فليسكو وصنقلين

في البدايه .. نحب أن نوجه عناية الساده المشاهدين ان هذا الموضوع عباره عن دويتو بين فليسكـــــو والصنقليـــــن .. وعلى الساكنين خارج مدينة ام الجماجم مراعاة فارق التوقيت ..




فليسكـــو والصنقليــن .. من أغـرب الكائنات على وجـه الأرض
احتـار العلمـاء فـي اصلهمـا .. واجـريـت عليهمـا العـديد مـن الدراسـات ولكـن بـدون فـائـده .. لـم يستطـع العلمـاء تحـديد هـويتهمـا .. فهـل هــم مــن البشــر أم مــن الحيـوانات أم مــن النباتـات أم مـن الجمـادات أم مــن القـوارض ... ولكــن العلمــاء قــرروا أن يعتبــرونهـم مــن أوصــاخ الطبيعـه ..



بعــد تخــرجهمـا مـن المـدرسـه الإبتـدائيـه بـدأ الصنقليـن وفليسكـو البحــث عــن وظيفــه .. وكانـت أعمـارهـم فـي ذلك الوقـت ثلاثيـن سنـه لكـل منهـم ...
بحثــوا وبحثــوا وبحثــوا ولكنهــم لـم يـجـدوا وظيفــه لأن وجيهـهـم ماتسـاعــد علـى التـوظيـف .. اشتغلــوا فــي مطعــم وتسـمـم كـل اللـي أكلــوا فــي المطعــم .. وحتــى اللـي مـــروا مــن قــدام المطعــم تسمـمـوا .. وكـل اللـي اشتـروا مــن المحــلات اللـي جنــب المطعـم تسمـمـوا .. وكــل أقــارب اللـي تسمـمـوا بـرضــه تسمـمـوا ..!!


كان حظهـم نحــس .. فكــر فليسكــو والصنقليــن فــي مشـروع خاص .. وخـطـرت علـى بال الصنقليـن فـكــره خطيــره .. وهــي انهــم يفتحــون محــل فـاضـي مافيـه ولا شــي .. ويحطــون لـوحــه علــى المحــل فـاضيــه مافيهـا كتـابـه .. ويظـللـون قـزاز المحــل باللـون الأســود .. ويحطــون جنـب البـاب مــن الداخـل صنــدوق .. ويكــون المحــل مفتـوح أربـعـه وعشـريـن سـاعـه ..

و بمـا إن الشعــب عنـدنا مــلاقيـف .. فـراح يـدخلـون المحـل عشـان يشـوفـون وش السـالفـه .. وطبعـاً بـاب المحـل ينفتـح مـن بــرى عـادي .. ولكــن مــن الداخـل ماينفتـح إلا بعــد ماتحــط فـي الصنـدوق اللـي جنـب البـاب مـن جــوا ميــة ريــال .. ولا ماراح تقــدر تطلــع مـن المحـل

وفعــلاً نفــذ الصنقليــن وفليسكــو الفكــره ... وبعــد ما خلصـــوا وفتحــوا المحــل .. دخلـــوا المحــل عشــان يشــوفــون وش الســالفــه ...!!!!!!!!
وتقفــل عليهـم البــاب .. والمشكلــه إنهـم طفـرانيـن ومـا معهــم فلــوس ... وجلســوا محبــوسيـن فــي المحــل خمــس شهــور الليــن جا واحــد وفتــح البــاب وطلعــوا مــن المحــل وأعطــوه للـي فتـح لهــم البـاب .. ومـا وافـق يآخـذ منهــم المحــل إلا بعـد ما أعطــوه خمسـين ألـف ريــال كانـت هــي تحــويشـة عمــر الصنقليـن وفليسكــو ...


وجلــس فليسكـــو والصنقليــن يــدورون فكـره تخلصهـم مـن فـقـرهم وعـذابهـم ..
وفجـأه قـال الصنقليـن لفليسكــو
وش رايـك نفتـح محــل فـاضـي ..!!!!
التفـت فليسكــو علـى الصنقليـن وقـال لـه .. يـاخـوي ماكـن هالفكـره قلتهـا لـي قبـل كـذا ..؟؟؟
قـال الصنقليـن .. لا هــذا محــل غيــر الأول ..!!!!
قـال فليسكــو .. يـاخـوي ثــور أنـت .. تـراك أزعحتنـا بهالفكـره ماعنـدك إلا هــي ...!!!!
قـال الصنقليـن .. ياخـوي ماعـندي إلا هالفكـره تبيهـا ولا لا ..!!! ..........
ومـسك فليسكـو نفســه عشـان مايغلــط علـى صـديق عمــره ابـو صنقـل ...


وبعــد تفكـيـر عميـق قــرر الصنقليــن وفليسكــو انهــم يتـركـون الـدول العربيـه ويسـافـرون لأوروبـا لأن فــرص العمــل عنـدهـم كبيـره .. لـذلك قــرروا انهــم يــروحـون لـمـصـــر .... (( لاتستغـربــون .. يعنــي وش تتـوقعـون مـن نـاس مامعهـم إلا سـادس إبـتـدائـي ..!! )) ... وفعــلاً جهــزوا نفسهــم وحجــزوا تـذاكـر طيـاره لمصـر ...





