علقتني بـ الضحكه الى تسبق .... الغمازتين !!

الأحد يناير 22, 2012 10:40 am

أ السلآآم عليكم

بسم الله الرحمن الرحييم

ي والله انـي ضايـق ومرهـق ومخنـوق وحزيـن
وإما بموت مـن الولـه ولا بمـوت مـن القهـر ..
واللـي لعـب فـي حسبـة ايامـي وخلاّهـا سنيـن
إني على ذا الحال يا شعري لي اكثـر مـن شهـر !!
بعت ( المدينه ) لجل ( عين ) وقالـوا الخافـي يبيـن
ودفنتك ( بجوفي ) وقالوا وش بقابـك مـا ظهـر ؟!
يا مطوّل الغيبه يا طـول الشـوق .. ميـر الله يعيـن
العاشق اللي عـاش ظامـي بيـن عـدّك والنهـر .!
يا صاحبي لو تعتـذر عـن غيبتـك عـذرك سميـن
حبك بعد ما غبت عـن عينـي تمـادى وازدهـر ..
من يوم شفتك ( والنعاس ) بعينك النجلا ( سجيـن )
ومن نفس ذاك اليوم و عيوني ( سجينه للسهـر ) !!
علقتنـي بالضحكـه اللـي تسـبـق .. الغمازتـيـن
وتركت لي شاعر !! كتب فيك القصايـد واشتهـر ..
سيّلـت دمعـك واستبـاح الدمـع ستـر الياسمـيـن
وعلمتنـي كيـف النـدى يجمّـل خـدود الزهـر !!
ليتك عقـب مـا غبـت غيّبـت اشتياقـي والحنيـن
أو ليتني ما قد دفعـت احـلام عمـري لـك مهـر ..
وياصاحبي .. لاعاد تسألنـي عـن الحـزن الدفيـن
أقسى الطعون : ( الطعنه اللي من حبيب و فالظهر ) !!

القصيـده /لـ محـِـِمد جآرالله السهلي

اتمنى تعجبكم ..