟
فيصل/في فندق رمادا....
نوف/من عيوني ليش لا...متى بتمرنا...
فيصل/متى بتكونون جاهزين؟
نوف/بعد ساعتين...
فيصل/ليش بالله رايحين حفلة!!!
***

يتبع

*يوم ثاني في قطر.....
فيصل دق على جوال نوف ..
طبعا نوف قاعدة عند بنات عمتها هند وخواتها ويوم جت ام الوليد قعدت معهم هي وبناتها....
نوف/هلا والله بالغالي..
فيصل/اقول نوف انا عازمك انتي والبنات اللي معك..
نوف/على شنو؟
فيصل/على غذاء يعني على شنو بيكون في هاالضهر...
نوف/وين؟؟
فيصل/وين يعني في فندق..
نوف/ماهو اسم الفندق....
فيصل/..................انتي شفيك تخبلتي؟؟؟
نوف/لا بس لازم اعرف كل شي مو معقولة اقول لهم انتوا معزومين ولااقول لهم وين؟
فيصل/في فندق رمادا....
نوف/من عيوني ليش لا...متى بتمرنا...
فيصل/متى بتكونون جاهزين؟
نوف/بعد ساعتين...
فيصل/ليش بالله رايحين حفلة!!!
نوف/يااخي انت اول مرة تعزم بنات فلا تقعد تتفلسف لو سمحت انا ابي اعطيك كورسات علشان لو انخطبت وقلت لبنت الناس بمرك وقالت لك تعال بعد ساعتين ماتتازم حالتك النفسية....
فيصل/ممكن تروحين تجهزين بدون هذرة زايدة!
نوف/من عيوني ليش لا.....
هند/انا ماابي اروح؟
نوف/ليش؟؟؟؟
هند/اخوك ثقيل دم ومايحتمل ابدا....
البندري/انا معك في نفس الراي بس ماراح افوت على نفسي اني اتغذى في ها المكان علشان فصيل...
العنود/هو بصراحة متقلب ساعات يجنن وساعات مرعب...
ليالي/استغفر الله فيصل صار يجنن متى؟؟؟؟؟؟
نوف/شوفوا انتي وياها احبكم نعم وغلاكم فوق راسي بعد نعم بس اخوي ماارضى عليه كل وحدة قالت اللي في خاطرها وماراعت شعوري.....
مرح/الله والشعور اقول قوموا بس خلونا نفلس فيصلوه بكرة بيعرس وماراح تشوفون منه ريال واااحد....
الجازي/وانا معك في هذا القرار.....
العنود/وتضامنا مع الشعب ياهند خلنا نروح....
هند/امري للله....
***********************************مرت ساعات الغذى ثقيلة على الكل لان فيصل كان مع تركي والبنات وكلهم مااخذوا راحتهم حتى فيصل نفسه كان وده بس يشوفها وهذا هو سوا اللي في باله وقام يناظرها وهي تاكل وهي تضحك بدون مايلاحظ احد ها الشي.....
وفي اخر الليل كان برنامجهم المعتاد هو البحر....
قعدت على البحر وشالت صندلها ورفعت عبايتها وبنطلونها ودخلت رجلينها في البحر بعد ماابعدت عن الناس اللي حواليها ومسكت جوالها ودقت على وحدة فاهمتها زين وحست بارتياح اول ماسمعت صوتها...
لؤلؤة/مابغينا نسمع صوتكم يااهل قطر!!
نوف/هلا وغلا فيك تدرين انشغالات واسواق...
لؤلؤة/وبعد!!
نوف/.........
لؤلؤةحست ان نوف فيها شي وتبي تتكلم لانها عارفتها وحاسة فيها...
لؤلؤة/وش اللي صاير؟
نوف/مدري حاسة بشي غريب...
لؤلؤة/مثل شنو؟
نوف/...طلال يالؤلؤة..
لؤلؤة لانها عارفة طلال وعارفة انه مووت في نوف وصد نوف له دايما استغربت/طلال؟؟؟
نوف بعد تنهيدة طويلة/أي طلال..
لؤلؤة/شفيه؟؟
نوف/متغير يلؤلؤة تخيلي انه صاير جريْ لافوق الجراْة شوي بعد..
لؤلؤة/جريْ..شمسوي يعني؟
نوف/مدري شقولك يالؤلؤة اقولك عن نظراته لي كل ماجات عيني في عينه لو اقولك عن لمسته اللي مدري هي هي جات بقصد منه لو ماهو قاصدها بس انها احرقت فيني كل الضلوع وشبت فيني النار..لو اقولك انه تجراْ ومسك يدي يالؤلؤة مسكها وسط حيرتي ولبسني اسوارة بعد!!ورفعت يدها تشوف الاسوارة اللي مافارقها دقيقة وحدة من لبسها اياه طلال ...
لؤلؤة/شكلها السالفة كبيرة يانويف وماهي سهلة ابدا...
نوف/اه...يالؤلؤة تعبانة والله العظيم تعبانة ..
لؤلؤة/حاسة فيك ياقلبي بس تاْكدي ان طليل اكيد حارقته النار مثلك ويمكن اكثر...
نوف/عارفة وحاسة فيه من نظراته بس مدري ليش مو عارفة شسوي...
لؤلؤة/خلاص فهمت عليك تبين اكلمه واساْله بطريق غير مباشر...ماشي ياعمي اللحين اكلمه واعطيك خبر يالله ارضي وبلا زعل...
نوف/..بس...يعني شتتوقعين يقول؟
لؤلؤة/بيقول اه ياحبيلها يالؤلؤة انا امووت فيها بس هي ولا هي حاسة ..
نوف/يالله قلبي وجهك باي...وسكرت وهي حاسة بارتياح لانها سمعت صوت لؤلؤة وتكلمت معها وقامت تناظر بصورة طلال وهو متلثم بشماغه الاحمر اللي مخليتها خلفية جوالها...(اه ياطلال..احبك بس مقدر اصرح فيها ياولد عمي..لاتساْلني ليش لاني بقولك ان كل شي في وقته حلو ياحبيبي انت بس اصبر ياطلال وبنعيش حبيبين طول العمر حتى لو خلفنا صبيان وبنات ...وسرحت بافكارها بعيد مع طلال وحياتهم مع بعض وجتها ضيقة ماعرفت لها سبب وهي قاعدة تفكر بطلال...ياترى معقولة ماراح نرتبط انا وطلال!!!!!!لا مستحيل طلال مكتوب لي من الصغر وانا له كيف ماراح نرتبط؟؟؟(ماتدرين وش راح يصير في الايام الجاية يانوف؟؟)
فيصل/مليت ياتركي مليت...ماهي حاسة فيني
تركي/بذمتك انت!!!ليش شنو مسوي لها علشان تبيها تحس فيك ..ماعندك غير الصراخ والهواش تبيها تحس بشنو يافيصل؟
فيصل/انا مااقدر اعبر عن مشاعري وماابيها تعرف عن حبي لها وتقعد تتغلا ووتتثيقل ياتركي...
تركي/انا ابي افهم هي بتحس بشنو اذا وضعكم كذا مع بعضكم!!!
فيصل/.........ابيها اول مانرد الرياض بخطبها..
تركي/اول تقرب منها يافيصل هاذي بزر واذا شافت اسلوبك في التعامل معها كذا ماعمرها راح ترضى ها النوع اهم شي الكلمة الطيبة والمعاملة الحسنة تطيرهم لفوق يافيصل..
فيصال/........غصبا عنها بتكون زوجتي..
تركي/حرام عليك يافيصل الا البنات اذا انخذوا بالقوة يكرهونك ويتغيرون عليك..
فيصل/بتحبني حتى لو بالقوة المهم تحبني
تركي هز راسه بمعنى انك عنيد وراسك يابس ومامنك فايدة..
الجد/خلاص بتروح يامحمد...
محمد/وانا وين رايح ياجدي كلها بكلها جدة تراها مو بعيدة..
الجدة/وكم بتقعد هناك.
محمد/شهرين يالغالية
الجد/أي بس احنا مانصبر عنك يامحمد شهرين باالكامل..
محمد/لا يابو عبد العزيز لاتقول ها الكلام جدة والرياض واحد كل يوم بكلمك وبكرة بيرجعون اهل قطر يسلونك عنا...
الجد/ افا يامحمد انت عارف غلاتك عندي شقد كل اهل قطر مايساوونك..
الجدة/كاْنك مو عارف قدرك يابو عبد الرحمان؟
محمد/انا لو لي قدر كان ملكنا من زمان!!
الجد/ههههههه وانت هذا اللي شاغل بالك يامحمد ها الملكة ..
محمد/الصراحة أي...على الاقل في احد يساْل عني في غيابي..
الجدة/خلاص يامحمد هانت هذا انت بتاْخذها...
الجد/محمد ماابي اوصيك على العنود تراها في عيونك ياولدي ماابيك تضايقها وتقهرها وانت عارف انها تعبانة لا ويتيمة..
محمد/جدي شها الكلام ...عنود في عيوني طبعا ومايحتاج توصيني عليها...
الجد/انا عارف ها الكلام يامحمد وعارف ان ماحد بيسعد العنود مثلك..
محمد/المشكلة الكلام مايفيد اللحين انا رايح جدة الا اذا تبوني اروح قطر واخذها اقول خلاص جدي قال لي اخذك بلا زواج بلا خرابيط...
الجدة/لا عيوني انا ماارضاها لبنيتي تاْخذها بدون مهر وبدون زواج!!!!
الجد/ههههه انا ابي افهم انت شعليه مستعجل يامحمد ها؟؟قلنا لك العنود لك وانت للعنود اصبر كلها شهرين وبتصير معك...
محمد/من قلتها شهرين يعني؟؟؟
الجد/اقول يامحمد ياوليدي ليش في ها الشهرين ماتشتغلون في شقتكم او انك تعطي العنود مهرها تجهز فيه تقصر عليكم المدة بعدين...
هند كانت مع العنود بروحهم رايحين لسيتي سنتر وكانوا فوق في اخر طابق في محل انصار غاليري..
العنود/تعالي نروح عند ذاك الحزام شكله حلو...
هند تمشي مسيرة ورى رغبة العنود لانها مثل نوف ماتلبس الاماركات وها الشي تفرق فيه عن العنود اللي كانت تشتري أي شي يعجبها
العنود/تدرين ان انتي فيك شي؟؟
هند/انا!!!
العنود/..انتي مو ملاحظة انك طول الوقت ياسرحانة يامتضايقة!!
هند/خلينا نطلع من ها المحل ياعنود حاسة نفسي مخنوقة...
العنود/يالله مشينا...وتركت الحزام من يدها وطلعوا من المحل.../تبين نقعد هنا لو..
هند/لا خلنا نروح تحت في قاعة التزلج..وانزلوا تحت وكان المكان شبه فاضي عشانه صباح...
العنود/وهاذي قعدة ياهنودة سولفي وقولي كل اللي في خاطرك..
هند طول عمرها كبرياء حتى وهي متضايقة/ليش مين اللي قال لك ان فيني شي...
العنود/مو علي انا ياهند انا عارفة ان فيك شيْ؟
هند/..............مدري بس حاسة اني متضايقة..
العنود/من شنو؟
هند/انا مو كذا ياالعنود انا ماارمي حالي على مين مااكان
العنود/ مافهمت شنو يعني كذا وشنو يعني مين ماكان؟
هند/اللحين بساْلك هو انا رميت حالي عليه...
بها الكلمة فهمت العنود ان خالد هو المقصود...
العنود/اولا كل اللي بينكم قعدة ماتنحسب بنص ساعة ومكالمتين ومسج!!!وبعدين خالد مين ماكان ياهند!!!
هند سكتت وماردت
العنود/خالد ولد خالي وبيظل ولد خالي وبعدين انا مااشوفه سوى جريمة يتوقف علشانها وينقال له مين ماكان!!!
هند/انا الغبية ليش ارسلت له مسج؟؟؟
العنود/بس وصلنا خير...انتي بعدك زعلانة ليش انك ارسلتيله مسج ومارد عليك!!
هند/وماابيه يرد اصلا!!!
العنود/انتي شفيك رسلتي له مسج انك بتروحين قطر ومارد عليك ولاسلم عليك حتى...ها الشي يضايقك!!!
هند/انا مو متضايقة اصلا!!!
العنود/لايكون بس حبيتيه ياهندوا!!!
هند بعصبية زايدة/الله يخليك ياالعنود بس شحب فيه قالت احبه قالت!!!
لو كانت اللي قاعدة تسمع هند وحدة غير العنود كان فهمت من عصبية هند انها غرقانة في خالد موووت بس العنود على نياتها
العنود/طيب ليش مضايقة حالك؟
هند/ولا شي قلت لك مو متضايقة..
العنود/يمكن ان المسج ماوصل له...او يمكن انه ماحب يضايقك لانه حس انك ثقيلة عليه او علشان خواتك معك طول الوقت وحس انك يمكن تنحرجيناو..
هند/لاتقعدين تبررين له يالعنود ترى مو هامني تطنيشه...
العنود/ليش تقولينها كذا ياعمري اذا مو هامك لاتضايقي نفسك...بقوم اشتري لنا ذرة وباجي على مااجي تكونين روقتي شوي...
وقامت العنود طبعا هم كانوا قاعدين في الجهة الثانية في بداية القاعة واخذت لفة كاملة علشان توصل لان الذرة موجود في الجهة الاولى من نهايتها...
بعد ماقامت العنود بشوي وصل مسج لهند من خالد(اقدر اكلمك)
هند دق قلبها توها تسولف عنه ليش يبي يكلمها ياترى!!!وقررت انها تسفهه وماترد عليه بس وين ياهند خالد ماينتظرموافقة احد يدخل بدون استئذان علطول دق عليها وماكاْنه ينتظر ردها...
هند دق قلبها وقالت ماراح ترد عليه يوم انه دق بس لاشعوريا رفعت السماعة
هند بلهجة جافة جدا ماتدري من يون طلعت/الو..
خالد/مرحبا..
هند/مرحبا..
خالد/كيف الحال..
هند/اكيد طيبة..
خالد ضحك في نفسه/...الحمد لله..
هند/..........شتبي؟
خالد/مشغولة؟؟
هند/نوعا ما....(ليش تكابرين وانتي تبين تسمعين صوته!!)
خالد/اكيد في السوق انتو مايشغلكم الا الاسواق...
هند/لا قاعدة افطر..
خالد/لا..كاْنه متاخر شوي...شها الفطور اللي داخل على الساعة 30/11
هند/................
خالد/كاْني ضايقتك بتصالي...
هند/عادي مو ماْثر فيني...
خالد/عموما انا كنت حاب اسلم عليك لاني رايح المدينة...
هند/دعواتك لنا عند النبي..
خالد/ان شاء الله.....وغيره...
هند/شكرا..
خالد/ماساْلتيني كم بقعد هناك..
هند/مايهمني اعرف....
خالد عصب من كلمتها/طيب باي.....
****نروح لعند العنود اللي بعد ماقالت للهندي تبي كاسين ذرة مشت شوي في المدرجات على مايجهزهم ورجعت بعدين...
العنود/خلص صديق الذرة..
الهندي مد لها الكيس وفيه كاسين...
وفتحت محفظتها بتطلع له فلوس..
الهندي/خلاص ماما هذا باب في يجيب فولس..
العنود/باب...اي باب!!!ولفت وراها مكان اللي كان ياشر عليه الهندي...ولقت الوسامة والرجولة واقفة قبالها بالقميص الاحمر والبنطلون الجينز الازرق الفاتح...
العنود بدهشة/فيصل!!!
فيصل/مرة ثانية لاعاد اشوفك تطلعين بروحك في ها المجمعات لااذبحك...
العنود/أي بس انا مو بروحي معي هند ونوف ومرح والجازي ووحيد ومشعل وطلال..
فيصل/الله اكبر...كلهم مايهموني!!!
العنود/حرام عليك...الا فيصل انت ماتنام؟
فيصل/ليش تسالين؟
العنود بعفوية رفعت يدها وحطتها تحت عيون فيصل/شوف عيونك تعبانة من كثر السهر.....
مادرت انها بلمستها خلت فيصل يشب بنيرانه بدون ماتقصد انها تسوي ها الشي ..فيصل رفع يده ليدها ومسكها وقربها منه اكثر وسط دهشة الهندي(فيلم هندي في قطرههه)
فيصل/......
العنود حست انها مرتبكة وانها ما المفروض تسوي ها الحركة بس واله انها كانت عفوية مو بقصدها وخافت من ردة فعل فيصل لانها حست انه بيذبحها لامحالة...
العنود بدلع وبراْة مو طبيعين/بابا فيصل انا اسفة...
كان ودها اذا قالت له باب مايعصب عليها مادرت انها فجرت فيه باقي البراكين اللي ماانفجرت....
فيصل ماتحمل تقرب منها اكثر واكثر لدرجة ان الكيس اللي في يدها طاح وانفتحوا الكاسات وانتثر الذرة على الارض بالكامل....
فيصل/تعرفين انك...
العنود قاطعته بخوف/صدقني مو قصدي لاتفهمني غلط ارجوك!!
فيصل/انا...
العنود/فيصل صدقني انا مااقصد اني المسك والله ارجوك لاتفهمني غلط...
فيصل بهدوء/انا ماقلت لك شي...
العنود ماهي مرتاحة لهدوء فيصل لانها عارفة انه متقلب ومزاجي/ممكن امشي هند تنتظرني ومشت بدون ماتسمع رده بس وين تتحرك ويدها كانت في يده وهو ماسكها بقوة...
العنود ابتسمت لفيصل/اترك يدي بمشي خلاص تعادلنا انا لمستك بدون قصد وهذا انت مسكت يدي بدون قصد....
نوف بعدت عن البنات وراحت لماركس سبنسر واختارت قطعتين الاولى ثوب ذهبي بخيوط يوصل لحد الركبة في وسطه شريط ستاني بلون اغمق والثانية كانت بعد فستان اسود فيه ورود اورنج طويل مزموم عند الصدر واتصلت لطلال...
طلال/هلا والله..
نوف/هلا فيك...ممكن تجي شوي..
طلال/اكيد وينك فيه؟
نوف/في الدور الاول في ماركس سبنسر..
طلال/يالله جايك..
سكرت نوف منه وعدلت لثامها وبخت عليها بختين من عطرها المميز ستيلا...
وطبعا طلال ماصدق خبر يوم ان الاميرة ست الحسن والجمال قالت له تعال راح لها ركيض....
وبعد دقايق دق لها....
طلال/هلا انا في نفس المحل انتي وين؟
نوف/تعال على يدك اليسار من تدخل البوابة ,,
طلال قام يمشي وهو يكلمها لين شافها...
نوف مدت له الثوبين..وهو اخذهم,,,
نوف/اختار اللي يعجبك فيهم..
طلال/ليش؟؟
نوف/انت مو قلت لي اختار للؤلؤة هدية!!
طلال/أي..صحيح..على بالي شي ثاني..
نوف/شي مثل شنو يعني؟
طلال/لا مااقصد...ورفع الثوبين
طلال/اقول نوف..
نوف/قول..
طلال/احسهم بيطلعون عليك احلى...من لو لبستهم لؤلؤة..
نوف بحزم/طلال..
طلال/لبيه..
نوف/انت مو ملاحظ انك متجاوز حدودك معي ها اليومين؟
طلال/ومزعلك ها الشي؟
نوف/طبعا يضايقني..
طلال/خلاص انا اسف وحقك علي...
نوف غيرت الموضوع لان قلبها متشوفق على طلال ماتحب تشوفه مكسور كذا بس لازم تثقل عليه وهي بنت ابوها..
نوف/اللحين شنو بتختار؟
طلال/أي اكثر واحد عاجبك فيهم؟
نوف/لو ماعجبوني مااخترتهم ليش انت شايف انهم مو حلوين؟
طلال/لا انا مو قصدي كذا لاتفهميني غلطززانا كل قصدي اقول شنو اللي بيناسب لؤلؤة اكثر..
تمنى في نفسه انها تقول الاسود لانه يبي ياخذ لها الذهبي علشانها قصير ومفتوح اكثر..
نوف/الذهبي بيطلع يجنن عليها..
طلال/وعليك؟؟
نوف ناظرته بحدة بس حست برعشة من عيون طلال اللي كانت معلقة فيها...
نوف/انت ماتحس انك مزودنها ياطلال!!!!
طلال قام يناظر فيها برغبة بدون مايتكلم وهي ماتت من الخوف من نظراته(طلال شفيك حبيبي ليش منقلب مية وعشرين درجة لاتعذبني الله يخليك)
نوف قربت منه واخذت الثوب الاسود ومسك يدها اول مامسكت الثوب...
رفعت عيونها في عيونه...
طلال/شتبين فيه؟
نوف/انت مو اخترت الثاني؟
طلال/واذا اخترت؟
نوف/خلاص هذا جيبه..
طلال/بترجعينه؟
نوف/لا باخذه لي..
طلال سحبه من عندها وضمه لصدره وكاْنه يضمها
طلال/ان شاءالله تبين شي ثاني...
نوف/طلال رده...
مشى عنها للكاشير بدون مايرد عليها وهي متضايقة كيف يحقرها ويمشي بس في نفس الوقت مبسوطة من عناده لها وحاسة بنعنشة في حياتها...