وصــل الصنقليـن وفليسكــو لمـصـر ..
أخــذ فليسكــو نفــس عمـيـق وقـال .. أخيــراً شفنـا اوروبـا ...
ورد عليــه الصنقليـن بمقــولـه شهيــره يحفظهـا التـاريـخ لــه وقـال .. أوروبـا دولـة مـن لا دولـة لـه
والنـاس حـولهـم ينـاظرونهـم ويتحمـدون الله علـى نعمـة العقــل ....

وبــدا الصنقليــن وفليسكــو يــدورون علــى شغــل فــي مصــر ... لكــن كــل ماراحــوا لمكــان طــردوهــم ... واثنــاء بحثهــم حصلــوا واحــد عــرض عليهــم وظيفــه عنــد حــرمــه ... طبعـاً فليسكــو والصنقليــن أول ماسمعــوا كلمــة حــرمـه وافقـوا علــى طــول .. حتـى لــو بـدون راتــب ... وعطــاهـم الـرجـال عنــوان الحــرمـه وراحــوا لهــا ...


وصــل فليسكـو والصنقليـن للعنــوان وكـانـت شقــه فــي حــي المعــادي ... وبعــد ماطلعــوا للشقــه فتحـت لهــم البــاب الشغــالـه ودخلتهــم فــي الصــالـه ... جلــسـوا فـي الصــالـه .. وكـانـت الحــرمــه اللـي يـدورون عليهــا تصلــي فــي الصــالـه ... وبـايـن عليهــا آثــار التقــوى والصــلاح لــدرجــة إن فليسكـو والصنقليـن جلســوا يبكــون وهــم يشـوفونهـا تصلــي بخشــوع ... وجلســت تصلـي ســاعتيــن .. وبعــد ماخلصــت مــن الصــلاة قـامـت سلمــت عليهــم .. ودخلــت غــرفتهــا شـــوي ... وبعــد ماطلعــت..!!
كـانـت لابســه قطعتيــن مــن المـلابــس بــس ..
قطعــه فــوق وقطعــه تحــت وباقـي جسمــها بـدون مـلابــس .
نــاظر الصنقليــن فـي فليسكــو وقــال لــه ..
يالله يافليسكــو خلنـا نمشــي الـظاهــر انهــا بتنــام ....
قــال فليسكــو .. لا ياخــوي الظـاهر انهــا بتـآخـذ دش وتـرجـع .
قـالـت لهــم الحــرمـه .. اييييييه بتتـوشوشـو بتئولـو ايييييـه .. يالله أوم انـتا وهـو.

تـوقـع الصنقليـن وفليسكـو ان الحــرمـه هــذي ناويتهــم لأنهــم حلــوين وصغــار وناويــه تـراودهــم عــن انفسهــم
الصنقليـن مســك سـروالـه بقــوه وفليسكـو عــوره بطنــه مـن الخـوف

وقـالـت لهـم الحــرمـه .. شــوف انـتا وهــوا ..
انــا اسمــي نبيلــه واشتغــل رقـاصــه .. وانتـو حتكــونـوا الحــرس الخـاص بتـاعــي ...
قـال الصنقليـن يعنـي احنـا الحــرس حقــك ..؟؟؟
قـالت لــه نبيلــه .. ايــووووه .....
قـال فليسكــو .. يعنــي احنـا البـودي ماستــر حقــك
يبـي يقـول بــودي قارد بــس مايعــرف ..!!
قـالـت لــه .. قــوم اتنيـل منــك لـه والبســو أصــل ورانـا حفلــه ....



قـام فليسكــو الصنقليـن عشـان يغيـرون مـلابسهــم .. وبعــد ماخلصــوا لاحـظ فليسكــو ان الصنقليــن لابــس بــدلـه عسكــريـه ولابـس شمــاغ وعقــال ....
وقـال فليسكــو .. خيـــر انشـاالله يابـو صنقــل وش هاللبـس ..!!؟؟؟
قــال الصنقليــن .. هــذا لبـس الحــرس .. الـرقـاصــه تقــول إنـنـا الحـرس حقهــا ....!!!!!
قـال فليسكــو .. اقــول يالثــور هــذا لبـس الحـرس الوطنــي .. وانا وانـت حــراس عنـد الرقـاصــه .. روح غيــر وتعــوذ مـن الشيطـان لا ألحقــك بلــوح هاللحيـن ...
وغيــر الصنقليـن مـلابسـه وراحـو للـرقـاصـه نبيلــه ...
وكـانـت نبيلــه شـايلـه شنطــه .... وسألهــا الصنقليــن ..
وش هالشنطـه يافنــدم .. على باله مصـري
.. قـالـت لـه .. دي الشنطـه بتـاعـت مـلابسـي .....
قــال الصنقليـن .. والله يامـدام علـى هالمـلابـس اللـي انتـي لابستهـا ماتحتـاجيـن شنطــه كبيـره لأن مـلابـسك كلهـا قطعتيـن ..
انتـي مفـروض تحطيــن ملابسـك فــي علبــة هنــدســه..!!
قـالـت نبيلـه .. ايييييه انـت بتستهبـل ياروح أمــك .. يالله شيـل الشنطــه وماتكتـرش كـلام ..!!!!



