الاحترام والبنت و المنتدى

الأحد مايو 15, 2011 5:55 am

ومسائكم كل خير ورضا من الله ..

الحوار كان في الرسايل الخاصه بين عضو وعضوه.. في احد المنتديات

الولد : السلام عليكم الغاليه .. ممكن نتعرف فديتك !!

البنت طااف ( يعني ما ردت على رسالته )

الولد : صووبنا يا حلووو .. ممكن اتعبرينا شوي..

والبنت بعد طاااف

الولد : انزين ليش جايه انتي .. مافيها شي لو رديتي علي ..

يعني انا بعرفك والا بعرف اهلك ..

عادي عادي ردي الغاليه لا تكونين معقده

البنت ملت من الرسايل .. عاد فوق العشر رسايل ورا بعض وبنفس الوقت ..

وهو هالكها بالرسايل

البنت : وعليكم السلام اخوي .. اسمحلي انا مو مال هالسوالف ..

وهذا منتدى محترم مو للتعارف وغيره ..

فلو سمحت اذا بغيت شي يخص المنتدى

رسل رساله واذا ماعندك شي مهم رجاءً لااترسل لي شي ..

الولد : هههههههههههههههههههههههههه عاد تبين اتبينيلي انك وحده محترمه

هههههههههههههههههههه هاي حركاتكم يالبنات ..

لازم اول شي اتخلون عماركم شريفات وعقب يبين المستوووووور

خخخخخ عيل داشه هالوقت
خخخخخ..وتقولين عن عمرك
في أصلن بنت

بعد الساعه12

خخخخخخخخخخخ والله انكم حااااله ..

<<عقول سقيمه بجد

..............

وانتهى الحوار لـ هذا الحد .. لانه البنت مصدوومه من نظرة الشباب للبنت اللي

فـي وقت متأخر من الليل !!! وقامت ورسلت الرسايل الخاصه كلها لمديرهم .. واتصرف فالمووضوع بنفسه

سؤااالي اللي يطرح نفسه الحيــــــــن ..

هل فعلا نظرة الشباب للبنت اللي

المنتديات او الشبكه العنكبوتيه بعد الساعه

2 تعتبر بنت مو

فعلا تفكير كل الشباب ؟؟؟

[center]او حتى لو جزء من تفكيرهم ؟؟

انزين ولو كان هذا هو تفكيرهم

ممكن تعطونا الاسباب والمبررات؟؟

اللي تخليهم يفكرون بـ هالطريقة!!

الصراحه انا انصدمت من هالشي ؟؟

يعني هل للاحترام وقت معين ؟؟

مو المفروض الاحترام ينعرف من الاسلوب في التعامل ؟؟
ابي منكم اجابات ونقاشات لـ هالاسئله ..؟

بإنتظاركم يالغوالي..

[/center]