يتبع

السبت يوليو 30, 2011 10:15 am

خلاص يابنات لازم نودع اجواء قطر
ليالي/متى بنمشي...ش
البندري/والله اعلم بعد الغذاء يعني على الساعة ثلاث....
هند/تدرون مالي خلق ارجع البيت
العنود فهمت عليها
العنود/خلاص رجعي معي بيتنا
هند/وش فرقت بيتنا عن بيتكم الرياض وحدة!!!
نوف/ترى محنا فاهمين فهمونا الله يخليكم لاتتكلمون بالالغاز؟؟
هند/ولا الغاز ولاشي بنرجع للعمل والقرف والبنك وها السوالف بس...
نوف/ماهي ماشية علي بس يالله بعديها..
هند/لاوالله!!!
نوف/الصدق الصدق هندوا مافي واحد باالقلب!!!
الله ياخذك يانوف هذا وقت تساليني فيه ها السوالف وتحطين على الجرح ملح!!!!
هند بثقة وكبرياء مايفارقونها لو شنو يصير/أي حب أي خرابيط انتي بعد!!!!
مرح/كاهي عنودوه مسكت بمحمد شمعنى انتي ماعندك؟؟؟
هند/غصب السالفة!!!!
نوف/لاماهي غصب بس قلنا يمكن فيه وانتي مخبية الموضوع....
هند/ليش انتوا يخفى عليكم شي في العالم؟؟
الجازي/الصراحة لا....
ليالي/اللحين في مكان في قطر ظل مارحنا له؟؟
نوف/مااتوقع ابدا لفيناها لف...
ليالي/الحمد لله طمنتيني الله يطمنك...
العنود/الحمد لله والشكر عليكم...
طلال/يابنات...
هند/تعال طلال مافي احد غريب...
العنود/بس نوفوا غريبة...
البنات كلهم/ههههههههههههه
نوف/وجعة توجعكم جميع..
البندري/مثل ماتسوين فينا لازم يجيلك يوم وتاكلين من ها المقالب....
دخل طلال..
طلال/خلصتوا ضبيتوا اغراضكم؟
البندري/نص ونص..
طلال/وش تنتظرون بعد!!!
هند/ليش متى بيمشون؟
طلال/اللحين كلهم جهزوا....
نوف/اف ليش غيروا هم قالوا بعد الغذاء بيمشون!!
طلال/يبون يلحقون على خالد ومحمد قبل لايمشون...
العنود كانت عارفة عن سفر خالد من هند امس بس محمد لا...
العنود/أي محمد!!!
طلال/محمد ولد عمي..
العنود/ليش شفيه؟
طلال/بيروح جدة الليلة عنده دورة عمل هناك....
هني العنود تحسست جيبها وتاْكدت ان جوالها مو عندها ..اي كذا تصير السالفة صح يعني محمد مو معقولة يسافر بدون مايعطيها خبر بس وين بيكون جوالها!!!!
وصلوا قطر على الساعة خمس ونص العصر وكلهم راحوا بيت العامري الكبير علشان يلحقون على خالد ومحمد اللي ماكان باقي لهم غير ساعتين ويمشون ماعدا تركي اللي راح مع اهله ومعهم فيصل اللي ماكان يهمه ابدا انه يسلم عليهم...
الجد/حمد الله على سلامتكم..
نوف/ترى والله ان لولا حمود وخلود ماردينا ولارضيت انا في الاساس ان احنا نرجع!!!
الجدة/تكلمي عدل وتسنعي يابنت عبد العزيز قالت حمود وخلود اصغر عيالك!!!!
نوف/شفيك جدتي انا ادلعهم ليس الا....
لؤلؤة/هاااااااااااااااااااااااااااااااااااااااااي وحشتوني بقوة..
نوف ومرح والجازي طيران/اهلين فيك والله الرحلة ماكانت حلوة بدونك..
هند/خذ لك من النفاق اللحين اللي يسمعهم يقول ماطلعوا ولاتسوقوا ابدا.!!!
ام محمد/هههههه ماتعرفينهم بعد هاذي سوالفهم...
العنود تهمس لهند/ابي اشوفه بروحنا يصير..
هند/عن قلة الادب والمصاخة شنو يعني تشوفينا بروحكم!!!!
العنود/عادي شفيها يعني.....بسلم عليه وبس....
وفي نفس الوقت في الحديقة..
محمد/تكفين يابعد طوايفي بس بقول لها شي وبكون شاكر لك طول العمر....
وضحى/يااخي لاتحرجني وتحرج نفسك وتحرج البنت معنا...
محمد/لاتقولين بعدين شنو جبت لي هدية من جدة؟؟؟؟
وضحى/جاري التفكير....
محمد/ولاتقولين في عرسي تبين تكشخين وثوب وحركات وترقصين ترى اسمك بيكون في القائمة السوداء!!!
وضحى/جرت الموافقة..خلك هنا وبشوف وش يصير معي..
محمد/عفية عليك ..اي هاذي الخوات ولا بلاش...
وضحى دخلت المجلس وقعدت جنب العنود وهند...
وضحى/احم احم...
هند/سلمنا عليك قبل شوي مانسينا!!!
وضحى/أي عارفة بس انا جاية علشان موضوع ثاني...
هند/الا وهو...
وضحى ناظرت باالعنود....
وضحى/محمد يبي يسلم عليك بره...
العنود ناظرت بهند وهند لفت وجها عنها بمعنى سوي اللي يعجبك انا مالي شغل..
العنود/وينه فيه؟
وضحى/عند الملحق واقف...
العنود/...............
وضحى/شقوله أي لو لا؟
العنود /قومي يالله...
وضحى/ياسلام كاْنك تبينها من الله...
العنود بنفخة ماتناسبها اصلا/اقول لمي نفسك ترى انا زوجة اخوك لابكرة اطلع عيونك..
وضحى/ههههه أي صدقتك عاد....
وطلعوا بره عند الملحق وماكان احد هناك غير محمد اللي قاعد على الكراسي الخشبية عند البابا وابتسم يوم شافها ووقف
محمد/خلاص شاكرين لجهودك العظيمة...
وضحى/حلفت اكمل معكم المشوار...
محمد/اقول قلبي مدام النفس عليك راضية...
العنود كانت تناظر بالارض وجت عيونها على الجزمة اللي عطتها محمد في عيد ميلاده من ال دو...وابتسمت يعني عجبته لو ماعجبته مالبسها(ماتدري ان ماشالها حتى النوم ينام فيها هههههه)
محمد/وين رحتي؟؟؟
رفعت راسها وانتبهت انه يكلمها وان وضحى مشت..
العنود/...........
محمد/هذا تغلي ولا زعل ولاشنو بالضبط؟
العنود/ترى لسه ماادري وين راميته فيه فلا تظلمني...
محمد ابتسم لها/انا مو ظالمك بس قلبي مقبوض عليك لارديتي على اتصال ولا على مسج خفت عليك خفت يكون صاير لك شي؟
العنود/بجد تخاف علي....
محمد/كنت اخاف عليك مرة صرت بعد ذيك الليلة في الشرقية اخاف عليك مية مرة...
العنود ارتفعت حرارتها من طرى الشرقية بعد ماتذكرت اللي صار فيها...
محمد/تحبيني؟
العنود هزت راسها بدون ماتتكلم...
محمد/ابي اسمعها؟
العنود اسكتت ومانطقت..
محمد تنهد/ليش تبي تحرمني منها وانا ببعد عنك شهرين...
العنود/محمد ...
محمد/ياقلب محمد انت..
العنود/ليش رحت قبل لانملك!!
محمد تنهد بقوة اكبر من اللي فاتت/نصيب ياحياتي نصيب شسوي....
العنود/صايرين ناْجل واااجد ولاانت مو ملاحظ...
محمد/اول مانرجع بنتزوج علطول وبنسافر واذا رجعنا بنشتغل في شقتنا على راحتنا...
العنود ابتسمت له/صحيح...
محمد/مافي غير ها الحل..الا اذا كانوا يموتوني؟
العنود/اسم الله عليك لاتقول ها الكلام ....
محمد تقرب منها ومسك يدها وهي تتلفت يمين وشمال..
محمد/بتشتاقين لي ياحياتي؟
العنود/اكيد..
محمد/قوليها بصوت عالي علشان اسمعها....
العنود/تروح وتجي بالسلامة......وحاولت تسحب يدها منه بس محمد ماعطاها مجال سحبها بقوة اكثر..
محمد/ليش تبين تهربين مني؟
العنود/محمد لايجي احد ويشوفنا انا خايفة...
محمد/كيف تخافين وانا معك...
العنود/خلاص روح لاتتاْخر...
محمد/ومافي بوسة وداع!!
العنود/لاطبعا!!!!!!!
محمد/بس انا ودي....
العنود/حمود روح خلاص...
محمد/بتنازل علشان حمود هاذي بس......طيب كيف اكلمك اللحين اتطمن عليك..؟
العنود/الليلة بكون مع هند دق على جوالها
محمد/ماعندي رقمها..
العنود/خلاص انا بدق لك منه واول مااشوف جوالي بعطيك خبر....
محمد/..............
العنود/طمني اول ماتوصل..
محمد/وغيره؟
العنود/كل زين ونام زين....
محمد/فديتك انا ياحنون....
العنود/.................
محمد تقرب منها/لاتمنعني الله يخليك.................................(تم تشفير المقطع )