لما وصلـوا المـرقـص دخلـت الرقـاصـه عشـان تـرقـص .. ودخـل وراها فليسكــو والصنقليــن ... والصنقليـن أول ماشـاف الجمهـور يصفـق تحمــس
وقـام يحــيـي الجمهـور ويـأشـر لهـم ويـرمـي عليهـم بـوسـات ..
شــوي إلا مـديـر المرقـص سـاحبـه مـع مقفـاه
وقـال لـه .. إيييييـه يامنيـل بتعمـل إيـه ..؟؟
قـال الصنقليـن .. ياخـوي هــم اللـي يصفقـون لــي ...!!!
قـال مـديـر المرقـص .. وانـت فـاكـرهـم بيسـئفـولك ياحمـار ..
إرجـع وماتتحـركـش لاحسـن أرميــك للكـلاب يامعفــن ..!!!


رجــع الصنقليــن ووقـف جنـب فليسكــو ... وكان فليسكــو عـاقـل ومـؤدب .... وبــدت الـرقـاصـه تــرقـص والجمهــور منهبـل عليهـا وانـواع التصفيــق ...
ورمــى واحــد مـن الجمهـور شـال للرقـاصـه عـشـان تـربطـه علـى خـصـرهـا ...
واعـطـت الرقـاصـه الشـال لفليسكــو عشـان يـربطـه علـى خصـرها ...
وأخــذ فليسكــو الشــال وربطــه علـى عيــن الرقـاصــه وراح يتخبــى .... !!!!
وجلـس مـديـر المرقـص يـدور فليسكـو وفـي الأخيــر حصلــه متخبــي فـي دورة الميـاه ....
وقال مـدير المرقـص .. بتعمـل إييييـه يانتـن ..؟؟؟
قـال فليسكــو .. إسكـت لا تفضحنـا لأن الرقـاصـه نبيلـه تـدورنـي ... !!!!
قـال المـديـر .. تـدورك ليــه ..؟؟؟
قـال فليسكـو .. هـي أعطتنـي شـال عشـان أربطــه علـى عيـونها ونلعـب استغمــايـه ...!!!!
ورد عليـه مـدير المـرقـص .. الشـال ده ياغبي بتـاع الرقـص مـش عشـان تربطـه علي عينهـا.
وسحـب المـدير فليسكــو ورجعـه للمسـرح ..!!

وكملـت الرقـاصـه رقــص .. والجمهـور مازال متفـاعـل معهــا ..
وتحمــس الصنقليـن وفليسكــو مـع الـرقـاصـه وقـامـوا يـرقصـون مـعـها .. والصنقليـن يـرقـص غـربـي ويسـوي حـركـة الـدوده وحـركـة الـرجـل الآلـي ....
ومسكــه مـديـر المرقـص واثنيـن مـن الحـراس ورمـوه بـرى ..
ورجعـوا وحصلـوا فليسكــو قـالبهـا سـامـري ويغنـي
شــاب الشعـر ياعبيــد ... ومسكـوه وسحبـوه بـرى المـرقـص ..
ومـديـر المـرقـص يـسأل فليسكـو .. مـين عبيـد ده ..!!


وبعـد ما انطـردوا صـارت الدنيـا سـودا فـي عيـونهـم .. وجلسـوا يفكـرون فـي حـل لمشكلتهـم ..
ونـط الصنقليـن وقـال .. وش رايـك يافليسكـو نفتـح محـل فـاضـي ...!!!
وقـام فليسكـو مـن القهـر وسحـب شعـر الصنقليـن وقـال ..
ياخـوي تـراك غثيتنـا بهالفكـره .. أقسـم بالله لـو قلتهـا مـره ثـانيـه لأرتكـب فيـك قضيـة جريمة ...!!!!

وقـال الصنقليـن لفليسكــو ... طـيب وش رايك أعــزمـك فـي مطعـم ..؟؟
رد عليـه فليسكـو .. بـس مـن ويـن لك فلـوس ..؟؟
قال الصنقليـن .. سـرقتهـا مـن مـدير المـرقـص وهـو يطـردنـي .. بـس والله مادري كـم لأنها بالعملـه المصريـه .. لكـن مـن شكلها إنهـا كثيـره ......!!!


وراح فليسكـو والصنقليـن لمطعــم فـخم .. وبـعد مادخلـوا مسـك الصنقليـن فليسكـو وقال لـه ...
فليسكـو الظاهـر إنـنا دخلنـا قـسـم العوايـل .. شـف الحـريم جالسيـن ..!!!!
ناظـره فليسكـو بحقـد وقال لـه .. قـسم عـوايـل انـت وجبهتـك .. داخليـن مطعـم فـي السعـوديـه إحنـا .. ادخـل وانـت ساكـت بــس
وجاهـم الجـرسـون وأعطاهـم المنيـو حقـت الطلبات ..
وأخـذ فليسكـو والصنقليـن المنيـو وقامـوا يناظرونها ويقلبـونها ويـدورون كلمـة مظبـي ولا مـندي ولا حصلــوا ... كـل الطلبـات أسماءها غـريبـه ...
وجلســوا ساعتيـن يحاولـون يختارون أكلـه ومافيـه فايـده .. والجرسـون واقـف فـوق روسهـم يحتـريهـم يطلبــون ...
آخـر شـي زهـق الجـرسـون وقال لهـم .. ايييه مالك انتا وهـو بتحلـوا الكلمات المتقاطعـه .. ماتطلبـوا ولا ورونا عـرض اكتافكـم ..... واخيـراً طلـب كـل واحـد منهـم كـم طلـب مايـدرون وشهـي أهـم شـي يآكلـون .


وبعـد ماخلصــوا أكــل عـطاهـم الجـرسـون الفـاتوره ...
وطلـع الصنقليـن الفلـوس مـن جيبـه وعطـاه الجرسون .
وقـال الجرسـون .. ايـه ده .. الفلـوس ناقصـه ...!!!
قال فليسكـو .. يارجال خـذها واحمـد ربك ......
قال الجرسون .. ايـه أصلـه ده .. انتـوا مآكليـن بميــة جنيــه وفلـوسكم خمسـه جنيـه بـس ....
قال الصنقليـن .. ياخوي تراك أزعجتنـا تبـي أكلك رجعنـاه لك بـس لا تغثنـا ..!!!!
قال الجرسـون .. ترجعـه لـي .. ليـه انـت مآكل فستـان عشـان تـرجعـه ...!!!!
وانقهـر الصنقليــن ودخـل اصبعـه فـي فمـه وطـرش الأكـل فـي صحــن وعطـاه الجـرسـون وقال لـه ..
هـذا اكلك واخصـم حسـابـي مـن الفاتـوره ....!!!!
وأخـذ الجرسـون الصحـن وطالـع فيـه وقـال .. ربنـا يقـرفـك .. ايـه البطـن ده .. انـت مآكل كبـاب وسمـك وتطلعـهم لحـم مفـروم ... بـس بـرضـه الحسـاب نـاقـص ...!!
وقـال فليسكـو .. خـلاص انـا باطلـع الأكـل بـرضـه وإذا صـار الحساب تمـام قـول لـي عشـان أوقـف
وبـدا فليسكــو يطـرش الأكـل بشــويش وعينـه علـى الجـرسـون عـشان ينتبـه إذا قـال لـه يـوقـف .
وطلــع فليسكــو والصنقليـن مـن المطعــم اللـي قفلتــه البلــديه بعـد هـذا المـوقـف وقلبـوه مـوقـف تكـاسـي ..


ورجـع الصنقليــن وفليسكــو يفكـرون فـي حــل لمصيبتهــم وورطتـهم مـع الوظـايـف ..
ونـط الصنقليـن وقـال .. فليسكــو فـيه واحـد مـن العيال فـي السعـوديـه أعطـاني رقـم واحـد مصـري اسمــه حـنفـي يقـول إنـه يشتغـل فـي منصـب كبيـر .... واستانـس فليسكـو وأخـذ الرقـم مـن الصنقليـن ..


واتصـل فليسكـو والصنقليـن علـى حنفـي وأخـذوا مـنـه مـوعـد ..
وفـي المـوعـد المحـدد جـا الصنقليـن وفليسكـو وهـم كاشخيـن عشـان يعجـب فيهـم حنفـي ..
وبعـد لحظـات جـا حنفـي وجلـس مـع فليسكـو والصنقليـن .... وعلمـوه بـوضعهـم وانهـم جايـين مـصـر عشـان يشتغلـون ويكـونون نفسهــم ...
وناظـرهـم حنفـي وقـال لهـم .. شـوف يابنـي انـت وهـوه .. الشغـلانـه اللـي انا اشتغلهـا أهـم حاجـه فيهـا انـك تـرمـي اخـلاقـك وكرامتـك وعـزة نفسـك وراك وتبـص لقـدام ..
لأن شغلتنـا دي فيهـا بنـات عشـان كـده لازم تخلـي قلبـك جـامـد .. واذا كنتـوا مستعـدين تعملـوا اللي قلتلكـم عليـه فمـن النهار ده تبـتـدوا شغـل معـايـه ............
قـال الصنقليـن .. يارجال مادام الدعـوه فيهـا بنـات مستعـد أرمـي ابـوي وامـي بعـد ..!!!
وسأل فليسكـو حنفـي .. انـت وش تشتغـل بالضبـط ..؟؟
قـال حنفـي .. انـا عنـدي مجمـوعـة بنات يشتغلـوا عنـدي . وشغلتهـم انهـم يبسطـوا السيـاح وينفـذوا طلباتهـم
وانا كل اللـي باعملـه انـي استقبـل اتصالات السياح وارسـل لهـم البنات اللـي يعـوزوهـم ..!!!!
قال فليسكـو .. يعنـي تشتغـل قـوّاد ..!!؟؟
قـال حنفـي .. ياراااجل تـف مـن بـؤك اييييه الكـلام ده .. دي شغـلانـه شـريفـه واحنا كـل اللي بنعملـه عشـان مـصـر تبقـى دايمـاً مـركز السياحـه الأول .. عشـان كـده لازم نبسـط السيـاح ..!!!!!!!
واقتنـع فليسكـو والصنقليـن .. ياحليلهـم بسـرعـه يقتنعـون ..