كان الكل موجود في المجلس استعدادا للسلام على خالد ومحمد بس طلال اللي كان في السيارة عشان هو اللي بيوصلهم المطار,,,,,
خالد سلم عليهم كلهم ووصل عند عمته ام وحيد وهند كانت جنبه....والتقت عيونهم في بعض وهاذي اول مرة يشوفها متحجبة بدون نقاب ولاشي يغطي وجها وهي لفت عيونها عنه ماكانت تبي تشوفها وقاعدة تكابر على نفسها....
ام وحيد/تروح وترد بالسلامة ان شاءالله
خالد/توصيني على شي ياعمتي؟
ام وحيد/ابيك تروح للنبي وتصليلي ركعتين عنده..
خالد/ماطلبتي شي.....تبين شي ياهند....
ماتدري ليش كان اسمها بارد يوم انه قاله!!!!
هند بدون ماتلف عليه/سلامتك......تروح وتجي بالسلامة....
خالد/الله يسلمك.....
ماتدري ليش حست بالخنقة في صدرها وشلون نزلت منها ها الدمعة وليش!!! ياويل حالي خالد يناظرني اكيد بيفكر اني قاعدة ابكي من فراقه!!!!
مسحت دمعتها بكبرياء وكاْنها شي مضايقها وحاولت تكون طبيعية لين طلع خالد من المجلس.............
اما محمد قبل لايطلع كانوا واقفين قباله جده وعمه ابوفيصل وابوه...
محمد/العنود امانة عندكم لاحد يزعلها ولايضايقها...
ابو فيصل/بنصون امانتك لين ترد بالسلامة وتاخذها ترى ماحد يامحمد بيكون كفو للعنود غيرك ..شد حيلك ورد بالسلامة علشان تاخذها وتسعدها...
محمد/........
الجد/لاتشغل بالك فيها كلنا حواليها وبنخاف عليها مثلك يعني مو مثلك بس بنحاول نكون مثلك انت روح ورد بتلاقيها تنتظرك....
محمد طمنه كلامهم وطلع من المجلس وهو مرتاح صحيح ان فراق العنود صعب بس هانت بيرجع وبياخذها وش احلى من هذا......
يوم ثاني في بيت ابو فيصل......
نوف/بكرة انا عندي عزومة..
سلطان/خير ان شاءالله بمناسبة جيتك بالسلامة من قطر!!!!
نوف/مابرد عليك لانك سخيف اصلا!!!!!
ام فيصل/نوف تكلمي بااْدب....
نوف/بابا...خلصني عطني فلوس....
ابو فيصل/انتي ماتشبعين من الفلوس!!
نوف/اسمع هذا بعد..اقولك بكرة عندي عزومة...
ابو فيصل/وش عزومته بعد يابنيتي؟
نوف/انت ناسي ان عيد ميلادي كان قبل اسبوع بس انا اجلته علشان جيت فيصل واللحين مقدر ااْجله اكثر...
ابو فيصل/لا اذا كذا سوي اللي تبينه..
نوف/عارفة اني بسوي اللي ابيه بس انت عطني من مال الله....
ابو فيصل/كم تبين؟
نوف/خمسة الاف...
ام فيصل/حشى شبتسوين فيهم انتي!!!!!
نوف/يمه شفيك بسوي بوفيه وحركات يادوب انا مسويتها فملي بس!!!!!
سلطان/والله حركات سخيفة واعياد ميلاد!!!!
فيصل/وكم عدد الضيوف اللي بيحضرون؟
نوف/بنات عمي وبنات عمتي وبس!!!
ام فيصل/وبنات خالتك وبنات خالك؟
نوف/بعزم ريهام وامل علشانك بس الباقي مستحيل يفشلوني بصراحة....
فيصل/واحنا معزومين ولالا؟
نوف/هو بصراحة اللي راح يجيب هدية بيدخل واللي ماراح يجيب ماله مكان في حفلتي..سمعت يابو فيصل!!!
ام فيصل/شوف الناكرة!!!
نوف/يمه شفيك علي انا قصدي مايعطيني مبلغ مثل كل سنة ابي شي من ذوقه واختياره...
ابوفيصل/أي بس انا يابنيتي مااعرف اشتري شي يلوق فيك انا ذوقي وين وانتي ذوقك وين؟
نوف/عادي انا ابي اشوف ذوقك هذا لو مرة وحدة في حياتي...
فيصل/سعود وينه؟
ام فيصل/طلع مع مرته الصبح تبي شي؟
فيصل/لا بس في كم شغلة ابي اشوفه خلصها لو لسه..
ابو فيصل/انت خلصت اوراقك في المستشفى؟
فيصل/السبت الجاي استلم الشغل...
ام فيصل/الله يوفقك ان شاءالله ويسعدك ويرزقك بنت الحلال اللي تصونك....
نوف/أي شعليه وانا ماحد لي...
ابو فيصل/انتي مايحتاج طلال ماباقي عليه غير شهرين ويترسم خلصي جامعتك علشان يجي ياخذك ...
نوف/...............................
فيصل/شنو تخصصه؟
ابو فيصل/طب اسنان....
فيصل/وين بيشتغل؟
ابو فيصل/والله مدري ياولدي...
فيصل/يعني ف5ي الرياض لو في مكان ثاني...
ام فيصل/لا في الرياض امه قالت في الرياض...
نوف كانت ساكتة لانها بالعادة اذا جت سيرة طلال تسكت علشان ماتحرج نفسها بس هاالمرة كانت تناظر بالاسوارة اللي في يدها.....
سعود/السلام عليكم.........
///وعليكم السلام والرحمة//
نوف/وين كنت؟
سلطان/ياشين اللقافة وانتي شعليك؟
نوف/انت ماحد كلمك؟
فيصل حس ان السالفة كبيرة بين سلطان ونوف وقال لازم يسالها عن الخلاف اللي بينهم.....
سعود/والله يقولون عندي اخت عيد ميلادها بكرة قلت لازم اروح اشتري لها هدية من اللحين...
نوف/ياااااااااااي يابعد عمري انت تصدق انك تسوى طوايف العامري كلهم ..الا وينها الهدية ابي اشوفها!!!
سعود/لامايصير بكرة مع الهدايا بتفتحينها..
نوف/سعود تكفى الله يخليلك عيالك....
سعود/الله يخليهم ان شاءالله...انا عارفك اللحين بتفتحينها وبتاخذينها وبكرة بتسوين حركة نذالة وبتقولين مااخذتي شي.....
نوف/ههههههههه لاالله يخليك وعد ماراح اسويها بس تحمست اعرف شنو شريت لي....
ام فيصل/ماتفرق من اليوم لبكرة بكرة اذا شفتينها بتكون احلى بعد,,
نوف/لامااقدر في حاجة داخلي بتنفجر اذا ماشفتها اللحين!!
سعود/مستحيل يابابا....
ابو فيصل/الا وين باسل؟
سعود/راح مع امه بيتغذون في بيت صاحبتها اليوم....
نوف/الا صدق لايكون بس الهدية مشتركة انت وزوجتك فيها؟
سعود/لا مشتركة انا وولدي فيها زوجتي هديتها بروحها.....
نوف/أي الحمد لله طمنتني...
فيصل/مريت على الوكالة علشان السيارة؟
سعود/خلاص على الاثنين بتوصل...
نوف/سيارة لك يافيصل...
فيصل/ليش انتي شايفة انها بتكون لمنو؟
نوف/اكشخ وش بتاخذ لك؟
فيصل/ليش انتي عندك اقتراحات ؟
نوف/خلوني اروح الوكالة واعطيكم راي؟
فيصل/هذاا اللي قاصر بعد حريم يدخلون الوكالة!!!!!
نوف/بسم الله علي وعلى عمري ....فيصل ممكن سؤال شخصي وماتزعل منه
فيصل/قولي..
نوف/هل انت متطرف دينيا نوعا ما!!!!
فيصل/بالله!!!
نوف/مدري بس مااحسك جاي من بلد انفتاح ووناسة كل شي حرام كله ممنوع!!!حتى ذاك اليوم العنود تقول لي وناسة تطلعين مع فيصل والوجه مفتوح قلت لها فيصل راد من كازاخستان مو من امريكا!!!!!
فيصل سمع اسم العنود وتذكرها وهي بدون شيلة على راسها يوم ماكانت تتزلج...ولايوم انها قربت منه في اخر يوم وتضايق حييييل من سمع بطاريها كان يحاول يبعدها عن تفكيره بس هيهات هيهات انها تبعد واللي زاد الطين بلة دخلت الشغالة عليهم تقول لنوف ان العنود على التلفون.....
نوف/الو......اهلين فيك...شخبارك......وصلت الامانة.....تدرين اني كنت بسوي فيك حركة نذالة وبفتح رسايلك وماالى ذلك بس تاْدبت اخر شي وقلت حرام يصير في ذمتي.........حبيبتي انا عندي تغليف الهدية اهم من الهدية نفسها وبلاعجز علينا يالسودانية كله تعبانة ومتكسرة.......ياسلام.....مشكورة حبيبتي ماتقصرين.......انتظركم إذا بفارغ الصبر....لاموعشان وجوهكم علشان الهدايا طبعا..هههههه يالله باي......
فيصل/هاذي عنود بنت عمتي؟
نوف/أي..
فيصل/شتبي؟
نوف/لا بس كانت ناسية جوالها عندي من قطر وانا ماانتبهت عليه الا الصباح وطرشته مع السايق لها...وساْلتني اذا كنت ابي شي او مساعدة حق بكرة وبس....
فيصل في نفسه(الله ياْخذك يانويف يعني جوالها عندك وانتي ساكتة كان اللحين شفنا تكلم منو ومنو اللي يراسلها ....بس شقول انا عن تخلفك!!!!)
هند/...............
العنود/بعدكم زعلانين؟
هند/لاعادي...
العنود/انا ابي افهم شي واحد انتي ليش تكابرين؟
هند/خالد مايهمني علشان اكابر..
العنود/وليش مقفلة جوالك؟؟؟
هند/وانتي ليش حاطة في بالك انه بيتصل؟؟
العنود/ليش انتي ماتتوقعين انه يتصل فيك يطمنك اول مايستقر!!!
هند/خالد ممو مثل محمد ياالعنود...
العنود/بلى خالد قلبه شفاف اكثر من محمد بس انتي مو عاطيته مجال يبين هاالشي..
هند/انتي متى تبيني اعطيه مجال بالله!!!!انا مالحقت اعطيه مسج شاف نفسه علي وطنشني!!!!
العنود/يمكن انه ماطنشك!!انتي ليش ماسالتيه؟
هند/قلت لك مااب اساْله خلاص سكري على الموضوع ولاتقلبين علي المواجع...
العنود/قومي ياله نغلف هدية نويف مالنا فيها بنت ابو فيصل...
طلال/لؤلؤة لاتستحمرين علي..
لؤلؤة/شسوي لك بعد ماني عارفة شتبي؟
طلال/ابي شي مميز يليق فيها..
لؤلؤة/مثل شنو يعني؟
طلال/وانا ليش جايبك معي اذا بتساليني؟
لؤلؤة/تبي نروح قزاز ناخذ لها عطر..
طلال/لا مااحسه حلو..
لؤلؤة/طيب ثوب....
طلال/بعد لا...
لؤلؤة/والله انك حيرتني ياولد امي وابوي....طيب شرايك اساْلها؟
طلال/فكرة كويسة بس تخلينه سبيكر...
لؤلؤة/ماشي ياعم هي يامه سوت فيني مقالب خلها تذوق شوي وتتفشل..ورفعت جوالها ودقت على نوف
نوف بصراخ/اهلين..
لؤلؤة/عسى ماشر...
نوف/ماشر بس حاطته سبيكر قاعدة (......)
لؤلؤة/اممم تمام وبعد..
نوف/والله ماشية الامور لؤلؤة ليش ماتجين تنامين عندي اللليلة؟
لؤلؤة/مستحيل طبعا وانتي عارفة الاسباب مسبقا المهم قبل لاتفتحين لي اذاعتك شتبين هدية مميزة تجيك؟
نوف/غريبة ماهي عوايدك تساْليني شصاير؟
لؤلؤة/الصراحة الصراحة مو انا اللي اسْل..
نوف/لاتقولين لي طلال!!!!
لؤلؤة/وليش مستغربة يعني؟
نوف/انتي اللي قايلة له عن عيد الميلاد!!!
لؤلؤة/ليش اخوي مو معزوم؟
نوف/لؤلؤابذبحك صدقيني ليش تقولين له؟
لؤلؤة/انتي اصلا حتى البحرين يدرون عن عيد ميلادك ابوك مو مقصر يمشي ويقول بكرة عيد ميلاد نوف وطاردتني انا واخوانها من البيت تبي تاخذ راحتها..
نوف/الله ياخذه ها الابو بعد اذاعة!!!
لؤلؤة/هههه المهم شقول لااخوي...
نوف/قولي له يشد حيله تراني انتظره وهديته اوصلت في قطر....
لؤلؤة بلقافة وطلال مايبيها تساْل قاعد يدذها/أي هدية!!!!
نوف/أي هدية....تدرين من كثر مافاجاني هناك محتارة اختار أي وحدة فيهم واقول انها هديتي...
لؤلؤة/شكلي بغير راي وباجي انام عندك الليلة البارحة ماعرفت اسولف على راحتي...
نوف/الا صدق عطاك الثوب!!
لؤلؤة/أي عطاني اياه ومفكرة البسه بكرة..
نوف/حلو انا بلبس الاسود اجل...
لؤلؤة/أي اسود؟
نوف/اذا جيتي كملت لك باقي السوالف....
لؤلؤة/بشاور امي واذا رضت بعطيك خبر..ماشي ياحلو..
نوف/واذا مارضت عطيني خبر علشان اقنعها...
لؤلؤة/طيب باي.....
بعد ماسكرت من عند نوف لفت على طلال العاشق الولهان/أي خبرنا عن سوالفك في قطر...
طلال/تحفظين كلامها كلمة كلمة وانفعالتها بعد سامعتني؟
لؤلؤة/لاوالله!!!ماني قايلة لك الا اذا انت قلت لي..وحدة بوحدة!!!
طلال/عيب انا رجال مااتكلم في ها السوالف...
لؤلؤة/ماراح تتكلم ماراح اتكلم ويالله نشوف..
طلال/اللحين ماقلتيلي شنو اشتري هدية..
لؤلؤة/لاتضيع الموضوع ياطليل!!!وبعدين انت ماسمعت هديتك اوصلت من قطر!!!شنو اخذت لها اخوي علمني الله يخليك..
طلال/تدرين شلون خلنا نروح داماس...
لؤلؤة/وبتشتري لها مجموعة فرفشة لعمري انا...
طلال/وانتي شيخصك!!!
لؤلؤة/أي بس انا اختك مافكرت تشتريلي؟؟
طلال/اختي بعيدة بس زوجة المستقبل اقرب صح ولا لا!!!