وأخـذ حنفـي الصنقليـن وفليسكـو لأحـد الفنـادق الفخمـه .. ودخلهــم وحــده مـن الغـرف ... ودخــّـل عليهــم عشـر بنـات .. وقـال لهـم
شــوف يابنـي انـت وهـوه .. دولـي عشـر بنـات .. كـل واحـد فيكـم مسـؤول عـن خمـس بنـات ..
يشـوف طلبـاتهـم وما يخليهمـش يبعـدوا عـن عيـنه .. وانـا حـّـدي كـل واحـد منكـم موبايـل ..
عشـان الزباين يتصلـوا عليكـم وانتـم تـوصلـوا لهـم طلبهـم مـن الخمـس اللـي عنـدكم ...!!!
قـال الصنقليـن .. بـس الله يخليـك انـا أبغـى مـوبايـل بـدون سلطـه وكتشـب .(( الثـور يحسبـه عشـاء ..!! )) ..
ونـاظـر حنفـي فـي الصنقليـن وقـال لـه .. خلـي خفـة دمـك دي لـوقـت الحاجـه ومايكثـرش ..!!


أخـذ فليسكـو خمــس بنـات وراح لغـرفتـه .. وجلـس الصنقليـن مـع الخمـس بنـات البـاقيات ....
وبعـد ربـع سـاعـه دخـل حنفـي علـى الصنقليـن عشـان يشـوف الـوضـع وحصـّـل الصنقليـن مفصـخ مـلابسـه وماعليـه إلا سـروال سنـه وجـالس يستعـرض عضـلاتـه قـدام البنـات ..
وعصـب حنفـي ومسـك الصنقليـن وسحبـه مـن ديـده وقـال لـه
بتعمـل اييييه يامنيـل دول مـش ليـك ياروح أمـك دول للسياح بـس .. انـت فـاهـم
وحسـك عينـك تقـرب لـوحـده منهـم ليكـون آخـر يـوم فـي حياتـك المعفنـه ..
ورجـع الصنقليـن ولبـس مـلابسـه وجلـس وهـو منـزل راسـه ...!!!!


وبعـدها دخـل حنفـي علـى فليسكـو وحصلـه يكلـم بالجوال .. وجلـس حنفـي يسمـع المكالمـه بـدون مافليسكـو يحــس .. وسمـع فليسكــو يقـول للـي يكلمـه جـوال
عـيـب عليـك تتـصـل علـى الناس وتسأل عـن بنات .. انـت تـرضى أحـد يتصـل علـى اخـوك الصغيـر ويسأل عـن بنات ..
احتـرم نفسـك ياحقيـر ياواطـي يافنـدم .. (( يحسـب يافنـدم سبـه ..!! )) ...
ودخـل حنفـي ومسـك فليسكـو مـع اذنـه وقـال لـه .. ايييييه اللـي بتهببـه ده ..؟؟؟
قـال فليسكـو .. والله مـا هـبهبت شـي بـس جالـس أكلـم واحـد قليـل أدب يسأل عـن بنات ..!!!
قـال حنفـي .. ليــه هـو انـت بتشتغـل فـي بوليـس الآداب ياروح خالتـك .. انـت شغلتـك انـك تـوصـل البنات للـي عـاوزهـم لحـد بيتـه مـش تعمـل وصــي عليهـم ياحمـار ...!!

وبعـد ماعـرف فليسكـو والصنقليـن اصـول المهنـه طلـع حنفــي ... ودخـل الصنقليـن علـى فليسكـو فـي غـرفتـه وهـو مـرتبـك وقـال لفليسكــو إن فيــه واحــد اتصــل عليـه ويبيــه يـرسـل لـه بنـت وعـطاه عنـوانـه

قـام فليسكـو وأخـذ الصنقليـن وأخـذ وحـده مـن البنـات وتـوجهـوا للفنـدق اللي سـاكـن فيـه الـزبون ...
وبعـد ماوصلـوا للفنـدق راحـوا لغـرفـة الزبـون وسلمـوه البنـت .. و جلسـوا يحترونها في الاستقبـال ...


ومـرت ساعـه وساعتيـن والبنـت ماطلعـت .. وقلـق فليسكــو والصنقليـن وطلعـوا لغـرفـة الزبـون عشـان يشـوفون الوضـع ....
وسمعـوا مـن ورى باب الغـرفـه صـوت آهات وصياح .... وحـسوا إن فيـه شـي صـاير ..
وطلـع الصنقليـن جوالـه واتصـل علـى الشـرطـه ... وكلها دقايق إلا والشـرطه واصلـه ...
وكسـروا الباب وحصلـوا الزبـون والبـنت فـي وضـع فاضـح ومتلبسيـن بالجـريمـه بـس .. وغيـر الجريمـه ماهـم متلبسيـن بـأي شــي ثـاني .. !!!