يتبع

في اليوم الثاني بدوا البنات يتجمعون في بيت ابو فيصل من العصر.....
واول من وصل بنات ام وليد وام وحيد...وبعدهم وصلوا بنات خالتها ام تركي ومعهم نانسي اللي نوف ماعزمتها وطبعا كانوا هناك وصال ولطيفة.....
هند/طبعا البيت امن ناخذ راحتنا....
لطيفة/لااخذي راحتك مرتين مافي احد هنا....
العنود/حلومعناته انا بركب فوق وباخذ راحتي وبنقلب ملكة جمال وبعدين بجيكم..
وصال/اخوي مو هنا مايحتاج تصيرين ملكة جمال..
ههههههههههههههه
ليالي/والله بنت خالتي ملكة جمال من يوم يومها مو عشان اخوك بس...
العنود/اقول دفاعك عني يشرفني بس ترى انا ماارضى على زوج المستقبل..
لطيفة/ياعيني ياعيني وينك ياحمود تجي تسمع..
هند/لاتطرينه ترى عادي تلاقينه اللحين بالنص...
وصال/هههه حرام عليك ياهندوا ليش حاملة على اخوي ها الثقل!!!
العنود/يقو لك غيرانه منه ليس الا!!!وغمزت لهند بعيونها وركبت فوق......
كانوا البنات قاعدين بالمجلس الارضي وهي طلعت للحمامات اللي عند الحديقة من فوق...
شالت عبايتها وشيلتها كانت لابسة تنورة جينز سودة مكسرة قصيرة لفوق الركبة مع بلوزة برقبة وبدون اكمام حشيشية وفي خصرها حزام فضي قلوب وصندل فضي طلعت العطر وتعطرت وحطت لها كحل وماانتبهت لفيصل اللي كان واقف وراها يتاملها....
كان وده يكمل يشوفها بس خاف انها هي تلاحطظ هالشي فاابتعد شوي وبعدين حمحم...
فيصل/احم احم..في احد هنا..
العنود بربكة/ياويل حالي انا هذا من وين طلع....
فيصل/يانوف....
العنود/لحظة فيصل لحظة....
فيصل في باله(اخذي العمر كله مو بس لحظة)
البست عبايتها على السريع مع شيلتها وراحت لعند فيصل اللي كان لابس بنطلون اسودوقميص احمر وصاير شي.....
العنود/هلا فيصل....
فيصل/هلا عنود....
العنود/قالوا لنا البيت امان وخذوا راحتكم...
فيصل/معليش السموحة بس انا نسيت شي ورجعت اخذه..
العنود/لا عادي امزح معك..كلهم تحت ادخل بيتكم مافي احد..(كان المجلس مفصول عن البيت وفيصل متعمد يجي علشان يشوفها وحظه قوي وشافها)
فيصل/وانتي ليش راكبة هنا في داخل حمامات؟
العنود/لاقلت باخذ راحتي بدون ازعاج....
فيصل/............
العنود/.............
فيصل/.............
العنود/فيصل..
فيصل بنعومة غريبة مانتبهت لها العنود وحمد ربه انه عدت بدون ماتاخذ بالها/نعم....
العنود/ودي...
فيصل/ودك بشنو؟
العنود/عادي اقول ماتزعل!
فيصل/قولي عادي ماازعل ..
العنود/ودي اشوف عليك ثوب ومشمغ...
فيصل/بس هذا اللي ودك فيه!!
العنود/أي بابا بس هذا اللي ودي فيه....
رجعت تقول له بابا وتفجر فيه باقي البراكيد الخامدة..
فيصل بتنهيدة/ومتى تبيني البس لك واشمغ!!!
العنود/في اقرب فرصة.....
فيصل/صار يوم اللي البس امرك الدوام ..
العنود/هههههه طيب ماشي بس مو تنسى....يالله باي....ومشت عنه وهو محترق بناره...هي معقولة ماهي حاسة فيه!!!!!ولاتكون حاسة بس ماهي راضية تتجاوب معي!!!والله راح تخبلني ها البزر وكل كلمة والثانية قالت لي بابا...ياقلبي منك يالعنود!!!!!!
نوف البست الثوب الاسود اللي كانت مختارته للؤلؤة من ماركس سبنسر وحطت لها كحلة وروج اورنج وارفعت شعرها من فوق وتركت الباقي وقصت لها غرة من قدام والبست لها سلسلة سودة مع سوار طلال وطلعت رهيبة بجد...
دقت عليها لؤلؤة
نوف/اهلين تعرفين انك الوحيدة اللي متاْخرة ؟
لؤلؤة/لا كلهم وصلوا؟
نوف/طبعا..
لؤلؤة/وضحوا حمارةقلت لها تنتظرني بس ماسمعت الكلام....
نوف/المهم مصيفة انتي....
لؤلؤة/الصراحة انا واقفة بره بس ابيك تجيني بروحك....
نوف فهمت ان طلال معها وابتسمت شعليه هو يبي يشوفني خله يشوفني انا مدري عنه بيكون موجود!!
نوف/طيب جاية باي.....
وطلعت لهم فوق وكان واقفين لؤلؤة وطلال جنب بعض...
نوف على اساس انها ماتدري ان طلال بيكون موجود وهو الحافظ الله عيونه على الباب
طلعت وصارت عيونها بعيون طلال وسرى فيها ذاك الاحساس من جديد..ووقفت ورى الباب..
نوف/هلا طلال..
طلال/شلونك نوف..
نوف/بخير الله يسلمك...
لؤلؤة راحت لعند نوف وعطتها عبايتها ونزلت علشان تخليهم على راحتهم..(طبعا وصايا طلال)
نوف لبست العباية وتلثمت وطلعت له..
طلال مد لها يده وكانت فيها بوكيه ورد احمر على شكل قلب يجنن وداخله في النص صندوق...
طلال/كل عام وانتي بخير..
نوف/شكرا طلال مااقدر اخذها.
.طلال/ليش؟؟؟
نوف/........
طلال/نوف لاتزعليني منك..هذا وانا اللي طامع بكرمك اليوم..
نوف/ليش شتبي؟
طلال/مقدر اقولك وانتي مو راضية تقبلين هديتي؟
نوف/بس ياطلال....
طلال حطها بحضنها وسط اعتراضها/ان شاءالله تعجبك....
نوف/شكرا...شتبي؟
طلال/ابي اكلمك الليلة في التلفون!!!!
نوف/ليش؟
طلال/مو الليلة عيد ميلادك والمفروض تكونين كريمة مع الكل!!انا طمعان بكرمك لليلة وحدة بس ابي اسمع فيها صوتك ..الله يخليك لاتقولين لا...
نوف سكتت بدون ماترد عليه..
طلال تقرب منها وقال لها في اذنها/حبيبتي انتي...
نوف بعدت عنه ومشت..
طلال/عطرك يهبل والله انه يدوخني......
من بعيد كان فيصل يراقب حركات نوف وطلال البريئة والمقصودة وهو يتنهد..طلال ونوف..قلبين انحكم عليهم يكونون لبعض بدون مايختارون بعض..قاعدين يعيشون قصة حب جميلة....ياترة بكون انا مثلهم والعنود وبنعيش قصة حب ولا مستحيل نعيش ها الجو اللي هم عايشينه!!!!نوف وطلال عمرهم من بعض ماتفرق بينهم غير ثلاثلا سنين بس انا والعنود تفرق بينه واااجد انا اكبر منها بفوق العشر سنين ومستحيل تتقبلني!!معقولة بعاني مع العنود !!!!اي يافيصل راح تعاني حيييل وانت اللي اخترت ها المعاناة ؟؟؟؟؟؟
في داخل الحفل كان الجو وناسة ورقص واغاني وانواع الاستهبال موجودة.....
نانسي كانت الوحيدة اللي متضايقة من الجو لانها تغار من نوف ودلعها وحب الناس لها بالرغم من غرورها..
نانسي/ريهام شفتي الاسوارة اللي على نوف
ريهام/شفيها؟
نانسي/قولي لها انك تبين تلبسينها؟
ريهام/أي بس انا ماابي البسها؟
نانسي/انتي قولي لها وجيبيها ابي اشوفها...
ريهام/طيب.....
ريهام/اقول نوف..
نوف/هلا....
ريهام/ممكن اشوف اسوارتك؟
نوف ناظرت باسوارة طلال
أي ممكن...بس شوي شوي عليها تراها مو من هنا ومن عند ناس عزيزين علي...
ريهام/هههه ماراح اكلها صدقيني..
نوف/لا موقصدي.... وعطتها الاسوارة
ريهام اخذت الاسوارة وراحت لعند نانسي اللي انبسطت يوم شافت الاسوارة اخذتها بقوة..
ريهام/شوي شوي عليها ترى قالت لي مو من هنا ومن عند ناس عزيزين عليها...
نانسي/اقول اسكتي واللي يرحم والديك...
نوف كانت تناظر بريهام ونوف وتضايقت يوم شافت الاسوارة عند نانسي هم من موقف قطر وهم مايتكلمون مع بعض وفتحت عيونها على وسعها يوم شافت نانسي قطعت الاسوارة وانرمت القلوب على الارض ونانسي تبتسم وصاروا عيونهم في بعض....
نوف/الحقيرة..
الجازي/مني؟؟؟
نوف/شفتي شسوت؟؟؟
الجازي ناظرت بنانسي ومافهمت...
اما نوف راحت لعند نانسي وهي مقهورة...
ريهام مرتبكة/نوف انا اسفة موقصدي والله..
نوف اسكتت عنها وقامت تشيل بالقلوب الطايحة على الارض..
نانسي تهمس لنوف/ممنون طلال يرجع قطر مرة ثانية ويجيب لك غيره..
نوف فهمت اللحين ان نانسي عارفة ان الاسوارة من طلال..قامت وعطت نانسي كف على خدها..وكل اللي بالمجلس سكتوا..لان نوف شكلها معصب والشياطين تدور حواليها..
نانسي/انتي صدق سخيفة كذا الناس تتعامل مع ضيوفها....
نوف/طلعي بره ماابي اشوف وجهك هنا يالله طلعي..
لطيفة صارت عندها حالة طوارى./نوف شها الكلام الله يهديك...
نوف بعصبية/ماابيها قلت لك ماابيها...
نانسي بقهر/ماصار ذا اسوار من طلال وقطعته بالغلط اللي بتطرديني من بيتكم علشانه بس ولايهمك بحجز على قطر وبروح اخذ لك مثله ولايصير خاطرك الا طيب عارفة المحل اللي اشتراه طلال منه....
نوف قامت تبكي من الفشيلة عمرها ماتوقعت انها تنحط في موقف محرج كذا وبنات عمها بونات عمتها كلهم تجمعوا حواليها يهدونها اما لطيفة فااخذت نانسي وطلعت معها برة علشان لاتكبر السالفة بينهم...
نوف/مو كذا السالفة مو كذا هي تكذب...
هند/خلاص نوفوا هدي عمرك ماعليك منها..
البندري/انتي عارفة ان احنا مانصدقها نصدقك انتي ليش تبكين؟
نوف/انا....
ليالي/خلاص حبيبتي....
العنود/مرح جيبي لها ماي.....
وشربت الماي وهدت شوي...وكان فيصل يتصل على جوالها في ها الوقت..
الجازي/هذا اخوك اللي جاي من باكستان..
نوف ردت عليه وكملت صياحها/هلا فيصل..
فيصل/شفيك؟
نوف/مافيني شي..
فيصل/هذا صوت وحدة عيد ميلادها اليوم...
نوف/أي عيد ميلاد أي خرابيط..
فيصل/احد مزعلك؟
نوف قامت تبكي....ووصال اخذت السماعة منها...
وصال/هلا بو عبد العزيز..
فيصل/هلا وصال شفيها نوف؟
وصال/سوء فهم بسيط مع نانسي..
فيصل/ماشكله بسيط ابدا....طيب فيني ادخل اشوفها؟(خليها تطلع لك بعد ليش تشوفها ههه)
وصال/أي دقايق واسوي لك طريق حياك...وسكرت من فيصل/بنات لبسوا عبيكم فيصل بيدخل يشوف اخته...
والبسوا البنات عبيهم طبعا ريهام وامل طلعوا مع نانسي ولطيفة من الفشيلة ومابقوا غير بنات العم وبنات العمة.....
فيصل/ياوصال..
وصال/ادخل مافي احد غريب....
ودخل فيصل بدون مايسلم وقاموا يتهامسوا عليه وقعد جنب نوف اللي بعدها تبكي..
فيصل/شصار؟
نوف/سخيفة..
فيصل/شقالت لك؟
نوف/.......تبكي
فيصل/مو وقته اللحين يعني.....
نوف/..........
فيصل/طيب هدي علشان ضيوفك...
نوف/.......
فيصل/خلاص يانوف علشان ضيوفك مايصير...
مرح/ترى بنروح بيوتنا؟
العنود/وبناْخذ معنا الهدايا بنتقاسمهم....
نوف رفعت راسها للعنود وهي تبتسم وضحكوا عليها البنات..
البندري/نقطة ضعف نوفوا الهدايا....
ليالي/على طاري الهدايا قومي غيري جو وافتحي الهدايا خلنا نشوف اكثر هدية بتحوز على اعجابك شني؟
وضحى/وبما ان فيصل موجود هنا افتحي اول هدية هديته؟
الجازي/ياحبكم للاحراج يمكن ماجاب لها هدية غصب هي...
العنود/هاذي ماحد مايقدر مايجيب لها هدية مستحيل مايدخل عيد ميلادها...
نوف ناظرت بفيصل/ها شرايك افتح هديتك عادي...
فيصل/بكيفك..انا بقوم مدامك رقتي...
مرح/وين بتروح اصبر نشوف هديتك اول!!!
(شوي ويجيها كف من فيصل شايلة التكلفة بينها وبينه)
نوف جابت الكيس اللي عطاها اياه فيصل وكان بدون كرت ولا بطاقة...وفتحتها...كانت كاميرا كانون ديجتال فضية.....
الجازي/يسلم زوئك ذكرني في عيد ميلادي اعزمك...
نوف قامت باست اخوها والبنات جوالتهم مفتوحة يصورونها....
بعدها طلع فيصل وكملوا فتح الهدايا...(ابوها عطاها مبلغ نقدي مثل كل سنة..,سعود لاب توب,لطيفة عطر,هند عباية وشيلة,وصال شنطة,العنود علبة مكياج,الجازي جزمة,مرح مجموعة اكسسوارات,البندري وليالي جوال مشتركين فيه ثنتينهم,وضحى ثوب كاشخ,لؤلؤة سلسال ذهب فيه عين عن الحسد)(وهدية طلال تصادرت غرفتها من البداية,,,,,وهدايا بنات خالتها مافتحتهم ولالها نية تفتحهم اصلا!!!)
وكملوا البنات رقص واستعباط وحاولوا ينسوا نوف الجو الكئيب ويفرفشونها لااخر السهرة وبعدها كل وحدة راحت بيتهم...
ام فيصل/خلص الاحتفال..
نوف/من عمري...
ابو فيصل/ان شاءالله كل سنة وانتي سالمة...
ام فيصل/لاتفكرين اني ماجبت لك هدية ترى هديتي في غرفتك خليتها..
نوف/رضاك عني هو اغلى هدية يمه.....
فيصل/نوف..
لفت نوف لفيصل وهي عارفة انه ماراح يتركها وهي مالها خلقه نهائيا قاعدة تفكر بطلال.....
نوف/نعم...
فيصل/ابي اتكلم معك شوي..
نوف/معليش فيصل خليها لبكرة انا نعسانة وودي انام...
فيصل/معناته بكرة تجهزين حالك من الصبح لاني ابيك ضروري!!
نوف/ماشي...
فيصل/تصبحون على خير....وتركهم ومشى..
ابو فيصل/ليش ماقعدتي مع اخوك يانوف يمكن انه يبي شي ضروري..
نوف/لا تطمن ماهو ضروري..فيصل لو كان يبي شي ضروري ماتركني وراح..
ابو فيصل/ولو...
نوف/اقولك اعرفه يبي يسولف كذا على الماشي وانا نعسانة..بكرة بيستلمني من صبح الله.....
ابو فيصل/ها الله هالله في اخوك يانوف ماوصيك عليه..
نوف/ياليت بعد توصيه علي مثل ماتوصيني عليه....
ابو فيصل/مايحتاج فيصل عارف قدرك عندي زين....
نوف/طيب تصبحون على خير.....
وراحت غرفتها وبدلت ثيابها ولبست بيجامة وغسلت وقعدت في فراشها تسترجع احداث اليوم الغبية ورجعت تضايقت من جديد وبعد مرورساعة اتصل طلال وابتسمت كانت تنتظره بس مسوية انها مو مهتمة...
نوف/نعم..
طلال/مساء الخير...
نوف/مساء النور..
طلال/ان شاءالله كل سنة وانتي سالمة..
نوف/شكرا....وهني تذكرت هديته وحمدت ربها انها جنبها وفتحت علطول وتفاجات منها...كانت اساور ثنين وسلسال وخاتم من داماس....
طلال/وين رحتي؟
نوف/طلال ليش كلفت على نفسك؟
طلال/مافيها كلافة اهم شي تعجبك؟
نوف/تجنن كلك ذوق والله بس فشلتني والله...
طلال/انتي ليش زعلتي الليلة ؟
نوف/ليش وصلتك الاخبار؟
طلال/أي....بس مااتوقع ان في شي يسوى زعلك وضيقتك في ها اليوم؟
نوف/طلال تذكر الاسوار؟
طلال/شفيه؟
نوف/انا علشانه زعلت وتضايقت تصور ان بنت خالتي السخيفة قطعته!!!
طلال/يفداك يبى كله بكله اسوار!!!تزعلين نفسك علشانه؟
نوف/مافهمت علي.....
طلال/طيب فهميني(قصده يجرها في الكلام وها النقطة ماكانت من صالح نوف لانها بدت تتجاوب معه بعكس ماكانت تبين)
نوف/أي بس هذا من عندك وذكرني ويذكرني بروحتنا لقطر..
طلال/اذا على قطر بنروحها مرة ومرتين وثلاث وبنشتري اسوار وثنين وعشرة بس انك تتضايقين هاذي اللي زعلتني؟
نوف/زعلت علشان انا كنت متضايقة؟
طلال/انتي مو كنتي متضايقة علشان الاسوار!!انا بعد قلبي كان عندك وتضايقت لضيقتك....
نوف/تسلملي ان شاءالله....
طلال/احبك يانوف.....
نوف/طلال.....
طلال/يابعد عمري انت..
نوف/انا بسكر اللحين مقدر اطول اكثر معك على الخط..
طلال/طيب ليش؟؟؟
نوف/مقدر ياطلال.....بروح انام تعبانة...
طلال/بس علشان قلتيلي تعبانة بخليك تسكرين بس انا تراني ماراح انام؟
نوف/ليش؟؟
طلال/بسبايبك...بظل افكر فيك......
نوف/تصبح على خير...