وحقـقـوا الشـرطـه مـع البنـت وقادهـم التحقيـق لحنفـي ومسكـوه وسجنـوه عشـر سنيـن مـع الأشغال الشاقـه .....
وكان حنفـي طــول الطـريق يصيـح ويقــول .. أشـوف فيكــم يــوم ياولاد الكلـب
. والصنقليــن وفليسكــو يسـألـونـه .. مــن تقـصــد ..!!!؟؟؟ (( قـمــة الـبراءه ))



وبـعد هالمـوقـف استـاجـر فليسكـو والصنقليـن غـرفـه فـوق سـطـوح عـماره عـشان يجلسـون فيهـا الليـن يحصلـون وظيفـه وبعـدين يغيـرونها ...
وكانت هالعماره مكـونه مـن عشـر أدوار وفيهـا أربعيـن شـقـه .. والغـريب أن عـدد سكانهـا ثمانميــة .. ماشالله عليهـم هالمصاريـه ماعنـدهم أي مشكلـه أهــم شـي يسكـنون وبـس .. يعنـي لاتستغـرب لـو فتحـت علبـة بيبسـي وطلـع لك منهـا مصـري ..!!!



وفـي يـوم مـن الأيام تعـرف فليسكـو علـى واحـد مصـري فـي الحاره اسمـه بسيـوني ..
وكان بسيـوني هـذا لـه عـلاقات كثيـره ووعــد فليسكــو انـه يـدور لـه وظيفــه هــو وصـديقـه الصنقليــن وصـار بسيــوني يسهــر مـع فليسكـو والصنقليـن فـي غـرفتهـم ...
لكــن الصنقليـن ماكان مـرتاح لبسيــوني وما يـدانيـه .....
وفـي يــوم كان بسيـوني نايـم فـي الغـرفـه .. واعتـرف الصنقليـن بشعـوره هـذا لفليسكــو ..
وطلـب فليسكــو مـن الصنقليـن انـه يعطيــه أسبـاب تخليـه ما يرتاح لبسيـوني ..
وجلـس الصنقليـن يفكـر فـي أسبـاب وقـال لفليسكـو .. وش رايـك نفتـح مـحـل فـاضـي ...!!!!!
قـال فليسكـو .. وش دخـل هالموضـوع فـي سالفتنـا ..!!؟؟؟
قـال الصنقليـن .. مــدري بـس حاولـت أفكـر وجتنـي هالفكـره..!!
قـال فليسكــو .. الله يلعـن هالوجـه .. تراك غثيتنـا بهالفكـره المخيسـه ...!!!!
قـال الصنقليـن .. يافليسكـو ماعنـدي أسباب تخلينـي أكـره بسيـوني .. لكـن يكفيـك اسمــه ..
بالله عـمـرك شـفـت رجـال إسمــه بسيـوني .. ويــن ياخـي تلفـزيـون هــو ..!!!!
قـال فليسكــو .. انـت تقصـد تلفـزيون سـوني وهـذا اسمـه بسيـوني يعنـي فيـه فـرق .. بـعدين انـت لازم تجـاملـه عشـان يـدور لنـا وظيفـه .. لأنـه يشتغـل فـي شـركـة أخـشاب كبيـره ولـه علاقـات كثيـره .....
قـال الصنقليـن .. أنـا كان عنـدي احسـاس إنـه يشتغـل فـي شـركـة أخشـاب لأنـي مـن أول ماشفتـه وانـا احـس انـه لـوح ... لكـن عشـانك يافليسكـو باحـاول اتحملـه .!!!



وقـام بسيـوني مـن النـوم وكان فليسكـو والصنقليـن جالسيـن يتفـرجـون علـى التلفـزيـون ..
وقـام بسيـوني وأخــذ منشفـه وقـال .. عـن إذنكـم ياجمـاعه أنـا حادخـل الحمـّـام وآخــذ لــي شـاور ..!!!! وعصـب الصنقليـن وقـال لبسيـوني .. كـرّم النعمــه انـت ووجهـك ..!!!
قـال بسيـوني .. إيـه مالك مافيهـاش حاجـه حاخـدلـي شـاور فـي الحمـّـام ...
وقـام عليــه الصنقليـن ومسكــه مـع حلقــه وقـال لـه .. يابـن الكلـب قلـت لك كـرّم النعمــه ..!!!!
وقـام فليسكــو ومسـك الصنقليـن وقـال لـه .. خيــر يابـو الشبـاب عـسـى ماشـر ..!!!!
قـال الصنقليـن .. ماسمعـت يافليسكـو هالكلـب يقـول بيآخـذ شـاورمـا مـن الحمـّـام ...!!!!
قـال فليسكــو .. يارجـال كلك تبـن وش دخـل الشـاورمـا .. هـو يقـول بيـآخـذ شـاور يعنــي قـصـده بيـآخـذ دش ...!!!
وانحـرج الصنقليـن وقـال .. وانـا وش درانـي إن شـاورما بالمصـري يعنـي يتسبـح بالسعـودي ..!!!
قـال فليسكــو .. وانـت مادامـك ماتعـرف اللغـه المصـريه أجـل لا تتكلـم ..
ودخـل بسيـوني يتسبـح وهـو منهبـل ..!!!



وفـي يـوم مـن الأيـام كان فليسكـو طـالع يجيـب عشـا وتـرك بسيـوني والصنقليـن فـي الغـرفـه ....
وبعـد مارجـع فليسكــو حصـّـل النـاس متجمعيـن قـدام العمـاره اللـي ساكنيـن فيهـا .. ويـوم قـرب يشـوف وش السـالفـه لقـى بسيــوني مـيـت .. !!