يتبع

نوف/تصبح على خير..
طلال/صدقيني اني انتظر اليوم اللي بيجمعنا مع بعض بفارغ الصبر ..
نوف/.....................باي....وسكرت الخط ..
نوف في نفسها(انا شصار فيني ليش تجاوبت معه كذا!!!!مو كافي اللي صار في قطر اقوم ازودها واحكي معه في التلفون!!!وين الثقل يانوف وين الرزة كلها!!!!!)
*****بعد مرور اسبوع ......
في البنك....
العنود/ملانة ملل موطبيعي...
هند/ليش؟
العنود/مدري....
هند/عنودوا بتتزوجين وتتركيني!!!
العنود/مستحيل طبعا..
هند/الا انا متاْكدة انك بتنسيني وبتنشغلين في حياتك الجديدة مع محمد...
العنود/محمد فاهم مدى علاقتنا وماراح يرضى ان احنا نفترق عن بعض!!!
هند/كلام ..بكرة وقت الجد بتشوفين شنو راح يصير....
العنود/انتي ليه متشائمة كذا!!!
هند/ابي اعود نفسي على غيابك علشان ماانصدم....
العنود/لاوالله....
هند/أي والله....
العنود/ماودي ارد البيت شرايك نطلع نتغذى في مكان ونتمشى شوي ونرد البيت المغرب....
هند/عسى ماشر...
العنود/محمد صار له يومين مايدق مدري شفيه..
هند/يابنت الناس ثقلي الرجال وراه دوام مو فاضي لك!!!
العنود/وقته ماتغير من راح للحين وبعدين هو يدق الليل قبل لاينام البارح واللي قبله مدري شصار فيه مااتصل....
هند/........................
العنود/ها شقلتي نطلع اليوم!!
هند/مدري والله نشوف بعدين ام وحيد شتقول.....
ورجعوا يكملوا شغلهم وسوالفهم وشوي الا جوال هند يدق وكان خالد اللي متصل...
هند تنهدت بضيق حاسة انها مخنوقة من بدت علاقتها مع خالد/ماابي ارد عليه...
العنود/طيب ليش؟
هند/انتي ماشفتي كيف كان يكلمني اخر يوم...ماابي ابين له اني رامية حالي عليه..
العنود/ردي طبيعي لاتحسسينه بشيْ...
وردت عليه لانها اصلا تبي تسمع صوته..
هند/مرحبا..
خالد/اهلين...
هند/هلا...
خالد/شلونك؟
هند/تمام...
خالد/...........
هند/...................
خالد/في البنك...
هند/أي..
خالد/تمام...واخبار عمتي...
هند/بخير.....
خالد/واخبارك انت؟
هند/طيبة...
خالد/كل شي تمام...
هند/الحمد لله.....انت كيف امورك؟
خالد/ماشية باقي اسبوعين وارد.....
هند/ساكن قريب من الحرم ولا بعيد...
خالد/لا وين بعيد طبعا...
هند/تروح للنبي كل يوم؟
خالد/لا مو كل يوم...اساسا مانخلص من الدوام الا متاْخر يادوب نريح شوي وياْذن المغرب....
هند/كيف المدينة تغيرت؟
خالد/طبعا تغيرت من زمان ماجيناها؟
هند/صار لنا فوق السبع سنين من اخر مرة رحنا...
خالد/أي تغيرت حييل...صارت تشبه الشرقية..
هند/لا...يعني فيها اسواق حلوة!!
خالد/وين افتحوا مجمعات يعجبونكم حييل....
هند/تمام...
خالد/...هند...انتي شايلة علي بقلبك صح!!!
هند/.............؟؟؟؟؟
خالد/انا عارف وحاسس بها الشي..
هند/خالد انت اذا فكرت اني برمي حالي عليك فاانت غلطان وستين غلطان بعد!!!!!!!!
خالد/ليش تقولين ها الكلام!!!!
هند/بس كذا...
خالد/علشان اني مارديت على رسالتك ذاك اليوم....
هند/.................
خالد/قلنا نبي نتقرب من بعض ونفهم بعض مو نبتعد ونكره بعض ياهند!!!!
هند/اللي اذكره ان احنا لو تفاهمنا بيكون بينا نصيب لو ماتفاهمنا كل واحد في حاله!!!
خالد/وانتي ليش جازمة ان احنا مابنتفاهم مع بعض!!!!!!
هند/لان اساليبنا في التعامل مختلفة عن بعض انا واضحة واحب كل شي بصراحة...
خالد/ليش انا الف وادور يعين!!!
هند/مدري افهمها مثل ماتفهمها....
خالد/حسيت من نظراتك اخر يوم انك كارهتني مووت...
هند/وليش لحتى اكرهك انت ولد خالي رحت لو جيت وها السالفة ماحد يدري عنها.....
خالد/شفتي انك زعلانة مني.....خلاص خلينا ننسى اللي فات ونتكلم في الواقع واللي جاي...
هند/انا مو زعلانة علشان انسى !!انا بس اسلوبي يختلف عن اسلوبك وحبيت اوضح لك ها الشي....
خالد/طيب انا اللحين مضطر اسكر فيني اكلمك وقت ثاني نكمل نقاشنا..
هند/اذا كنت فاضية برد عليك.......باي....
العنود/بسم الله الرحمان الرحيم!!!انتي ليش تكلمينه كذا!!!!
هند/وشلون تبيني اكلمه ان شاءالله!!!!
العنود/مدري بس بااسلوب اقل عصبية من كذا..
هند/ليش هو كان يكلمني بوجه علشان ارمي نفسي عليه!!!!
العنود/رجعت تقول لي ارمي حالي عليه!!!!هو لو مايبيك مااتصل فيك ياهند!!!شلون عمتي وشلون عمتي هذا كلام فاضي هو متصل ياخذ اخبارك انتي....
هند/........................(حست ان في امل خالد يفكر فيها ومايصد عنها)
العنود/انتي ارخي شوي بعد مايصير تكونين كبريت حتى اذا في باله شي بيقوله يغير رايه!!!
هند/يصير خير......
العنود/يارب نتزوج في يوم واحد انا وانتي وخالد ومحمد.......
(لاتحلمين واااجد يالعنود )
////////////////////////////////////////////
في شقة سعود....
سعود/نام!!
وصال قعدت بتعب على الكنبة/من عمري...
سعود يضحك/يحليله تصدقين انه خفيف دم...
سعود/هذا لانك مو طول اليوم معه تقول ها الكلام!!!!
سعود/لا باسل مايتعب ابدا..
وصال/ابدا ابدا!!!طالع لاابوه...
سعود/هههههه لازم يطلع لي ليش تبين يطلع لمنو اا ماطلع لاابوه؟
وصال/يطلع لي انا مو امه وانا اللي تعبانة فيه!!!
سعود/مااتفقنا على كذا قلنا البنات يطلعون لك والاولاد يطلعون لي...
وصال/ياسلام....
سعود/معناته جيبي لنا بنوتة حلوة كذا تشبهك خلنا نفرح فيها..
وصال/هذا اذا بعت عمري اجيب لك بنوتة..علشان تكمل الحفلة عدل باسل ومعه معاون ثاني شي حلو والله!!!
سعود/اقولك خلنا نجيبها اللحين هو مابقى له غير شهرين ويكمل السنة على ماتجي اخته يكون عمره سنة وتسعة شهور...
وصال/وبعد,,,,
سعود/اتكلم من جدي انا...
وصال/وانا اقولك مستحيل ولدك يبله تفرغ تام كل يوم ومتعلم لي شي جديد اروح ابلي نفسي بعد بواحد ثاني...
سعود/يابنت الناس باسل متعود على اهلي ويبيهم مافرقت عنده والجديد فرغي نفسك علشانه واذا تحسين ان في تعب نجيب لك خدامة تكرم عيونك...
وصال/اقول سعود شرايك نقوم نتغذى مدام ان باسل نايم,,
سعود/وانا من افتح ها السيرة قلتيلي قوم ناكل وقوم نطلع!!!
وصال/لاني مو مقتنعة فيها...صحيح محمد يسلم عليك..
سعود/الله يسلمه صار لي يومين مادقيت عليه شخباره؟
وصال/الحمد لله تمام ينتظر الملكة بفارغ الصبر..
سعود/ابوي يقول انه بيكلم جدي يزوجهم علطول ويسافرون واذا رجعوا يشتغلون براحتهم في شقتهم...
وصال/لا..يبيلي ابشره علشان يجيب لي هدية حلوة من جدة.....
محمد/هههه بس هذا اللي هامك الهدية..
وصال/ههههه اخوي وانا نتفاهم لاتوقف بالنص....الا شخبار فيصل في دوامه امس ماشفته اصلا..
سعود/خلاص ماراح تشوفين يوم انه استلم قسم العمليات....
وصال/في الرياض المركزي اشتغل صح.....
سعود/أي..
وصال/الله يوفقه ان شاء الله..بس شكله دوامه طويل...
سعود/هو الاستدعات اللي تصير اكثر من الدوام الرسمي......ذكرتيني بروح الوكالة اشوف سيارته اليوم توصل...
وصال/اول قوم كل لك لقمة لانك اذا طلعت ماراح ترد حبيبي وبتراكض من هنا لهنا لين الليل.....
(هذا مشهد من حياة سعود ووصال اليومية كانوا اثنين عايشين بحب وتفاهم كاْنهم في بداية زواجهم هو ماحبها قبل الزواج ولاهي كانت تعرف عنه أي شي بس لانهم عيال عم انفرضوا على بعض وحبوا بعض من اول يوم وعاشوا على ها الحب...
سعود..شهم وطيوب والكل يعتمد عليه في كل شي..وهذا اللي قرب وصال منه....
وصال..انسانة هادئة ومسالمة وتحب الخير لكل الناس...وهذا اللي حبب سعود فيها واهم من هذا وذاك حبها لااهله وتفانيها في خدمتهم..هذا خلاها تكون تاج على راسه.....
ماهم ناس مثاليين وخالليين من العيوب بس الطابع العام على حياتهم هو الهدوء وحب الخير والتفاهم,,,بس هل ياترى بيظل هذا العش الهادىْ هادىْ وبيصمد مع اشد الازمات او انه ينهار!!!!(دوام الحال من المحال ياحبيبي)
//////////////////////////////////////////////////
في جامعة الملك سعود....
نوف قاعدة مع شلة بنات معها في الكورس...
شذى/بس والله ان بضاعته رهيبة...
نوف/لا انا رايحة الليلة رايحة ماراح ااْجل عمل اليوم الى الغد!!!(اسواق اكيد مافيها تاْجيل هههه)
نور/الا نوف شنطتك تهبل من وين مااخذتها؟
نوف/هاذي يابعد طوايفي هدية من بنت عمتي..لو ماكانت هدية ماكانت تغلى عليك..
نور/تقطعينها بالعافية حبيبتي....
ناريمان/نوف صدق نانسي الرشيد تصير بنت خالتك؟
نوف/من قال لك؟
ناريمان/هي امس قالت انها بنت خالتك ..
نوف/وش المناسبة اللي خلتها تقولك بالله!!!
ناريمان/امس اخوك سلطان كان جايب لها هدية هنا في الجامعة وقالت لنا انه اخوك وانه يركض وراها مثل ظلها وهي مو معبرته!!!
نوف/حريمتها هي اللي قاعدة تركض ورى فلوسه وفلوس ابوه بس لو تذبح حالها مابيتزوجها ,,
نور/يعني هي صدق بنت خالتك!!!مايناسب ابدا يانوف انها تقرب لك؟؟
نوف/شفتي شلون الدنيا!!!!بس طبعا انل مقاطعتهم امي بس تروح لهم حتى اخواني مايعتبون عندهم ها القراوة!!!
شذى/واخوك سلطان شللي عاجبه فيها!!!
نوف/نانسي على انها قروية بس ماهي قشرة بيضة وملاينة وعيونها واسعة اذا تحرشت في أي شاب بيظل وراها عاد هو مايشوفها الابالعباية مايدري انها ماتعرف تلبس!!!
وقطع عليهم صوت جوال نوف اللي على الطاولة وكان فيصل اللي متصل وهي حاطة صورته....
شذى واللي كان جنبها الجوال/الله يجنن منو هذا يانوفوا؟
نوف/هذا فيصل اخوي الكبير..
ناريمان/اللي راد من امريكا..الدكتور!!
نوف/يس...ومسكت تلفونها وردت على فيصل...
نوف/اهلين والله..عارف انك وحشتني؟
فيصل/هلا نوف شلونك..
نوف/بخير وينك انت من داومت مالك لاارض ولاسما...
فيصل/ماتعرفين الدوام شلون؟
نوف/الله معك حبيبي..
فيصل/متى بتردين من الجامعة؟
نوف/ليش؟؟
فيصل/ابي اتكلم معك في موضوع..
نوف/يخص منو؟
فيصل/موضوع كان المفروض نتكلم فيه من زمان بس تاْجل....
نوف/طيب اذا رديت البيت..
فيصل/لا خليها بره البيت منها ناخذ راحتنا في الكلام ومنها تدليني على الاماكن الحلوة اللي يقعدون فيها الناس...
نوف بخبث/ليش؟
فيصل/يعني ليش علشان اروحها!!
نوف /عندك تركي ليش مايقولك ويدليك!!!
فيصل/وتركي وش عرفه بااماكن العائلات!!!
نوف/ليش تبي تروح مع خويتك!!!!
فيصل/انتي ماتستحين على وجهك اقولك دليني تقولين لي بتروح مع خويتك!!هذا وانا اخوك الكبير وتقولين لي كذا انا مالوم سليطين فيك يوم انه ناشب عليك!!!
نوف/لاتذكرني فيه يقطعه تدري انه امس جايب لست الحسن والدلال هدية هنا بنص الجامعة!!!
فيصل/مني هاذي ست الحسن والدلال؟؟؟
نوف/يعني منو بتكون!!!!
شذى تاْشر لنوف انها تبي تكلم فيصل
نوف/اقول اخوي في وحدة منهبلة عليك تبي تكلمك عاد لاتفشلني وعطها ريق حلو ها..
فيصل/قلبي وجهك قالت لي كلمها هذا اخر الزمن بعد بنت هي اللي تبي تكلم!!!
نوف ماعبرته وعطت الجوال شذى..
نوف/ترى هذا مايعطي وجه عادي يسبك...
شذى/المهم اسمع صوته..
شذى بنعومة بقد مافيها/الو..
فيصل بضيق/نعم...
شذى انصدمت/شلونك..
فيصل/وين نوف؟
شذى بقهر/لحظة...وعطت الجوال نوف وهي مقهورة والبنات قاموا يضحكون عليها..
نوف/شقلت للبنت عفست اخلاقها علينا لايكون كلام خارج عن حدود الادب...!!
فيصل بعصبية/تدرين اني اذا شفتك بذبحك يالسخيفة!!!
نوف/وانا شمسوية لك بالله!!!وحدة وحبت تسمع صوتك اقول لها لا!!مايصير مو ذوق.....
فيصل/خلصيني متى بتردين؟
نوف/بخلص محاضرتي على الساعة ثلاث وربع,,,بتمرني ولا شلون؟
فيصل/لا ردي البيت وبعدين انا بمرك من البيت..
نوف بشماتة/ليش ماتدل الجامعة وين؟
فيصل بقهر/لاني يالسخيفة مااطلع من المستشفى الا الساعة ثلاث ونص وعلى ماامر على المرضى بكون تاخرت عليك فتردين البيت وتصلين وتنتظريني..سمعتي!!!
نوف/ان شاءالله بابا فيصل لاتصارخ علي....
ها البابا ذكرته في ناس يبي ينساهم ولاهو قادر لمتى مايدري!!!!
فيصل لاشعوريا/شخبار العنود..
نوف/منو؟
فيصل تدارك وضعه/العنود بنت عمتي شخبارها؟
نوف بدهشة/ليش شفيها؟؟
فيصل يبي يرقع نفسه/انا اتكلم عن وضعها الصحي شلونه؟
نوف/أي خلعتني عليها اقول مدري شفيها!!لا الحمد الله اشوف ها الفترة افضل من قبل بس لازم اذا دخلت المستشفى حق تبديل الدم تتعب حيييل..
فيصل/اممم..الله يشافيها....خلاص مع السلامة..
نوف/اللحين انت جاي من امريكا وتقول لي مع السلامة قول باي!!! والله انك مو شي!!!
فيصل سكر في وجها لانه اذا ظل يكلمها بيتخانقون لانها طايحة فيه تهزيْ وهو ساكت لها ليش مايدري!!صدق انها شيطانة اللحين عرف سر حب ابوه لها عندها شي عجيب ها البنت!!!بس مو مثل البنت اللي في باله .....
شذى/شدعوة اخوك مايعطي وجه!!!
نوف/هذا انا شاكة في تعامله مع مرته شلون بيكون!!!
نور/تستاهلين منو قال لك كلميه!!!
شذى/انا قلت جاي من امريكا مطيح الميانة بس طلع مو خوش.....بس مع هذا ماراح اقطع الامل نوفوا تكفين زوجيني اياه!!!
نوف/ههههه فيصل ههههه اقول لاتحلمين واااجد تبين يذبحك من اول ليلة ترى اخوي سفاح ويسويها..على فكرة اخوي يحب بنت من يوم كانوا صغار ...
شذى/لا ياخسارة!!!
نوف/ذكرتيني بخليه يكمل لي سالفتها اليوم,,,,
مرت نانسي في ها اللحظات جنبهم,,,,,
نانسي/سلام.....
البنات شافوا نوف ماردت هم بعد ماردوا.....
نانسي/نوف شلونك؟
نوف/.......مطنشة وقاعدة تلعب في شعرها والبنات ثلاثهم يتهامسون......
ومرت لؤلؤة في ها اللحظة,,,,
لؤلؤة/مرحبا بنات...
نوف بفرح حقيقي/اهلين ياقلبوا..وينك فيه ننتظرك من زمان...
لؤلؤة اقعدت على كرسي نوف اللي قامت منه علشان تعطيه للؤلؤة/والله ماتعرفين شنو علينا وحدة ماتسكت ابدا من متى خلصت المحاضرة وهي ابدا عايشة في خبر كان...
نور/لؤلؤة نحفانة مووت...
نوف/ليش هي فيها شي علشان تنحف اصلا!!!!
لؤلؤة/اوووه ذكرتوني اني بموت من الجوع ابي أي شي اكله!!
ناريمان وشذى قاموا ثنتينهم/
شذى/خلاص انا باروح اخذ لك.من الكافتريا..
لؤلؤة/لاتحرجوني الله يخليكم,,
ناريمان/تمونيني
لؤلؤة/ماعندكم محاضرة اللحين؟؟
شذى/علشان انك بنت عم نوف لعن ابوها من محاضرة اهم شي انتي تاْكلين..
ومشوا ثنتينهم ونورونوف ولؤلؤة دقوها سوالف وطنشوا نانسي اللي كانت مقهورة من لؤلؤة ونوف
نانسي في باله(طيب يانوف طيب مردودة وبنشوف

على شنو ها التغلي والغرور!!!)

السبت يوليو 30, 2011 10:16 am

في المستشفى كان تركي مع فيصل وقت البريك...(تركي طبيب عام في نفس المستشفى)
تركي/اليوم تطلع سيارتك؟
فيصل/يفترض اليوم كلمت سعود اكدت عليه يروح يشوف شصار..
تركي/والله ماحد رايح فيها غير سعود كل البيت فوق راسه!!!
فيصل/.......(لاتعليق طبعا لانه مو متعود يمدح احد ولايشكر بعد!!!)
تركي/اقول فيصل ودي اسالك عن شي؟
فيصل/شنو؟
تركي/منهي اللي كانت في قطر ذاك اليوم؟
فيصل/أي وحدة فيهم؟؟
تركي/مدري بنت عمك ولابنت عمتك..اللي كانت بتطيح يوم تزلجت...
فيصل رجع بذاكرته علشان يسترجع احداث ذاك اليوم,,,
فيصل/أي تقصد ليال...
تركي/اسمها ليال!!
فيصل/ليال..ليالي...كذا..لا ليالي...
تركي/اممم..
فيصل/شفيها؟
تركي/صايرة في بالي وتفكيري مدري ليش..
فيصل/لايكون بس...
تركي/مدري...بس احس انها غير فيها شي مخليني افكر فيها..
فيصل/أي بس انت عارف ان بنات عمتي ماعندهم ها السوالف والخرابيط!!
تركي/ومن قال لك اني ابي اتعرف عليها!!!انا اصلا احس اني عرفتها من ذاك اليوم وهي تضحك!!!!انا ابيها بالحلال يافيصل..
فيصل/والمطلوب مني؟
تركي/جيبي لي معلومات عنها..كم عمرها!!شتسوي تدرس لو تشتغل..لو .....
فيصل/فهمت عليك....اول ماتجيني العلوم بعطيك اياها واذا تبي اكلمكلك عمتي تراها ماراح تردني..
تركي/انت خلص موضوعك اول مع العنود بعدين انا وليالي.....(خلاص وثق انها بتكون له ههههه)

//////////////////////////////////////////////////////////
على المغرب في بيت السالم (بيت ام وحيد)
كانوا هند والعنود نايمين كعادتهم بعد مايرجعون العصر من البنك ودق جوال العنود)
العنود بصوت كله نوم/اهلين فيك..وينك شغلت بالي عليك؟
محمد/صدق انشغل بالك علي؟
العنود/لايكون مافيك شي بس كذا تبي تلعب في اعصابي...
محمد/بالضبط....
العنود/شاطر...ماقصرت عيدها مرة ثانية وشوف اللي تحرق دمها عليك؟
محمد/هههههههه حبيبي انت والله..شلونك..
العنود/بخير انت شلونك..شلون جدة..
محمد/جدة ماتبيني ..تقول ياتجي انت وعنودك ولا لاتجي بروحك؟
العنود/ههههه صحيح...
محمد/شلون اجل....
العنود/وبعد..
محمد/والله باقي شهر ونص..واااجد يالعنود مو قادر اصبر اكثر...
العنود/هانت حبيبي هانت....
محمد/باقي يومين ويرجع خالد..ياليتني كنت معه كان رجعت لكم بعد يومين!!
العنود/شتبيني اسوي لك يوم اللي ترد...
محمد/ابي حفلة رومنسية!!!
العنود/واااو صعبة..
محمد/وليش تساْليني مدام مابتسوينها؟
العنود/ههههه فكرتك بتقولي ماابي شي سلامتك...
محمد/ههههه والله,,,,
العنود/أي والله هههههه
محمد/تعرفين اني شريت لك ثوب للملكة؟
العنود/..........
محمد/اتوقع اذا لبستينها بيطلع رهيب مو طبيعي على جسمك...
العنود/محمد لاتقول ها الكلام,,,استحي...
محمد/ياقلبي عليك كيف تستحين مني وانا زوجك!!!
العنود/ومن قال لك اني اذا صرت زوجتك ماراح استحي منك!!!
محمد/حلوة ذي زوجتي حلالي وتستحين مني بعد!!!!
العنود/..............
محمد/ماقلتيلي شتبين اجيبلك من جدة؟
العنود/انت توك تقول اخذت ثوب الملكة؟خلاص شنو تجيب بعد!!!
محمد/لا الثوب للملكة بس..هديتك شي ثاني...
العنود/بزعل منك لو جبت لي شي ثاني...
محمد/طيب بشتري واذا صرتي زوجتي بعطيك اياهم شرايك؟
العنود/........ههههه
محمد/حبيبي عطوني خبر طيرني من الفرح..
العنود/بيكنسلون باقي الدورة!!
محمد/لا وين الدورة وين وانتي تفكيرك وين!!
العنود/اذا مو الدورة شنو؟
محمد/عمي ابو فيصل يقول اني اذا رديت بيحدد زواجنا وبنسافر علطول واذا رجعنا نشتغل في شقتنا على راحتنا..
العنود بفرح /صدق!!!! احلف قال كذا؟
محمد/ليش مو مصدقتني؟؟
العنود/محمد تقول الصدق لو تلعب علي!!!
محمد/وليش اكذب عليك وصال توها مسكرة من عندي وبشرتني وقلت لازم انقل لك ها الخبر الحلو,,,,,
العنود/يعني خلاص بنتزوج يامحمد؟
محمد/واخيرا ياروح محمد بتكونين عند محمد...
العنود/تبيني يامحمد؟
محمد/بعدك ماعرفتيني يوم انك تساْلين ها السؤال ياحياتي!!
العنود/محمد انا فرحانة حييل ...
محمد/وانا اكثر منك حبيبتي......عنود وين تبين نروح شهر العسل.....
العنود/اممم اختار بكيفي عادي؟
محمد/اكيد تختارين بكيفك؟
العنود/ابي اروح سنغافورة...
محمد/سنغفورة!!ليش؟؟
العنود/مدري نفسي من زمان اروحها...بتوديني هناك؟
محمد/بوديك سنغفورة وابوها بعد!!ليش انا كم عنود عندي....
العنود/عسى الله يخليك لي ولايحرمني منك قول امين....
محمد/علشان سنغفورة بس!!!
العنود/حرام عليك!!!
محمد/ههههههههه انا ابي استفزك....
العنود/طيب بتشوف لكن..انت من رحت جدة وانت قالب مية وثمانين درجة!!
/////////////////////////////////////////////////