وكان مـطعـون فـي ظـهـره أكثـر مـن طـعنـه بالسكيـن .. ووجهــه عليـه آثـار ضــرب وتبقيـس ومنطـول مــن السطــح ...!!!

وطلــع فليسكـو بسـرعـه عـنـد الصنقليـن عـشان يشـوف وش السـالفـه ..

لقـى الصنقليـن جالـس قـدام التلفـزيون ومبسـوط ...

وسـأله فليسكـو .. وش السـالفـه وليـش بسيـوني مـيـت ..؟؟؟

قـال الصنقليـن ببـرود .. أبـد سـلامتك .. بـس كنـا نمـزح أنـا ويـاه ..!!!!

قـال فليسكـو .. تـذبـح الرجـال وتقـول كـنا نـمزح ..!!!

قـال الصنقليـن .. ياخـوي هـو اللـي بـدا

وطــق البـاب وفليسكـو والصنقليـن يتكلمـون ...

قـال فليسكـو للصنقليـن .. شـوف يالحمار .. هـذولي أكيـد الشـرطه .. أنـا باتخبـى فـي الحمـّام .. وانـت تصـرف معهـم .. ومثـل ماورطتنـا طلعنـا ...!!!

ودخـل فليسكـو الحمـّام .. وفتـح الصنقليـن الباب .. وكانت الشـرطـه ... ودخلـوا الشـرطـه .. وكان معاهـم محـقق ..

وسأل المحـقق الصنقليـن .. تعـرفـوا حاجـه عـن الجثـه اللـي تحـت ..؟؟؟

قـال الصنقليـن .. لا والله مانعـرف شـي .. وأصــلاً مانـدري إن اسمـه بسيـوني ...!!!!!

قـال المحـقق .. وايــه عـرفـك إن اسمـه بسيـوني ..؟؟؟

قـال الصنقليـن .. ياخـي بالعقـل .. واحــد ميـت ومنطـول مـن السطـح أكيـد بيكـون اسمـه بسيـوني

وكان فليسكــو فـي الحمـّام ويسمـع كـلام الصنقليـن وهـو يبكـي مـن القهـر ..!!!

قـال المحـقق .. شـوف يابنـي الانكار مـش حايفيـدك .. اعتـرف أحـسن لك

قـال الصنقليـن .. تبـي الصـراحه ياحضـرت البيـه .. اللـي مات اسمـه بسيـوني وهـو كان صـديقنـا وكان عـنده مشـاكل نفسيـه .. وكنـت أنا ويـاه جالسيـن وفـجـأه قـام وانتحـر ..!!!!

قـال المحـقـق .. وازاي انتحـر ..؟؟؟

قـال الصنقليـن .. أخـذ سكيـن وطـعن نفسـه فـي ظـهـره أكثـر مـن مـره .. وبعـدين قـام يضـرب نفسـه علـى وجـهـه الليـن مـات .. وبعـد ما مـات قـام وشـال الجثــه ورمـاها مـن فـوق السطــح ...!!!!!!

وبعـد ماسمـع فليسكـو كـلام الصنقليـن طلـع مـن الحمـّام بسـرعـه .. ومسـك يـد الصنقليـن وانحـاشـوا مـن المكـان بسـرعـه ... والمحـقق والشـرطـه كانـوا واقفيـن ومنهبليـن مـن كـلام الصنقليـن اللـي ماقـدروا يستـوعبـونه ...!!!

وركـض الصنقليـن وفليسكـو وفجـأه حصلـوا نفسهـم قـدام البحـر

ناظـر فليسكـو فـي الصنقليـن وقال لـه .. وش هالتصـريفـه يالحمـار .. محــشش أنــت ...؟؟؟

قـال الصنقليـن .. والله مادري ماجا فـي بالـي إلا هـي ...!!!

قال فليسكـو .. ماعليـه الـوعـد إذا رجعنـا لكـن هاللحيـن خلنـا نـدور مخـرج مـن البلـوه اللي حطيتنا فيهـا ....!!!


ومالقـى الصنقليـن وفليسكـو مخـرج إلا انهـم يـرجعـون للسعـوديه سبـاحـه ...

وفعـلاً نـزلـوا للبحـر وبـدوا يسبحـون ...

وبعـد ماسبحـوا مسـافـه ووصلـوا لنـص البحـر تجمعـت عليهـم أسمـاك القـرش ...

وكانـت أسمـاك القـرش مستغـربـه وش هـذولـي ووش اللـي جابهـم هـنا فـي وسـط البحـر!!!

وش هـذولي كـلاب بحـر ولا دلافيـن مـشـوهـه ولا وش بالضبـط . !!!!

قـال الصنقليـن لفليسكـو ..
يافليسكـو تـرا ذبحنـي الجـوع .. وش رايك نصيـد وحـده مـن هالاسمـاك ..!!!

قـال فليسكـو .. أقـول اسبـح وانـت ساكـت هـذي أسمـاك قـرش ميـب لعبـه ...

وجلس يضحـك الصنقليـن وقال .. يلعـن أم الأسـم .. وش أسمـاك قـرش .. يعنـي لـو أجمـع عـشريـن سمكـه منهـا يصيـرون ريـال ..!!!!