يتبع

/////////////////////////////////////////////////
نوف كانت لابسة عبايتها بتطلع..
ام فيصل/على وين ان شاءالله؟
نوف بتعب لانها مانامت العصر تنتظر فيصل اللي طنشها لها الوقت...
نوف/ولدك عازمني بره...
ام فيصل/أي ولد فيهم؟
نوف/فيصل..
ام فيصل/هو مارد من المستشفى للحين؟؟
نوف/جاي بالطريق....
ام فيصل/انزين خله يدخل ياْكل له لقمة وبعدين طلعوا ماهي طايرة الطلعة..
نوف/انا ولدك اصلا اخر مرة اقبل منه عزومة!!!من الساعة اربع ونص شوفي صارت الساعة كم اللحين وهو كل شوي يقول لي خلاص نص ساعة وانا جاي لعن ابوها من مواعيد بس!!!لاخلاني انام ولاجايني اللحين الساعة ثمان ويبي يسولف بعد حضرته!!!!
ام فيصل/اسم الله على ولدي من اخلاقك الشينة!!!
نوف/يمه مانمت العصر حاسة راسي بينفجر !!!
ام فيصل/وشفيها اذا يوم مانمتي بالله!!!واصلي ونامي الليل مرة وحدة بدل ها السهر وخربطة النوم؟
نوف/أي طبعا لان ولدك اللي مسويها فيني فاعاجبتك!!
ام فيصل/زين يسوي فيك....
دق جوال نوف..
نوف بقهر/خله يقول لي بعد نص ساعة وقسم بالله بنام وبطنشه من شوي يقولي خلاص جاي نزلي...وردت على فيصل وهي معصبة حييييل
نوف/هلا فيصل..
فيصل/يالله طلعي انا واقف بره انتظرك...وسكر بدون مايسمعها..
نوف/زين بعد انك بره لاني كنت بنام لو ماجيبت...وقامت عدلت لثامها..
نوف/تبين شي يمه؟
ام فيصل/انتبهي على اخوك وبس!!!
نوف بقهر/بزر انتبه عليه!!!يمه انتي ناسية ان فيصل اكبر واحد فينا!!ودخل في الثلاثين!!ان شاءالله مفكرته بيبي!!!
ام فيصل/بيظل ولدي حبيببي لو يجيب عشرة عيال!!!
نوف طلعت بدون ماترد على امها وركبت السيارة جنب فيصل اللي مبين عليه اصلا انه تعبان....
نوف/السلام....
فيصل/.
نوف/سلمت انا ورد السلام واجب!!!(مانامت واخلاقها تجارية حيييل)
فيصل ناظرها بدون مايرد عليها....
وبعد مامشوا شوي.....
فيصل/وين تبين نروح؟
نوف/بكيفك؟
فيصل/يعني لو كان بكيفي سالْتك؟
نوف/اوووف انت وين تبي تروح؟
فيصل/مطعم..
نوف/روح بيتزا هت...
فيصل ناظرها بقوة/تستهبلين انتي؟
نوف/ليش؟
فيصل/اقولك ابي مكان مثل العالم والناس تقولين لي روح بيتزا هت!!!
نوف/طيب روح كوبر شنندي...
فيصل/وين؟
نوف/اطلع يمين اللحين............................................ ..............................................
//////////////////////////////////////////////
وضحى/لؤلؤة انا بروح عند البندري بنام هناك انا وليالي تجي معنا؟
لؤلؤة/لا مالي خلق..
وضحى/انتي كله مالك خلق؟
لؤلؤة/وانتي ماتجين تساْليني الا اذا توني قاعدة من النوم لو بنام!!
وضحى/وانا متى الاقيك غير في ها الوقتين!!وبعدين تونا مقررين وقلت بعطيك خبر..
لؤلؤة/لا روحي انبسطي وفليها..انا بقوم اشرب كافي واصحصح وبكلم نوفوا اذا بعدها بره البيت بخليها تمرني ياتنام عندي ياانام عندها..
وضحى/طيب ياقلبي انا ماشية تبين شي..
لؤلؤة/لا حبيبتي مع السلامة..الله وياك.....
وضحى ولؤلؤة كانوا مثل الاخوات هم صحيح بنات عم وساكنين مع بعض في نفس البيت بس كل وحدة في قسم بس طول يومهم مع بعض لانهم البنات الوحيدين في البيت بعد وصال اللي تزوجت وروان اخت وضحى كانت صغيرة ...كانوا يحبون بعض اكثر من أي ثنتين يمكن ها الشي ماكان يبين عليهم بس بيطلع في الاحداث الجاية........
////////////////////////////////
هند/صباح الخير...
العنود/مساء الورد..
هند/حلوة ذي..
العنود/انا قمت من زمان..
هند/ادري من دق الحبيب..
العنود/ليش سمعتينا؟
هند/ليش انتي مفكرة انك تتكلمين بنعومة!!ترى كنتي تصارخين وكل الدنيا سامعتك..
العنود/ههههههه قولي والله!!!
هند/بكيفك لاتصدقين...
العنود/يعني سمعتي شقال؟
هند/سمعت من البداية الى سنغفورة...
العنود/هههههههه
هند/لاتعليق طبعا لين يصير كل شي....
العنود/ان شاءالله...
هند/بقوم اسبح وبخلي السايق يطلعنا ناخذ لنا عشى ونتمشى شوي ونرجع شرايك؟
العنود/يالله انتظرك انا..بنزل عند خالتي واذا خلصتي انا بكون تحت....
هند/ماشي ياعم....
/////////////////////////////////////
في كوبر شنندي...
فيصل/................
نوف/.............يعجبني ها المطعم...
فيصل/ما احسه ذاك الزود؟
نوف/عندك بعد شيليز حلو...
فيصل/اممم
نوف/اقول فيصل انت شتبي تقول؟
فيصل/انتي اللي بتقولين مو انا؟؟
نوف/انا!!!شبقول؟
فيصل/ابي افهم انتي علاقتك بسلطان ليش كذا!!وش اللي صار بينكم ذاك اليوم في قطر؟ليش هو رفع يده عليك...؟
نوف تفاْجاْت منه ماتوقعته بيساْل عن هالشي خلاص/...................
فيصل/تكلمي انا اسمعك...
نوف/هو مايحترمني ودايما يحقرني ويذلني...
فيصل/وهذا سبب يخليكم تتعاملون مع بعض كذا؟
نوف/وش تبيني اسوي له بالله!!!
فيصل/انا ماتكلمت معه رغم ان عندي كلام وااجد بس قلت بشوفك انتي اول شتقولين؟
نوف/قلت لك هو مايحبني ليش الله اعلم اساله!!!
فيصل/وليش مايحبك؟
نوف/مدري!!!
فيصل/مافي شي اسمه مدري!!!!اكيد في اسباب.؟؟؟
نوف/قلت لك انا مدري يمكن هو عنده اسبابه انا يكفيني انه يعاملني بالطريقة ذي علشان اكرهه!!!
فيصل/طيب ليش رفع يده عليك في قطر؟؟؟
نوف/علشان يرضيها ست الحسن والدلال!!!
فيصل/مني هاذي؟؟؟
نوف/نانسي...
فيصل/نانسي!!نانسي بنت خالتي!!!
نوف/هي ماغيرها..
فيصل/وش علاقته بنانسي!!!
نوف/يعني واحد يبي يرضي وحدة شبتكون علاقته فيها بالله!!!!
فيصل/............
نوف/...........
فيصل/نوف انتي متاْكدة ان بينهم شي ولا بس كذا من خيالك!!
نوف/فيصل اذا مو مصدقني لاتساْلني!!!لاني مااحب اتعامل مع احد يشك فيني!!!
فيصل/يانوف انا موقصدي اشكك في كلامك بس ابي اقول انتي متاكدة مو احد ناقل لك هالشي...
نوف/بلى متاْكدة...اصلا هو كان يبيني اتقرب منها علشان امهد لهم شوفات مع بعض ويوم اني حقرت في نانسي قدامه صار يعاملني كذا!!!
فيصل/معقولة علشان انتي ماحبيتيها ولا رضيتي انه يحبها بيعاملك كذا!!!
نوف/فيصل ..نانسي ماتحبه ..انا اعرفها سمعتها في الجامعة كلها..مو لاني اكرها اقولك ها الكلام بس هي تكلم غيره ثلاثة!!ثلاثة يافيصل ..هي ماتبي غير فلوسه وفلوس ابوه وانت شفت بعينك في قطر....تركي مو مقصر عليهم أي نعم..بس هي تبي بنك خاص فيها قبل لاتطلب يجيها الشي وسلطان مسحور قدامها وعلى باله انها فعلا تحبه....بيجيه يوم وبيندم على انه ضيع وقته معها صدقني يافيصل وبنوتاجه في ذاك اليوم ثلاثتنا وبقولك وبذكرك,,,,اخوك باع اللي تحبه واشترى اللي بايعته...
فيصل/.....................
نوف/شوف فيصل انا بتكلم معك بكل صراحة لاني اعرفك زين اكثر من نفسي.....في وحدة من بنات عمي تحبه وتموت فيه ..بس ماراح اقولك اسمها....يوم جت تصارحه درت عن حبه لنانسي وانسحبت من حياته..رغم انها للحين تتنفس حبه,,,بس مدري ليش تحبه وهو مايستاهلها!!!!
فيصل/مني؟؟(خاف انها تكون ليالي)
نوف/ماقدر اقولك لانه وعد..
فيصل/يعني بنات عمتك منهم بيكونون غير هند لو ليالي لو مرح!!!
نوف/خطاْ انا قلت بنت عمي مو بنت عمتي....
فيصل/المهم ماعلينا...هو ليش رفع يده عليك....
نوف/قلت لك علشان يرضيها...
فيصل/كيف بالله!!
نوف/كان طلال داق علي علشان اروح اخذ العشى وبعدين............................................ .................................................. ..............................................
فيصل/لا اذا كذا انا لازم اكلمه...
نوف/تركي!!!
فيصل/شيدخل تركي في السالفة!!!
نوف/انت تقول بتكلمه؟
فيصل/بكلم اخوك سلطان مو تركي!!!انا مو مستعد اخسر صداقتي مع تركي علشان سلطان ونانسي يصطفلون ماهو رجال اذا ماعرف اذا كانت تحبه لو تخدعه!!!!!
نوف/فيصل ابي اقول لك سر..
فيصل/قولي...اسمعك...
نوف/............................طلال يوم عيد ميلادي عطاني هدية!!
فيصل تذكر شكلها وهي واقفة مع طلال عند الباب....
فيصل/واخذتيها؟؟
نوف/أي....
فيصل/وشنو كانت!!!
نوف/قبل لااقولك شنو كانت قولي عادي اني اخذتها منه!!
فيصل/عادي طالما انه داخل البيت بنفسه وواقف معك في وسط البيت!!
نوف/انت شعرفك انه كان واقف معي في وسط البيت!!!
فيصل/ليش هو دخل غرفة نومك وعطاك اياها!!!!!
نوف/لاطبعا...
فيصل/خلاص معناته بيكون واقف معك في وسط البيت ....وهذا دليل على انه محترم وماطلب يقابلك بره البيت....
نوف/أي بس انا كلمته في نفس الليلة...
فيصل/وقلتيله حبيبي ليش مكلف على نفسك؟
نوف/انا ماراح اقوله حبيبي حتى في اول ليلة زواجنا!!!!
فيصل/تعجبيني......الا شنو جاب لك....
نوف/بلا لقافة مو معناته اني عطيتك وجه تساْلني عن كل شي!!!!!!
فيصل/شوف اللي ماتستحي!!!!
نوف/انت ماقلت لي شخبار البنت الصغيرونة اللي تحبها بعدها صغيرونة لو كبرت ههههههههه
فيصل تنهد بضيق ونوف سكتت لانها حسته متضايق..
نوف/فيصل شفيك!!!
فيصل قلبت معه يوم جابت له طاري العنود...
فيصل/نرجع البيت!!
نوف/انا قلت شي زعلك!!!
فيصل وقف ومعناته انه مافي نقاش قومي نرجع البيت.....
/////////////////////////////////////////////
ام خالد/اذا رجع خالد بكلمه عن هند..
ابو خالد/ولدك لاراح يقول عطوني اياها ولاراح يقول يسروها في حالها من متى واحنا فاتحين معه ها السيرة!!!
ام خالد/لا هاالمرة بقوله اني ابي افرح فيه مع محمد خلاص لمتى بعد..طلال وماباقي عليه شي وياخذ نوف..لازم نفرح فيه قبل طلال...
ابو خالد/الله يسمع منك.......
ام خالد/وين بنلاقي احسن من هند بنت عمته!!
ابو خالد/اهم شي هو يقتنع فيها مو احنا!!!
///////////////////////////////////////////////
في السيارة..
هند/وين اللحين؟
العنود/بكيفك...مع اني افضل كنتاكي..
هند/قلبي وجهك قالت كنتاكي انا ها المطعم يعور بطني مااحبه..
العنود/اللحين كنتاكي يعور بطنك ياالعيارة!!!!يالله اكلينا على ذوقك
هند/مالنا الا بيتزاهت..
العنود/الحمد لله على ذا اختيار...
هند/مو احلى من كنتاكي!!
العنود/لاوالله كنتاكي احلى ..انا وحدة مااقاوم المطافي حقته شي خيال..
هند/اقول ام سنغفورة ورى ماتتعلمين على الاكل الغربي من اللحين يوم انك بتروحين سنغفورة!!!
العنود/تسخرين حضرتك......طيب بنشوف خلود وين بيوديك؟
هند/انتي وبعدين معك ليش حاشرته في النص!!!!
العنود/ماحد قال لك تحرشي فيني تستاهلين...
هند/بنخلص وبنروح الصيدلية ليالي موصيتني على اغراض تبيها...
العنود/انا من يدك ذي ليدك ذي مااقول لا ابدا...
///////////////////////////////////////
نوف/فيصل ممكن تمر بيت جدي ابي اخذ لؤلؤة بتنام عندي الليلة!!
فيصل/......................
ومشى لين وصلوا بيت العامري...
نوف/كان قلت لي انك بتمر علشان اخليها تطلع لاتوقفك.....ودقت على لؤلؤة علشان تطلع.......
اخذوا لؤلؤة ووصلهم البيت ومادخل معهم قعد يلف بسيارته في الشوارع وهو يفكر في علاقته بالعنود واللي لازم انه يسويه علشان يرضيها..تركي يقول انها بزر واهم شي عندها الكلام الحلو,,,,,وهذا يعني انه لازم يغير اسلوبه معها علشان يكسبها يكفي فارق السن بينهم لازم يكسبها باشياء ثانية...ولقى نفسه يدق على بيت عمته,,,,,
فيصل/الو...
الخدامة/نعم..
فيصل/ماما عنود وينها؟
الخدامة/يطلع مع ماما هند يتعشى..
فيصل/وين راحوا يتعشون؟
الخدامة/يمكن راحوا كنتاكي لان ماما عنود كل تاكل كنتاكي....
فيصل قفل منها وقامت عيونه تناظر باللوحات يمكن يلاقي كنتاكي.......
/////////////////////////////////////
لؤلؤة/انا ودي مرة وحدة الاقي فيصل يبتسم لو حتى يتكلم طبيعي؟؟
نوف/تدرين ان فيه شي!!!لازم اعرفه مو معقولة من سالته عنها انقلب مية وثمانين درجة!!!
لؤلؤة/طيب يمكن مو منها من شي ثاني.....
نوف/يمكن...بس لازم اعرف من شنو....المهم بقوم اسوي لنا كافي وباجي...بتقعدين هنا لو نصعد فوق(كانوا قاعدين في الحديقة اللي في الجهة الثانية من البيت)
لؤلؤة/لا سوي الكافي وخلنا نشربه هنا وبعدين نركب..
نوف/ماشي................................
وقامت نوف وقعدت لؤلؤة تتاْمل في بيت عمها....بيت ابو فيصل ماكان اكبر بيت لان اكبر بيت كان بيت ابو وحيد لدرجة ان اكثر من نص الغرف مسكرة!!! بس بيت ابو فيصل كان شي خيال ذوووق مرة ..من كل النواحي الفنية الصبغ والسيراميك والالوان والفرش.....وهي تتامل لقت واحد واقف قدامها..
سلطان/ماشفتي جوالي!!!
لؤلؤة ناظرته برعب ..لانها كانت سرحانة ولانه ماانتبه انها لابسة عباية يعني مو اخته!!!
لؤلؤة/.......................
سلطان/ماتسمعين!!!ولف عليها لاقها تناظره,,
سلطان/لؤلؤة!!!
سلطان/شلونك سلطان..
سلطان مشى/طيب...فكرتك نوف....وابتعد عن المشي.....
لؤلؤة تضايقت منه..لمتى بيظل يعاملها كذا!!لمتى مابيشوفها قدامه!!يااخي حس فيني تراني مااتحمل منك ها الجفاء والصد حرام عليك انا احبك واموت فيك!!!!!!!!
/////////////////////////////////////////////
وقف سيارته بعيد ونزل يمشي يمكن يلمحها..على التعب اللي كان ذابحه من وقفته طول اليوم الا انه حس بروحه منتعشة وهو حاس انه بيشوف العنود ظل يمشي ويمشي وهو يناظر بالناس اللي تمشي يمكن انها تكون بينهم.....
******بعد ماطلبوا عشاهم نزلت هند عند الصيدلية تاخذ اغراض ليالي ولعنود ظلت واقفة بره...ولفت انتباها شيبة قاعد بالشارع مبين عليه فقير لانه كان ماد يده ويطلب من الناس...دفعتها خطواتها وراحت لعنده,,,,,
العنود/..................
الشيبة/عطيني من مال الله يابنيتي..
العنود/انا بنتك!!!
الشيبة خاف انه يكون زعلها/يابنتي كلنا عيال ادم وحواء وكلنا من ها الارض وبنرجع لها..
العنود دمعت عينها حسته طيب وماكانت تتمنى له انه يقعد في ها المكان فتحت شنطتها وطلعت له المقسوم وعطته اياه,,
الشيبة/عسى الله يفتحها عليك يابنتي مثل مافتحتيها علي...
العنود/انا ماعندي ابو...انا يتيمة بس عندي خال رباني من صغري واحبه مثل ابوي.....
الشيبة/الله يخليك له ويخليه لك ان شاءالله...
العنود ماقدرت شكل الشيبة كان يكسر الخاطر وحست انها بتتقطع عليه وتذكرت انها ماعندها ابو في ها اللحظة بالذات...تسندت على الجدار اللي جنبه ومسحت دموعها بس تفاجاْت بكف قوي على خدها خلاها تصرخ من الالم,,
العنود/اه....ورفعت راسها لقت شرار يتطاير من عيون فيصل..
العنود/فيصل!!!!
فيصل/لاوالله!!!!شقاعدة تسوين هني!!!!
العنود ماعرفت شتقول له لانها متفاجئة من وجوده...
فيصل/طالعة من البيت ها الحزة علشان منو ها!!!!!
العنود حطت يدها على فمها هذا شيقول شقاعد يفكر فيه......
ماردت عليه بس مشت باسرع مافيها لسيارة السايق تنتظر هند فيها....
الشيبة/ياولدي حرام عليك..البنت جاية تعطيني المقسوم ومبين عليها تعبانة انت تعرفها!!!
فيصل ناظر بالشيبة بشر...بس وقف للحظات وهو يتامله..العنود شتبي في واحد مثله يافيصل علشان توقف معه وهو طرار!!اكيد بتكون جاية تعطيه...ليش استعجلت يافيصل ليش !!!مايفيد اللحين لو شتسوي..عمرك مافكرت مثل العالم والناس وفوق كل هذا تبيها تحبك على شنو بالله!!!وانتبه على الشيبة وهو يقول له
حرام ياولدي لاتكسر بخاطر اليتامى وهي تقول انها يتيمة,,,
فيصل هذا اللي ضايقه اكثر....العنود يتيمة..اي عارف انها يتيمة بس ليش توني احس فيها ياربي...شسويت يافيصل خربت السالفة قبل لاتبدي!!!!!
ورجع سيارته وهو متضايق اكثر من قبل لاينزل منها ..تمنى انه مااتصل على بيت عمته ولاعرف انها جاية هناولا......لاتمنى انه رجع اصلا من امريكا وانحط في ها الموقف اللي مو عارف شلون بيطلع منه!!!!!
بعد يومين كانوا كلهم متجمعين في البيت الكبير علشان خالد رغم انه وصل من الصباح الا انهم قعدوا لليل ..طبعا وكاالعادة دائما فيصل الوحيد اللي ماحضر والكل يعذره لانه مشغول لكن لو واحد غيره راح فيها من هذرة الجد عليه!!!!!!
لؤلؤة/قرت عيني برجعة اخوي سالم,,,
مرح/مو قرت عينك والهدايا اللي جابها لك بروحك خلنا نتقاسمها احسن!!!
العنود/عليك سوالف يامرحوا مدري من وين تطلع!!!!
الجازي/هذا الصدق وبالذات لؤلؤوا اخوانها يحبونها علشان ماعندهم الاهي وخالد من جهة وطلال من جهة ثانية مالت على حظي....
نوف/احم احم..خلاص تنسى ان طلال يعطيها ماعنده فلوس..
هند/خلوه يجمع مهر نوف مايقدر على مصاريفها!!
نوف/مسؤل عنها يالله اخت بعد ليش يعطيها!!!انا اولى..
العنود/هههههههههههه
لؤلؤة/الا اقول له,,,
نوف/خايفة منك انا تهديني والله,,,
لؤلؤة/بعدين مو تدقين وتقولين لؤلؤة حبيبتي ترى ها السوالف لازم تنقال قدام الجماعة تكفين لاتقولين له,,
هند/بعد بعد افضحيها شتقول!!
وضحى/وماخفي كان اعظم يانوف!!!
نوف/ها بتقلبون علي....
روان دخلت عليهم/تصدقون..
الجازي/لاوالله مانصدق...
العنود/لعن بو دارك خلي البنت تتكلم,,,
روان/فيصل ولد عمي هنا...لاولابس ثوب وشماغ صاير يجنن...
نوف/اه اخوي مشمغ ماقال لي!!!صاير وااجد يخبي علي بقوم اشوفه,,,وبعدين انتي روانوا ليش تغازلين اخوي قدامي مو عيب عليك!!!
هند والعنود طالعوا في بعض من انطرى فيصل والعنود حطت يدها لاشعورياه تحسست خدها ..(طبعا هند عرفت السالفة)

////////////////////////////////////////////////////////////////

يتبع

عقلي يبي محمد.. وقلبي يبي فيصل,,

عقلي يبي محمد.. وقلبي يبي فيصل,,

رد: عقلي يبي محمد.. وقلبي يبي فيصل,,

رد: عقلي يبي محمد.. وقلبي يبي فيصل,,

رد: عقلي يبي محمد.. وقلبي يبي فيصل,,

رد: عقلي يبي محمد.. وقلبي يبي فيصل,,

رد: عقلي يبي محمد.. وقلبي يبي فيصل,,