ناظـر فليسكـو فـي الصنقليـن بحقـد وقـال لـه ..
اسبـح وانـت ساكـت لا اكفخك ترانـي حاقـد عليـك ولا تخلينـي اتـوثـم فيـك فـي البحـر ..!!!

وكملـوا سبـاحـه وأسمـاك القـرش تتابعهـم وهـم مستغـربيـن .....

وفجـأه قـام الصنقليـن يلحـق أسمـاك القـرش .. وأسمـاك القـرش أول ماشـافـوا الصنقليـن متجـه نحـوهـم فصخـوا نعـولهـم ورفعـوا ثيابهـم وانحـاشـوا .

والصنقليـن وراهــم .. واسمـاك القـرش منهبليـن ويصايحـون مـن الخـوف .. والصنقليـن وراهـم ... وقـرب الصنقليـن مـن وحـده مـن الأسمـاك .. ويـوم التفـتت السمكـه وشافـت وجــه الصنقليـن قـامـت تصيـح وتقـول .. يـماااااااااااه ..

ومسـك الصنقليـن سـمكـة القـرش وجابهـا لفليسكــو وأكلـوها ..

أمـا أسمـاك القـرش الباقيـه انحـشـوا الليـن وصلـوا المحيـط الهنـدي مـن الخـوف ....!!

وكمل فليسكـو والصنقليـن سباحتهـم الليـن وصلــوا شـاطـئ جــده .

وكان فـي الشـاطئ نـاس واجـد وعـوائـل وأول ماشـافـوا الصنقليـن وفليسكـو طالعيـن مـن البحـر انحـاشـوا وتـركـوا أغـراضهـم وسياراتهـم مـن الخـوف ...

وارتاح الصنقليـن وفليسكـو شــوي علـى الشـاطئ .. وبعـدها كملـوا طـريقهـم إلا الريـاض ..

وبعـد ما وصلـوا للريـاض مسـك فليسكــو الصنقليـن
وقـال لـه .. شــوف يالغبـي .. اللـي بينـي وبينـك انتهــى ولا تعـرفنـي ولا أعـرفـك ....

قال الصنقليـن .. ليــش يافليسكــو حـرام عليـك تتـركني وانـا حبـك الأول والأخيـر ..!!!

قـال فليسكــو .. يارجال انطـم .. أنـا ما ادري وش لـون كنـت متحملـك .. انـت غبـي وحمـار ولا فيـك فايـده .. ومثـل ماقلـت لـك .. انسـى انـي فـي يـوم مـن الأيـام كـنت صـديقـك ..

وراح فليسكــو وتـرك الصنقليـن واقـف مكانـه ومنـزل راسـه ودمـوعه علـى خــده ..


وبعــد كــم يـوم تـوظـف فليسكــو فـي وظيفـه تمـشي الحـال ... ومشـت أمـور فليسكــو تـمام بعـد ما انقطـع عـن الصنقليـن ...

وفـي يـوم مـن الأيـام كان فليسكــو يتابـع الأخبـار .. ولفـت انتباهـه أربعــه اخبار غـريبـه ..

1 - تـوبـة الراقصـه الشهيـره نبيلـه .. وكـذلك تـوبـة حنفـي .. وتبـرعهـم بالأمـوال اللتـي كسبـوها مـن الحـرام للجمعيـات الخيـريـه ...!!!

2 - أغـرب عمليـة انتحـار فـي مصـر .. رجـل يطعـن نفسـه فـي الظهـر ثـم يضـرب نفسـه .. وبعـد ذلك يـرمـي جثتـه مـن السـطـح ...!!!

3 - ظـاهـره غـريبـه حيـرت العلمـاء ..إنقراض أسماك القرش من البحار والمحيطات .

4 - مشـروع غـريب يجعـل صاحبـه مـن الأغـنيـاء ..
فـقـد قـام شخـص يـدعـى الصنقليـن بتنفيـذ فكـره غـريبـه وهـي عباره عـن محـل فـاضي يجبـر مـن يدخلـه علـى دفـع أمـوال للخـروج مـنه .. وقـد تـم افتتـاح العـديد مـن الـفروع لهـذا المحـل فـي جميـع دول العـالم .. وذلك ماجعـل صاحـب المحـل الصنقليـن يجمـع المـلاييـن مـن هـذ الفكـره الذكيـه .
وفـي لقـاء مـع صاحـب المحـل الصنقليـن .. قـال أنـه يهـدي نجـاح مشـروعـه لـرفيـق دربـه وأعـز أصـدقائـه فليسكــو ..!!!


ضـحــك فليسكــو .. وتمنــى لصـديقـه الصنقليـن التـوفيـق فـي حيـاته .. وفضّـل أن يبقــى بعيــد عــن الصنقليـن لأنهــم لـو اجتمعــوا راح يخـربـون علـى بعــض ويعـدمـون العــالم ..!!!




وتوتاااااا توووووووتاااااا خلصت الحدووتا


تقبلو تحيتي ابو عابد

شكرا لك على الموضوع المتميز
ننتضر القادم
تحياتي

نورت الموضوع ياAkm

كئنك قلت قصت حياتك كلها امزح هع

يسلمووووووو على الموضوع

وتقبل مروري

نورت الموضوع